SOOLLA 27:5 - Boy Lonana

⁵ Nam ka njun kan hu li ma lassa fanna, nam ŋgayan hu ziimba, nam colon ki kolo kay yam ɦinira.

SOOLLA 27:5 ပူးပေါင်းရင်းမြစ်များ

2 DLAŊ MULINARA 22:12

Nam ay ki ŋgay hu Ziŋ Lonara gak gak basara karkiya. Ni Ataliya ti mulla ni ndaɗ gak may.

SOOLLA 10:1

Ҥi, Yawe, aŋ col ha ki na day ni kay mege? Aŋ ŋgay taŋ ki irin hu li ma an ka lasna ni kay mege?

SOOLLA 119:114

Aŋŋi ŋgus ma kanna u mbari manna, an tin saa manda ni kay boy maŋŋa.

SOOLLA 138:7

Lini an ka hu yoora lay ni, aŋ mbuɗun iiriya, aŋ tin koŋ kay suu babali mansina, koŋ ma njufna ɦan saɓakŋa a su kasira.

SOOLLA 17:8

Ŋgomon jiviya ko aŋ ka ŋgom wawal iriŋga na, ŋgayan ga u garaŋaŋu.

SOOLLA 18:33

Lo namma ɦan saɓakŋa ni namu, nam minin voɗta ki jivi fokonu.

SOOLLA 31:20

Jivira aŋ ŋgomoɗ ha kay suu laŋ ndaaraŋŋa ndaɗ ŋgol cocoo. Aŋ laɗ maŋ suu ŋgay tasi egeŋŋa ki fok suuna halaŋ.

SOOLLA 31:21

Aŋ ŋgayasi ki hu li ma aŋ ka huna, ha ki day eg suu las suuna. Aŋ kuluɓ ŋgusuŋ ki kasi ko boy ma vi suunana.

SOOLLA 40:2

An ka juɓ Yawe ni day day, nam mbuɗ humum ay egen wa, nam humun tii manna wa.

SOOLLA 40:3

Nam tlan ay ki hu zulla doroɓma, nam colon ki kolo kay li eŋŋa, nam ka golon tuɗ manda.

SOOLLA 46:1

Soolla vi sa ma fok suu gi soollana, soolla vi goryoŋ Korena, kay gorɓiina.

SOOLLA 50:15

Na ɗaŋŋi yan hu li ma dlara faŋŋa, an hin suɗuŋ kiyo, aŋ hin ŋgaan may.

SOOLLA 57:1

Soolla vi sa ma fok suu gi soollana, soolla vi David, ɓalak va kiɗi. Nam gi sool ndaɗta ni hu li ma nam pii ki ko Sol, ŋgay tam ha gi hu zul ɦinirana.

SOOLLA 61:2

Ҥi, Lona, humun tii manna, tin humuŋu, jeɓeeren cen manda.

SOOLLA 61:3

Ay hu vun ndaŋgara dodora an yaŋŋi aŋu, hu li ma vun dikin ka ɓiginna. Kolo kay ɦinira fiyek cocora, aŋ tuɗun ki huwa.

SOOLLA 77:2

An yi Lona ha koloo, an sawalla. An yi Lona ha koloo, nam hin humunu.

SOOLLA 83:3

Gola, suu babali maŋsina ka mbaya, suu gonok maŋsina ka tli yasi koloo.

SOOLLA 91:1

Sa ma kak hu li ma Kolo Dayna ka huna, nam ma buu u ŋgus Lona ma Saɓakŋa Kom Belna.

SOOLLA 91:15

Lini nam yanu ni an humumu, an hin kak u nam hu hahaw mamba, an hin buɗum kiyo, mbuɗum a sa bibiŋilna.

VUN ŊGOLNA 18:10

Sem Yawe ni zi mayra mini eŋ coco ta ŋgayra. Suu ɗegeena ŋgay tasi huwa ni suɗ kiyo.

EZAYI 26:16

Yawe, hu li ma aŋ ka gaɗ suu maŋsina ni asi halaŋŋi aŋu. Hu li ma gaɗ maŋga fasina asi cuk ga ceneŋŋi aŋu.

EZAYI 26:20

Agi suu mansina cukugi vo hu ziigiya, dugugi vun zina ha kagi jak. Ŋgayagi tagiya, ta ta hin yara vi Bu Suunara jak ki tuwa.

EZAYI 32:2

Gegelay dukusi ni ko ndal ŋgusu ma kay suunana na, ni ko gi ma doo babaana na. Asi ni ko ndal mbo ma ɓaɗ kay ndaŋgara haw yona na. Ni ko ŋgus ɦini mayra kuluɓ ay kay ɦoŋzi ma faɗta ti hu cocona na.

MATIYE 23:37

«Yerusalem, Yerusalem, agi ci suu jok vun Lonna kiyo, suu Lona sunusi ayna, agi casi ki u gogoyra lay. An min a tokoŋ suu huruŋŋa egenu ko tlekka tok goryoɗ u garaŋaɗ nara yan gage? Aŋu, aŋ min kaɗi lay.

KOLOSNA 3:3

Agi miɗigi ki wa, iiri magira ni ŋgay eg Kristu u Lona.