SOOLLA 36:4 - Boy Lonana

⁴ Dlara kal ay ki funumba halaŋŋi ganyamba, nam maa ki kay a li dlara jivira.

SOOLLA 36:4 ပူးပေါင်းရင်းမြစ်များ

ESTER 5:14

Na ɗaŋŋi Zerses, caamba, u banayamma halaŋ, dam ana, «Halaygi gu ma fiyekem metre dok mba' yam vadlna, vin maɗii wanni di mulna ana ɓalaygi Mardose ki hurumu, u furira ɗaŋŋi aŋ tuɗ ko taŋ u mulna hu li ma luuna olo.» Haman hurum vi boy namma hin hal guna.

ESTER 6:4

Mulna di ɗaŋŋi ana, «Sa ka hu taraŋgana ni gege?» Doli ɗini Haman mbay hu taraŋga kurufu vi mulna a di mulna ana ɓal Mardose ki hu gu ma nam halam ay kamma.

JOB 15:16

Gol ko sa war ma ki ɓalakina hin li ni ana mege? Sa ma ci dla cora ko suuna a ci yona nana hin li ni nanage?

SOOLLA 38:12

Banayan suu tuɗ u anna, mbuɗ ŋgay ko mbil manna, ndarayanna mbuɗ col ha ki egen na day.

SOOLLA 52:3

Aŋ ŋga taŋ kay dla cora na ni amege, aŋ sa ma las suuna, jivira vi Lonara ka hu buuna halaŋ.

SOOLLA 97:10

Agi suu minigi Yawena hini dla cora kiyo, nam ka gol iirira vi suu mam suu ɗegeena, nam buɗusi ki ko suu ka wi Lonaɗina.

VUN ŊGOLNA 24:2

kay hurusi ki tinni kay a li dla cora doy hol, vunusi njaɗ ni dla cora sak sak.

VUN ŊGOLNA 24:23

Gola, wanni yal ma daŋŋa olo. Hu li ma aŋ tuɗ fun ɓakŋa wa ni, col ki ŋgoo sa dewɗi.

VUN ŊGOLNA 4:16

Asi ka buu sen kaŋga bay li dla co ay kiɗi, bay asi a ndi sa ki ga na ba ni asi ka buu senɗi.

EZAYI 65:2

Maɗii day ni an baa kon ki maliya, a yi suu may suu gonokka u anna, a yi suu may suu tuɗ hu voɗta cora. Suu ka zii saa masira corana.

JEREMI 4:22

Gasi, suu mansina saarasi kaɗi. Asi ka wanɗi. Ni gor suu to'onosi kaɗina. Asi ka ndak a wi dla na ndeɗi. Asi yal coco kay a li dla cora, a li dla jivira ni asi ka wiɗi.

JEREMI 6:16

Yawe ɓak anaba, Cologi hu voɗta na jol a halagi lina. Joɓogi kay voɗta suu jewna tlaɗta, voɗta heɓpa huruɗta ni tarage, agi hin tlaɗu. Agi hin fi li ma agi kak u heɓpana. May ni asi di ana, «Ami ka tuɗ huruɗɗi.»

JEREMI 8:6

An humusi dlasira ki jiviya, dlara asi laɗta uɗ kaɗi. Sa dew lay ka hin coomba kiɗi, di ana, «An li ni me ɗowge?» Gegelay tin irim ki ni hu li ma nam minimma, ko ndal kulumina fun duunara na.

AMOS 5:15

Noyogi dla cora kiyo, minigi ni dlara jivira, kaagi ɓakŋa u voɗomu, kala Yawe Lona ma saɓakŋa hin wi hahaw suu hin vi Yosefna.

MISE 2:1

Hahawra ka kay suu njay boy ma cona kina, suu hal dlara cora ay kaŋga kay lay masi ma buuna layna. Ŋgarpii wanni asi li dla ndaɗta kay ana saɓakŋa ni kosiya.

MISE 6:8

Aŋ sana, asi haɗaŋ tlesuu jivina wa, tlesuu Yawe min ana aŋ lasiyana. Va daŋ kaɗi, ni humba gasira, minda ɗegeera may, tuɗta aŋ tuɗ hu voɗta vi Lona u voɗoɗta may.

MATIYE 27:1

Maɗii feɗet ni, muli suu li ɓivunna u suu ŋgolo suu Juifna, tok tasi a gi gagara a ci Yesu kiyo.

SUNDA 23:12

Vin maɗiira wanni suu Juifna vi vunusiya, asi suu tasi ki ana asi ti vaɗi lay, ci yoɗi lay, gak gak asi ci Pol ki tuwa.

ROMMA 1:32

Asi kay tasira wi ɓak ma vi Lonna ki jiviya, suu li ko ndaɗta na na hin fi miɗna, asi wi ki masi na lay yasi gak li dla mayra ndaɗta, asi taɓ vunusi u suu li dlara ndaɗta lay.

ROMMA 12:9

Li minda gasira, hin cora kiyo, njunugi tagi saɓaki eg jivira.

WIRA ŊGAYRA 2:2

An wi tlesuu aŋ lasina halaŋ, an wi dlara loɓma li egeŋga, ɗili maŋga aŋ takaɗ kira an waɗ lay, an wi ana aŋ ka ndak a siɓ dlara vi suu conaɗi, suu di kay tasi ana asi ni suu vovoɗta hin ka naɗina, aŋ tukusiya, hin wasi ana asi ni suu kaboyna.

1 SAMUEL 19:11

Sol sun suuna ha hu ziŋ Davidna a golom umba, hin cam ki vin maɗiira. Mikal, caŋ Davidta, jokom boy namma dam ana, «Lini aŋ suɗ taŋ ka hu njeŋgera karambaɗi, ni vinni asi hin caŋ kiyo.»