SOOLLA 29:11 - Boy Lonana

¹¹ Yawe ɦal saɓakŋa maŋ suu mamsina, Yawe paɗ vunum ki kasiya, ɦasi tara fanira lay.

SOOLLA 29:11 ပူးပေါင်းရင်းမြစ်များ

EZAYI 40:31

Na may suu hin tasi kay Yawena hin fi saɓak ma wilina, asi hin mbuɗ ni ko bakŋa na, asi tuɗ fok na ɗow ɗow ka mbuɗ maŋiɗi. Asi huɗ tasi foko ka loɓ kiɗi lay.

2 TESALONIKŊA 3:16

Ko Bu Suuna ma ɦal heɓpa ɦagira u tamba tew tew, hu lina halaŋ. Ko Bu Suuna li u agi halaŋ.

EZAYI 41:10

Li ndaaɗi kay an ka u aŋu, gol golla ndaanaɗi, kay anni Looŋŋa. An mbuɗuŋ saɓaki na daŋ may an njunuŋu. An njunuŋ u bikin ma njufna ma ɗegeena.

Boy Ma Ayra Ma JAŊ Ɓiirimma 16:33

An dagi na ni kay duk ɦoŋogi li heɓpa u anu. Agi hin wi hawra duk suuna. Na may, vagi hurugi eŋe, an su kay duliyara.»

EZAYI 40:29

Nam ɦal saɓakŋa maŋ suu mbuɗ ki maŋina, nam so u sa ma saɓakam kaɗina.

SOOLLA 68:35

Ŋgaagi Lona saɓakŋa ni mamu. Ŋgol mamba ni kay suu Israelna, saɓak mamma ay ki kolo hu ɗugulla.

SOOLLA 37:11

Na may suu hoŋ yasi gana mbassa ni masira. Asi hin lak u heɓpa gasira.

1 KORINTNA 1:3

Ko Lona Buya u Bu Suuna Yesu Kristu ɦagi oora u heɓpa.

ROMMA 14:17

Mul Lonara ni ka kay tlesuu tira u cira ɦawaɗi, ni kay ɗegeera u heɓpa u furira hu Musuk Lonara.

Boy Ma Ayra Ma JAŊ Ɓiirimma 14:27

«Heɓpa an hin hinigira kara, ni heɓ manda, an hin hinigira ha ni ndaɗu. An ka ɦagira ko suu hu duliyarana ɦaɗta naɗi. Ɓigigi vundikigiɗi, lagi ndaaɗi.

ZAKARI 10:12

Asi hin hin saɓakasi ni kay Yawe. Asi hin tuɗ ni u semu. Yawe di na.

EFESNA 3:16

An joɓ Lona u ɦizza vi ŋgol mamba a nam mba ɦagi saɓakŋa u eŋga u Musuk mamba hurugiya.

SOOLLA 138:3

Buu ma an yaŋu, aŋ humunna, aŋ dliɗin saɓak manna koloo.

ZAKARI 10:6

An hin ɦal saɓakŋa maŋ zi ma Yudana. An hin suɗ ziŋ Josefna kiyo. An hin hoŋosi kolo balamasiya kay ana hurun haɗ kasiya, ko ndal ana an noyosi ka ki gindira na, kay an ni Yawe Loosina. An hin humusiya.

SOOLLA 72:3

U ɗegee ndaɗta tlena halaŋ ka furiya. Ҥinira lay ka wi jivi ndaɗta.

EFESNA 2:17

Ni Kristu mba di Boy ma Ayra vi heɓpa ni magi agi suu ka njaf suu Juifnaɗina, agi suu li ay ki day eg Lonana, maŋ Juif suu egem tokŋa lay.

SOOLLA 85:8

Yawe, takami ɗegee maŋga, ɦami suɗ maŋga may.

SOOLLA 84:7

Hu li ma asi cuk hu ɦuɗugumba yaɗ ana Baka ni asi fi mbona. Lona ma si jewna mbaarasi paɗvunna kasiya.

WIRA ŊGAYRA 1:4

Ni an Jaŋ maŋ suu vi Kristuna hu mbassa Azira kiɗisiya. Ko Lona ɦagi oora u heɓpa, namma ka cecemma ma li ay jewna ma hin ha fok a hin mbay tuna lay. Ko lini u minda vi Musuk Lonara kiɗisiyara fok dlam mamba mulla lay.

SOOLLA 85:10

Suɗ mamba ka ni tok eg suu lam ndaaramma, bibiŋilla hin kak hu mbas maygira.

2 TIMOTE 4:17

Bu Suuna mbay egen tok njunun ni namu, kay an ndak a di boyna maŋ suu ka njaf suu Juifnaɗina, asi humum ki halaŋ, nam suɗun ay fun dlona.

SOOLLA 72:7

Hu li ma nam ka ti mulla, ni suu ɗegeena tuɗ ha fok na ɗow ɗow, begera zul ha fok na ɗow ɗow may.

EZAYI 26:12

Yawe, aŋ ɦami heɓpa, dlara ami laɗta aŋ lamira ki komi halaŋŋi aŋu.