Suu sunda li sun masira ki jivi u voɗoɗ ɗegee u suu ŋgolo suu hu njaf ma vi Levi suu ka fokosina, ni gi Yahat u Obadiya. Asi ni hu deera vi Mararira, Zakari u Mesulammi hu deera vi Kehatta may u njaf suu vi Levi suu daŋ suu wi yal bu tlesuu gi soolla.
Gagi soolla wilira, geleɗ Yawe, geleɗegina ta ta hu vun ndaŋgara dodora. Suu ay kolo kay mbo ŋgolnana u tlesuu duk mbona halaŋ, daara u suu cuki kaɗna halaŋ, geleɗegi Lona.
Ko boyna vi Kristu u ɦiz mamba halaŋ kak hurugiya haɗagi tagiya gaɗagi tagi duk tagiya tagiya u ne mayra jivira. Gagi soolla gi deɓpa maŋ Lona u hurugi halaŋ, gagi soolla gi deɓpa ɗegeera, u soolla furira ta Musukka haɗagirara.
Suuna bup bup bolowo coli fok dlamba mulla, fok suu iiri suu fiɗina u suu ŋgolona, asi gi soolla wilira, sa ma daŋ ndak ka a haɗ soolla asi gaɗtaɗi, ni suu bup bup kis duk dok fiɗi yam fiɗi suu may suu gususi ay ki duk ndaŋgarana gaɗ ni asi doy hol.
Asi gi soolla wilira ana, «Aŋ ndaki a tli magaara koŋu, a haw tampoŋŋa ki lay, aŋ ay ki jew ni miɗiya, u miɗ maŋŋa aŋ gus suuna ay maŋ Lona, suuna ay ki hu njafasi zeɗ zeɗ halaŋ, u vunusi zeɗ zeɗ halaŋ, u suuna halaŋ halaŋ kay ndaŋgara.
