SOOLLA 25:6 - Boy Lonana

⁶ Yawe humuŋ gaŋ kay oo maŋga, u ɗegee maŋga aŋ laɗ ay fok jew dayra.

SOOLLA 25:6 ပူးပေါင်းရင်းမြစ်များ

URA TIN AYRA 24:27

dam ana, «Gaŋ deɓpa, Yawe, Lona vi sa ŋgol manna, Abraham, aŋ hin jivi maŋga u ɗegeera aŋ laɗ kay sa ŋgol mannara ka kiɗi, Yawe tinin irinni hu ziŋ gorseŋ sa ŋgol mannana.»

URA TIN AYRA 32:9

Nam di ana, «Lini Ezaw mba ci suu ki wa dew ni, suu hiŋŋa hin suɗ tasiya.»

2 DLAŊ MULINARA 6:42

Yawe, Lona, zuɗ mul maŋŋa aŋ manamma ha kiɗi. Humuŋ gaŋ kay sunda ɗegeera vi saaŋ ma sunda David.»

NEHEMI 13:22

An di suu Levina olo ana asi mbuɗ tasi ki teteɗ a mbay gol vun grekŋa a li u buu ma Sabatna may. Kay dla ndaɗta may ni humuŋ gaŋ kanu, Loonna, wan hahawan u ɗegee maŋga ŋgolla.

NEHEMI 9:19

Aŋ u oo maŋga ŋgolla, aŋ noyosi ka ki hu fullaɗi. Ɗugulla hinisi ka ki faaliɗi takasi voɗta, kura huɗ ka kiɗi lay a ɓoosi huu voɗta ki a asi tuɗ njeŋgera.

SOOLLA 103:17

Na may ɗegeera vi Yawera ka ni tew tew a fafaɗta, ndaɗ ka kay suu lam ndaaramma, ɗegee mamba ka ni kay njaf suuna u goryosiya,

SOOLLA 103:4

Nam suɗuŋ musuk maŋga ay ki hu li ma ba kina, nam baaraŋ u min mamba u ɗegeera.

SOOLLA 106:1

Halleluya. Ŋgaagi Yawe kay nam jiviya, ɗegee mamba ka ni na din din.

SOOLLA 106:45

Humum gam kay galamba nam vaɗ u asira u ɗegee mamba nam wasi hahawasiya.

SOOLLA 107:1

Ŋgaagi Yawe kay nam jivi ɦay, ɗegee mamba ha ni na din din.

SOOLLA 119:77

Ko lalam maŋga kal hurunu an kak iiriya, kay gaɗ maŋga kan jivi cocoo.

SOOLLA 40:11

An ŋgayaŋ gasi maŋga ka ki hurunɗi, an ka di ki kay suɗ maŋga u gasi maŋga tew tew. Duk suu maŋ suu tokina an seŋ tan kaɗi.

SOOLLA 69:13

Suu laki vun grekŋana ka luu wa, suu ci summa gi soolla ni u senu.

SOOLLA 69:16

Hinin a mbo ma ɓaɗna tlanɗi, hinin a an mba hu li ma ndufunnaɗi, hinin a goloŋga dug vunuɗ kanɗi.

SOOLLA 98:3

Nam gi humba kay ɗegee mamba u gasi mamba, kay a wi hahaw suu Israelna. Ta ta hu vun ndaŋgara dodora, suuna wi saɓak ma vi Looyginana ki wa.

KALKIRA 15:13

U ɗegee maŋga aŋ tak voɗta maŋ suu maŋ suu aŋ buɗusi ay kina. Aŋ golosi u saɓak maŋŋa. Tinisi ki hu liiŋ ma teteɗna.

KALKIRA 34:6

Yawe jak fokom na ni nam yiya, «Yawe, Yawe, Lo ma oora, ma hurum oy u jivirana, ma ka mbuɗ ya zakgina, ma hurum oy u ɗegeerana.

EZAYI 55:7

Ko suu li dla cora hin dla coosira kiyo, sa ma las ndarayamma hin saa mam ndaɗta kiyo. Ko nam hoŋ ay ni eg Yawe ma ka takam ɗili mambana eg Looygina, ma bulum cora vi suuna ki halaŋŋa.

EZAYI 63:15

Ay kolo huulona, hu liiŋ ma teteɗ ma aŋ kaki huna, gol iriŋ aya, gol dlara ka lamira, min maŋga aŋ suɗumi ki u ndaɗta ni arage? Ҥuɗ taŋ ha ki egemi dayɗi.

JEREMI 31:20

Efrayimmi goron ma an minim ɦayna su? Ni goo ma li dlara hurun vaɗta su? Tew tew hu li ma an ɓakŋa ni, an hin yam sem olo. Hurun minim cocoo. An saa kam ɦay. An minimu, gasi an minimu. Yawe di na.

JEREMI 33:11

della yi kolo u furira, luu ma jivina lay, gi soolla u furira ko ndal suu ɗum tasi wilina na lay, ko ndal suu mbay u ɓivunna u furira hu Ziŋ Yawera di ana, «Ŋgaagi Yawe ma Saɓakŋa Kom Belna kay ana nam jiviya, ɗegee mamba ni a fafaɗta.» Gasi an hin hoŋ mbas ndaɗta kolo balamaɗu. Ndaɗ hin hoŋŋi hu balamaɗ ma jewna. Yawe di na.

DANYEL 9:18

Aŋ, Loonna, tin humuŋ humun haa. Mal iriŋ ki golomi ɓeŋ mamira u ɦoŋzi ma seŋ ka yi hurum tewtewna, ka ni kay sun mamira ɗegeera ami tiniŋ yoo mamira fokoŋŋi naɗi, ni kay oo maŋga ŋgolla.

HABAKUK 3:2

Yawe, an hum boy ma aŋ ɓakamma, an mbuɗ ki ndaana. Yawe li sun maŋga hu basara. Hu basara ni aŋ tak sun maŋga ki hu li ma wi hawra ana gasi aŋŋi sa wi hahaw suuna.

Boy Ma Ayra Ma LUK Ɓiirimma 1:50

Nam hurum haɗ kay suu hum umma.

Boy Ma Ayra Ma LUK Ɓiirimma 1:54

Nam njun suu mam suu Israelna, humum ka maa kay jivira nam lasiraɗi.

Boy Ma Ayra Ma LUK Ɓiirimma 1:78

Lona u min mamba hin kiɗik mamba weleɗ kaygi ko faɗta na.

2 KORINTNA 1:3

Ŋgaaygi Lona, Bu Bu Suuna maygina, Yesu Kristu, Buy ma hurum jivina, Lona ma njun u suuna u tlena halaŋŋa.

FILIPINA 1:8

Lona wi ana an di ana an minigi halaŋ ni gasi u minda ŋgolla vi Yesu Kristu.

FILIPINA 2:1

Viigira hu Kristu mbuɗugi saɓak su su? Min mamba ɦagi eŋga wan su? Hurugi taɓi u Musuk Lonara su? Na ni agi hurugi taɓi duk tagiya, li dlara jivira duk tagi su?

KOLOSNA 3:12

Agi ni suu vi Lonna, Lona managiya, nam managiya agi mba li ki a suu mamma ni kay ndaɗta agi cukugi dlara jivira kagiya u hoŋga hoŋ yamba kaŋgara lalamba u ɗigilla.

1 JAŊ 3:17

Lini sana ɦiziya nam gol wayamma wihawra may nam ka wam hahawambi may ni hin di ana minda vi Lona ka hurumu ni nanage?