7 Anu an kak en di tan ana, «An hin kak eŋe, ka geŋeɗɗi,
Aŋ ŋgay taŋ ki wa ni, asi halaŋ mbuɗ ndaana, aŋ tlasi musuk masina, asi miɗa, hoŋ ga duk ndaŋgara.
Yawe, hoŋon dira ay zak, musukun ka oloɗi. Ŋgay taŋ ki irinɗi, li ka naɗi ni anni ko suu cuk ki ga hu zulla na.
Asi luu luu ma furira u seŋ hu buuna halaŋ, kay ɗegee maŋga asi hin col koloo.
An ka juɓ Yawe ni day day, nam mbuɗ humum ay egen wa, nam humun tii manna wa.
Agi suu ɗegeena ŋgaagi Yawe, geleɗemu takam sem ma teteɗna kiyo.
Na may suu ŋgay tasi egeŋŋa halaŋ hin furiya, asi ka furi hu buuna tew tew, kay aŋ ŋgayasiya. Suu miniŋŋa halaŋ ka furi ni kaŋu.
Aŋ ɦan iirira u saɓakŋa hurunu. Aŋ ka golon iiri manda u jivi maŋga.
Li wa na ni yaanda hin puk kasi hu buu namma, an hin noyosi kiyo, hin ŋgay tan ki irisiya. Yoora u hahawra ŋgolla hin fasiya, asi hin di hu buu namma ana, dlara hahawra fami ko ndaɗta na ni kay Loomina ka u ami oloɗira.
Yoo manda mbuɗ ki suɗta wa. Aŋ vi taŋ eg iiri manda kay ana an kal hu zullaɗi. Aŋ cukun coonda ha ki ŋgoroŋ dagan halaŋ halaŋ.
An ti a fuuna ni buɗna, mbo ma an camma tlumi u simina.
Aŋ u taŋga dikisi suuna ki fokosiya, aŋ cuk suu maŋsina ki hu mbas masira. Aŋ ba njaf suu daŋŋa ki halaŋ, na may suu maŋsina aŋ zulusi ni zuli na ɗow.
Ҥi, Yawe, aŋ col ha ki na day ni kay mege? Aŋ ŋgay taŋ ki irin hu li ma an ka lasna ni kay mege?
