SOOLLA 30:11 - Boy Lonana

¹¹ Humunu, Yawe, wan hahawanu. Yawe, mbay njununu.

SOOLLA 30:11 ပူးပေါင်းရင်းမြစ်များ

JEREMI 31:4

An min a hoŋok minda ki daŋgatla. Ndak hin min kiyo, goo wayra Israel. Ndak hin hoŋ dadari makŋa kolo daŋgatla. Ndak hin ŋguy suuna hu li ma luuna.

EZAYI 25:8

Nam hin doo miɗna ki a fafaɗta. Bu Suuna Yawe hin saɗ simi ma ii suunana kiyo. Hu mbassa halaŋ nam yow zolona ki kay suu mamsina. Yawe u tamba di na ni namu.

DI BOLLA 3:4

Buu ma tiina dew may, buu ma sanda ni dew may. Buu ma yoo tara ni dew, buu ma luu njoŋŋa ni dew may.

2 DLAŊ MULINARA 20:12

Yawe, Loomina, aŋ ka hin a kaasi ɓakŋa kasi gaɗasi u ɗegee maŋgaɗi su? Ami may ni saɓakami ka fok suu duu suu bolow coco asinaɗi. Ami ka wi dlara ami laɗ ni naraɗi lay. Kay ndaɗta ami pereɗ irimi ceneŋŋi aŋ dew.»

SOOLLA 149:3

Ko asi ŋgaam sem u njoŋŋa, asi bu diŋŋa u dadarina.

SOOLLA 150:4

geleɗem u dadarina u njoŋŋa, geleɗem u zewna u ŋguruɗ diffa,

Boy Ma Ayra Ma LUK Ɓiirimma 15:22

Bum di maŋ suu lam sun mamba ana, Yowogi baraw ma jivina ay toŋgo zak. Cukumma tamu, kalam walakka kay komu, cukum tuɓuruna sem may.

SOOLLA 30:5

Agi suu ɗegeena ŋgaagi Yawe, geleɗemu takam sem ma teteɗna kiyo.

2 SAMUEL 6:14

David gijaŋ luu njoŋŋa u saɓakam bel fok Yawe. David cuk efodna egemu.

WIRA ŊGAYRA 21:4

Nam hin vaasi simina ki irisiya, sa hin ka a miɗ oloɗi, haw hawra kaɗi lay, yoora u tii tara ka hin liɗi, tlesuu basina hin bulum ki halaŋ.»

EZAYI 61:3

A ɦal jumba furira maŋ suu hu Siyon suu ka yoona, kay balam buɗ masina. Ҥasi mbul ma his jivina, ka yoora oloɗi. Cukusi baraw ma ŋga tara, ka baraw bolna oloɗi. Asi hin yasi ana, ɦoy ma suuna ŋga Lona u namma, sene ma vi Yawena, ma suuna ŋgaam u namma.

SOOLLA 4:7

Suuna ŋgolo di ana, «Sa ma hin a ɦami jivira ni gege?» Ҥi, Yawe, li kiɗik maŋga ay kamiya.

Boy Ma Ayra Ma JAŊ Ɓiirimma 16:20

An dagi ni gasi, Agi hin tiirigiya, yoo tagi lay. Suu hu duliyarana hin furiya, agi hin kak u yoora may, yoo magira hin mbuɗ ki furira.

EZAYI 61:10

Yerusalem ŋga Lona di ana, an furi cocoo, furi coco ni kay Yawe, iri manda furi coco kay Loonna, kay nam cukun baraw ma suɗta egenu, nam kalan hu baraw ŋgol ma kaɓakŋa, ko ndal goora min taɗ a hal njufna, ɗowba mul ma li ɓivunna tin jumba jivira kamba na, ko goora hal a i njufna min taɗ ki jivira na.

2 DLAŊ MULINARA 20:9

Lini dlara hahaw mba kami wa, gaɗta, duuna, mbogomma u may ŋgolla ni ami hin mba ni fun zi ndaɗta, ni ana mba ni fokoŋ aŋu. Kay aŋ tak taŋ ki wa. Hu yoo mamira ami yaŋ, aŋ mbay njunumiya. Aŋ may ni hin humumiya, hin suɗumi kiyo.

EZAYI 25:3

Kay ndaɗta njaf suu saɓak cocona hin ŋgaaŋu. Ҥoŋzi ŋgolo ma las suuna ɦayna mbuɗ laŋ ndaaraŋu.

ESTER 9:22

ko ndal buu ma suu Juifna fi koɗ tara ko suu masi suu babalira, til ma dlaasira iriɗ pereɗ ki asi ɗiŋ lum ma ɓaɗ ɦayna ki u furira, yoo tara mbuɗ ki furira may. Asi tin buu ma luuna u furira, sun nus tlena duk tasi lay, ɦal tlena ki ɦawa maŋ suu hawra lay.

NEHEMI 8:10

Nam dasi ana, «Tuɗugi tagi ti ma jivina, cagi tlesuu cira suu jivina, ɦagi maŋ sa ma min tam ka u vaɗina nde nde may kay buu namma hinim ki ni maŋ Bu Suuna. Mbuɗugi tagi hahawraɗi kay ana furira vi Yawera ni saɓak magina.»

URA TIN AYRA 45:28

Israel di ana, «Ndak wa na ga, goonna Yosef ka iiriya, an tuɗ wam ki jew u iiri tan gaw.»

URA TIN AYRA 37:35

Goryom suu njufiina u suu boyogina halaŋ mbay egem a ɗilim irimba ni nam ka minɗi. Nam di ana, «An tew eg goronna hu lina vi suu miɗina ni u tiina.» Nam tuɗ fok u tiina.

2 DLAŊ MULINARA 20:3

Josafat mbuɗ ki ndaa cocoo. Nam gijaŋ joɓ Yawe, tin dlara kay suu hu mulla Yudara halaŋ ana li laara sa ti vaɗi.

SOOLLA 27:7

Yawe, humun yiinda an ka yaŋga, wan hahawanu, hoŋon dira.

JEREMI 52:33

Nam fokom barawi mam suu daŋgayna kiyo, Joakim hin ti funa tew tew ni kay tabulla ko tam u mulna hu buuna tew tew.