SOOLLA 35:8 - Boy Lonana

⁸ Ko lassa mba kasi bay asi waɗu, ko bay ma asi gunumma hoŋ vasiya, asi cuk hu hahaw ndaɗta may.

SOOLLA 35:8 ပူးပေါင်းရင်းမြစ်များ

2 SAMUEL 17:23

Hu li ma Ahitofel wi ana sa ka li u gaɗ mambaɗi ni, nam ɗag tlena kay kor mamba, gi tam tuɗ vo varam hu ɦoŋzi mamma. Nam ɦal gaɗta maŋ suu varamma may ni, hin cuk delem ki zewna. Ŋgoo miɗ mamma asi tosom hu zulla vi bumba.

ESTER 7:10

Asi hin ɓal Haman ki kolo hu gu ma nam halam ay kay Mardosena. Ni yara vi mulnara hin heɓ kiyo.

SOOLLA 57:6

Lona, tak ŋgol maŋga ay ki kolo huulona, tak bibiŋil maŋga ki hu duliyara may.

SOOLLA 64:7

Asi saa ni kay dla cora, asi saa ana sa ma wasi mbeleŋ masina kaɗi, huu sana gasi ni ko zulla yaɗ derewra na.

SOOLLA 9:15

Kay a an col ki fun ɦoŋzi ma Siyonna, dasi ki kay furi manda. An gaŋ deɓpa wanda, an gi soolla u furira kay aŋ suɗun ki wa.

VUN ŊGOLNA 29:1

Sa ma so yam ki na so ka hum gaɗta vi saɗina, hin pukŋi cemcem, ka col oloɗi lay.

VUN ŊGOLNA 5:22

Sa ma dlam cona dla coomba vammi ndaɗ tok, nam hin vi ni hu bayna vi dla coomba tok.

EZAYI 47:11

Gola dlara yoora ŋgolla hin mba kaŋu, ni ta aŋ ka ndak funuɗira. Tuguɗii bona hin ndi kaŋu, aŋ ka ndak a hoŋoɗ ki dagan u tlesuu aŋ ɦasinaɗi. Na daŋ may hin mba kaŋŋi dlara aŋ saa ka gin kaɗ naɗira.

Boy Ma Ayra Ma LUK Ɓiirimma 21:34

«Gologi tagi jiviya. Hinigi hurugi tin ki kay luu ma ɦawanaɗi, kay guruɗta summaɗi lay, kay tlesuu kay ndaŋgaraɗi lay. Li ka naɗi ni buu namma hin kafagi kagi ni kafiya.

1 TESALONIKŊA 5:3

Hu li ma suuna mbuɗ di ana heɓpa kaa, ya ka oloɗina ni, buu ma ɓalakka hin mba kasina, ni ko ndal cara huruɗ taɗ a vuɗta na li ma asi suɗ ki hurum kaɗi.

1 SAMUEL 18:17

Sol di David ana, «Gola goronda ŋgolla, Merab, wanna. An hin ɦaŋga a cara ni ndaɗu. Na may aŋ lan sunda u saɓakaŋu, li duuna maŋ Yawe.» Sol ɓak tam ana, «Tiniygi koygi egembi, suu Filistinna li dla ndaɗta asiya.»