SOOLLA 31:7 - Boy Lonana

⁷ An mbuɗ ŋgoron maŋ suu goɓ loogi suu hawana. An hin tanni koŋu, Yawe.

SOOLLA 31:7 ပူးပေါင်းရင်းမြစ်များ

NEHEMI 9:32

«Cecem wanda Loomina, Lo ma ŋgolna, ma saɓak ma suuna lam ndaaramma, ma tuɗ u galamba fok u ɗegeerana, aŋ gol dlara mba egemira iriŋ ko dlara goora naɗi, eg muli mamisina lay, eg suu malayaŋ ziimina lay, eg muli mami suu li ɓivunna lay, eg suu mami suu jok vunnana lay, eg somoyomi lay, eg suu maŋsina halaŋ col ay eg muli suu Asirina day ta ta karami.

JOB 10:9

Humuŋ gaŋu, aŋ mininni u luɓuna, aŋ kalan ay ki ni duk gugum ndaŋgara ɦawaa.

JOB 23:10

Doli ɗini nam wan voɗ manda an tlaɗta. Lini nam tukunu ni an hin kal ki ni teteɗ ko ndal lorra teteɗta na.

SOOLLA 1:6

Kay Yawe wi voɗta vi suu ɗegeena. Voɗta vi suu li dla cora, tuɗusi ni hu li ma baasi kina.

SOOLLA 10:14

Halaŋ ca ni aŋ ka wiya, aŋ ka wi lassa vi suunara, aŋ min taŋ a njun usira. Sa ma hahawra hin tammi hu duk koŋu, kay aŋŋi sa ma njun u suu kuyuna.

SOOLLA 119:153

Wan hahaw manda, buɗun kiyo, kay an maa ka ki kay gaɗ maŋgaɗi.

SOOLLA 13:5

Hin a suu babali mansina di kan ana, asi su kan wa naɗi. Hinin a an puk ga fokosi, a asi ŋga tasi kanɗi.

SOOLLA 142:3

An mba sek manda ni fokomu, an tak hahaw manda ni fokomu.

SOOLLA 25:18

Golon hahaw manda u las manda, bulumun dla coonda ki halaŋ.

SOOLLA 71:20

Aŋ takami dlara yoora u lassa cocoo, aŋ hin hinimi cecemi ni iiri tuwa. Aŋ hin tlan ki kay zul ŋgolla ka ga kay ndaŋgara wanda.

SOOLLA 9:13

Kay nam sa sukul suu casi kina, humum ka gam kasi tew tew. Humum ka maa kay tii ma vi suu ka lasnaɗi.

SOOLLA 90:14

Maɗii feɗet gaw ni hoɓomi u ɗegee maŋga, ami hin gi soolla furira hu buu mamina halaŋ.

EZAYI 43:2

Lini aŋ taɓa mbona ni an ka u aŋu. Aŋ taɓa mbo lumma ni nam ka tluɓuŋgi. Lini aŋ tuɗ duk kura lay ni ndaɗ ka ŋgalaŋgi. Ndoos kura ka laŋ vaɗi lay.

EZAYI 49:13

Huulona gi soolla furira, ndak ndaŋgara li furira, agi ɦinira saagi walla furira may. Kay Yawe so u suu mamsina wa. Suu mam suu yasi li homi kaŋgana nam wasi hahawasi wa.

EZAYI 63:16

Kay aŋŋi Bumiya, Abraham lay ka wamiɗi, Israel, ka wami oloɗi lay. Aŋ, Yawe, dew ni bumiya. Ni sa ma buɗumi kina, ay day day seŋŋi na daŋ may.

EZAYI 63:9

Hu yoo masira halaŋ a suɗusi kira ni nam sun sa ay ka suniɗi, nam u tamba suɗusi ki ni namu. Hu min mamba u hurum ma haɗ kay suuna, nam u tamba buɗusi ay ki ni namu. Nam yowosi ki koloo, nam ziirisi kolo hu buuna halaŋ ay hu fok jewra.

JEREMI 33:11

della yi kolo u furira, luu ma jivina lay, gi soolla u furira ko ndal suu ɗum tasi wilina na lay, ko ndal suu mbay u ɓivunna u furira hu Ziŋ Yawera di ana, «Ŋgaagi Yawe ma Saɓakŋa Kom Belna kay ana nam jiviya, ɗegee mamba ni a fafaɗta.» Gasi an hin hoŋ mbas ndaɗta kolo balamaɗu. Ndaɗ hin hoŋŋi hu balamaɗ ma jewna. Yawe di na.

YOORA 3:50

Ta ta Yawe ay kolo huulona humum gam ay kami wami aya.

YOORA 5:1

Tin humuŋ ay kay dlara ka lamira, Yawe. Golla aŋ wi ŋgulla asi ka ŋgulumira gige.

1 KORINTNA 8:3

Sa ma min Lona, Lona wamu.

GALATENA 4:9

Cecemi agi wi Lona wa, cecemi Lona wagi wa may, ni nanaba agi hoŋ u ŋgussa maŋira lalassa nige? Agi min hoŋogi dagan a mbuɗ tagi mborɓii masisina ni nanage?

2 TIMOTE 2:19

Ni kay ndaɗta u zira Lona gaɗ namba coli jiviya, boy ma fok namma ni «Bu Suuna wi suu mamma, suu di ana asi ni vi Bu Suuna na halaŋ noy cora kiyo.»