SOOLLA 27:1 - Boy Lonana

¹ Soolla vi David. Yawe ni kiɗik manda u suɗ manda, an li ndaana ni ko ge ologe? Yawe ni ɦoŋzi ma saɓakŋa vi iiri manda, an dlak ndaana ni ko ge ologe?

SOOLLA 27:1 ပူးပေါင်းရင်းမြစ်များ

JOB 29:3

Ni hu li ma pindil mamba ka tini kanna, li ma kiɗik mamba ka tuɗ fokon duk ndufundana.

SOOLLA 11:1

Soolla vi sa ma fok suu gi soollana, soolla vi David. Liin ma ŋgayra ni eg Yawe. Agi hin dan ana pii liŋŋa kolo kay ɦinira ko laygina na ni amege?

SOOLLA 118:21

An geleɗeŋu, kay aŋ hoŋon dira wa, kay ndaɗta an ka ŋgaaŋu.

SOOLLA 118:6

Yawe ni manna, an ka li ndaa va oloɗi, suuna ndak a lan me egenni ge?

SOOLLA 18:28

Aŋ njun u suu hoŋ yasi gana, suu ŋga tasina aŋ hoŋosi ki kaŋgaa.

SOOLLA 18:29

Yawe doon kura hu pindil manda ni aŋu, Loonna ka lan kiɗikka kan hu li ma ndufunna.

SOOLLA 18:46

Suu daŋŋa halaŋ mbuɗ ki maŋiya, asi sel ki hin ziisi ni u liŋŋa.

SOOLLA 19:14

Gol saaŋ ma sunda, hin a suu ŋga tasina ganan yanɗi. Hinisi a kak mulla kanɗi, ni an hinni a sa ma pasiyakŋa kay dla cora ŋgol ka hurunɗi.

SOOLLA 3:8

Col koloo, Yawe, suɗun kiyo, Loonna. Kay aŋ ci kiriŋ suu gonok mansina halaŋ, aŋ to sii suu hurusi cona kiyo.

SOOLLA 43:2

Lona, aŋŋi ɦoŋziin ma saɓakŋa, aŋ hinin ki ni kay mege? An poy u yoora na ni kay mege? Aŋ hin suu babali mansina lasan na ni amege?

SOOLLA 62:2

Na daŋ may musukun cemi tin wa fok Lona, suɗ manda col ay ni komu.

SOOLLA 62:6

Ndak musuk manda kak na en eg Lona, kay saa manda tini ni kam dew.

SOOLLA 84:11

Buu ma lam hu ziiŋŋa dewna su buu ma lam ki kiɗik bupma, an ŋgaɓ a kakŋi fun zi ma vi Loonnana su mayra buu hu zi ma vi suu bay ɗegeena.

KALKIRA 15:2

Saɓakan u sool manda ni Yawe. Nammi sa ma suɗun kina. Nammi Loonna an geleɗemu. Lo ma vi bunna an ŋgaamu.

EZAYI 12:2

Gola, Lona ni sa ma suɗunna, an tin hurunni kamu, va ma lan kaɗi, kay saɓak manna u soolla an gaɗta ni Yawe dew. Nammi sa ma suɗunna.

EZAYI 2:5

Agi njaf suu vi Yakobma mbaagi aya, tuɗuygi hu kiɗikka vi Yawera.

EZAYI 45:24

Asi hin di ki u vunusi ana, suɗta u saɓakŋa ni vi Yawe dew daŋ. Suu ŋgulunna halaŋ hin mba ki fokonu, asi hin mbuɗ ki zolona.

EZAYI 61:10

Yerusalem ŋga Lona di ana, an furi cocoo, furi coco ni kay Yawe, iri manda furi coco kay Loonna, kay nam cukun baraw ma suɗta egenu, nam kalan hu baraw ŋgol ma kaɓakŋa, ko ndal goora min taɗ a hal njufna, ɗowba mul ma li ɓivunna tin jumba jivira kamba na, ko goora hal a i njufna min taɗ ki jivira na.

JEREMI 20:11

Na may Yawe ka u an ko ndal sa duu ma saɓak cocona na. Suu lasanna hin puk kaŋgaa, hin ka ndak ki fun dlaasiraɗi. Zolona hin casiya. Asi hin ka ndak a li vaɗi. Asi hin mbuɗ ki zolona a fafaɗta, hum sa hin ka maa dla ndaɗta kiɗi.

MATIYE 8:26

Yesu dasi ana, «Agi li ndaana ni kaymege. Agi suu viigira ka ŋgolɗina.» Nam col kolo col ni, bay babaana u mbona. Babaana ba ki kaŋga na yar ɦay, yona seŋ tam na yerek yerek.

Boy Ma Ayra Ma LUK Ɓiirimma 2:30

Sa ma aŋ a suɗ suuna u namma an wam u irin wa.

Boy Ma Ayra Ma LUK Ɓiirimma 3:6

Ni suuna halaŋ hin wi suɗta vi Lonara ni na tuwa.»

Boy Ma Ayra Ma JAŊ Ɓiirimma 1:9

Boy namma ni kiɗikka gasira, mbay hu duliyara a li kiɗikka kay suuna bel.

Boy Ma Ayra Ma JAŊ Ɓiirimma 8:12

Yesu di boyna maŋ suuna olo ana, «An ni kiɗikka fok suuna. Sa ma tuɗ kay cerenna ka tuɗ duk ndufundaɗi, nam ka u kiɗikka iirira.»

ROMMA 8:31

Ni aygi hin daygi ana mege? Lini Lona ni maygina ni sa hin halaygi a honira ni gege?

2 KORINTNA 12:9

Nam hoŋon dira ana, «Oo manda ndakaŋu u tlesuu aŋ minisina halaŋ saɓak manna tak ki hu maŋira.» Hu li ma an ka maŋina an hurun min a ŋga tan u maŋi manda kay saɓak ma vi Kristuna mba njun kanu.

GA 8ATAMBARA 7:18

Lagisina ndaarasiɗi, humugi gagi kay dlara Yawe magina laɗ ay eg Faraw u suu Egiptena wandara.

GA 8ATAMBARA 7:21

Dlak tagi ndaa kosiɗi, kay Yawe Loogina nam ka dukugiya, Lo ma ŋgol ma dlam cocona.

FILIPINA 4:13

An ndak a li tlena halaŋ kay Kristu ma ɦan saɓak nammana.

HEBRENA 13:6

Kay ndaɗta ay ndak di bay ndaana ana, «Bu Suuna ni sa ma njununna, an ka li ndaa vaɗi, sana ndak a lan nanage?»

WIRA ŊGAYRA 21:23

Ҥoŋzi ma ŋgolna ni fatɗa u tilna ka hu oloɗi, weleɗ hu ni ŋgolla vi Lonara gaw. Goo Timiina ni pindilla gaw may.

WIRA ŊGAYRA 22:5

Njeŋgera hin ka li oloɗi, sa ka li va u kiɗikka vi lamba oloɗi lay, ta vi fatɗaraɗi lay, kay Lona njayasi kiɗik mamba ki kasi halaŋ. Asi hin kak hu mulla a fafatɗa.

WIRA ŊGAYRA 7:10

Asi sawalla kolo u delesi eŋga ana «Suɗ mamira ay ni ko Loomina nam ma kaki kay dlamba mulla, u Goo Timiina may.»