SOOLLA 3:3 - Boy Lonana

³ Suuna ŋgolo njaɗ kan ana, «Suɗta ka kam fok Lona oloɗi.»

SOOLLA 3:3 ပူးပေါင်းရင်းမြစ်များ

URA TIN AYRA 15:1

Ŋgoo dla mayra li ay ndaɗta, Yawe di Abram hu doyra ana, «Li ndaaɗi anni mbari maŋŋa, warak maŋŋa hin li ŋgol cocoo.»

URA TIN AYRA 40:13

Buuna hindi ni Faraw hin hoŋoŋ hu sun maŋga. Aŋ hin ɦal va cira ko Faraw, ko aŋ li ay jew a sa ŋgol mamma ɦam tlesuu cira na.

2 MULINA 18:30

Ezekiyas dagi ana tin hurugi kay Yawe, nam hin suɗugi kiyo ka hin a an tlagi ɦoŋziiginaɗi ni vagi boy nammaɗi.

2 MULINA 18:32

Kak njokŋi an hin mba yowogi tuɗugi ki hu mbassa jivi ko ndal magira nara, mbassa wana huruɗ cocora ta sum veŋŋa hura, mbassa funa huruɗ u gugutluna ɦayra. Mbassa mbul conona hura u mbul yumma hu layra, ni agi hin lak iiriya, agi ka miɗ kiɗi. Humugi dlaŋ Ezekiyassaɗi. Nam di ana, Yawe hin buɗuygi kiyo, ni ganyamba ɦawaa.

2 MULINA 25:27

Li basara na dok-hindi yam kiɗisiya hu li ma vi mulna Joakin ha ki daŋgayna hu Babilonna ni Evil-Merodak varak a mul ma Babilonna. Hu buuna dok-mba' yam kiɗisiya hu til ma doogo yam mbana hu basa ndaɗta ni nam wi hahaw Joakin, gam ay ki hu daŋgayna.

SOOLLA 110:7

Muli suu nam manasina tuɗ hu voɗta ni ka ci yo ma ɗilina, asi ka furiya tli yasi koloo.

SOOLLA 119:114

Aŋŋi ŋgus ma kanna u mbari manna, an tin saa manda ni kay boy maŋŋa.

SOOLLA 18:2

Nam di ana, An miniŋ cocoo, Yawe, ma ɦan saɓakŋana.

SOOLLA 27:6

Cemi ni yan ki tli koloo, kay suu babali man suu ŋguyunna halaŋ. An li ɓivunna hu ziimba ni u soolla furira, gi soolla maŋ Yawe.

SOOLLA 28:7

Yawe ni sa ma golonna, nammi mbari manna, hurun tini ni kam dew, nam njunun wa. An ŋgaam u hurun halaŋ, an gam deɓpa u soolla.

SOOLLA 4:3

Agi suu warna hin hinigi ŋgulla ŋgulunda ni saɓage? Agi hin hinigi dlara dadamba kini saɓage? Agi hin hinigi kaboyna kini saɓage?

SOOLLA 62:7

Na daŋ may, nammi ɦini manna, ni suɗ manda, nammi ɦoŋziin ma saɓakŋa lay. Cemi va ma ŋgenen kaɗi.

SOOLLA 84:11

Buu ma lam hu ziiŋŋa dewna su buu ma lam ki kiɗik bupma, an ŋgaɓ a kakŋi fun zi ma vi Loonnana su mayra buu hu zi ma vi suu bay ɗegeena.

EZAYI 45:25

U oora vi Yawe njaf suu Israelna halaŋ hin fi ɗegeera umu, asi hin ŋga tasiya.

EZAYI 60:19

Hin fokka ni faɗta ka li kiɗikka kagi faali ni ndaɗɗi, tilna ka li kiɗikka njeŋge ni nambi lay. Yawe u tamba hin li a kiɗik magira ni nam a fafaɗta. Loogina hin a bibiŋil magira ni nam dew.

Boy Ma Ayra Ma LUK Ɓiirimma 2:32

Nammi sa hin takaŋ seŋ ki fok suuna buruna. Sem suu maŋ suu Israelna hin tii ki um halaŋ.»

GA 8ATAMBARA 33:29

Furyugiya agi suu Israelna, sa ma a ŋga u agina ni gege, suu may suu Yawe ka njunusina? Nammi a mbaari magina ka njun kagiya. Nam olo ni a ŋgew magi ma ka ɦagi saɓakŋa cocona. Nam homogi yam suu babali magisina ay ga fokogiiya, agi tayasi tlesuu kolo day hu mbas masirana ki ga u segiya.

WIRA ŊGAYRA 21:11

Ŋgolla vi Lonara li kiɗikka ɦoŋzi ma ŋgol namma, weleɗ ko ɦinira jivira na. Ko ɦini mayra yaɗ ana jaspara, weleɗ maɗta ko kotoromma na.

WIRA ŊGAYRA 21:23

Ҥoŋzi ma ŋgolna ni fatɗa u tilna ka hu oloɗi, weleɗ hu ni ŋgolla vi Lonara gaw. Goo Timiina ni pindilla gaw may.