SOOLLA 25:3 - Boy Lonana

³ Suu tin hurusi ka juɓuŋŋa halaŋ ka mbuɗ zoloɗi. May suu babali maŋsina halaŋ mbuɗ zolona, hoŋ u kosi ma vadlna.

SOOLLA 25:3 ပူးပေါင်းရင်းမြစ်များ

YOORA 3:25

Yawe jivi kay sa juɓumma kay sa ka halamma.

EZAYI 40:31

Na may suu hin tasi kay Yawena hin fi saɓak ma wilina, asi hin mbuɗ ni ko bakŋa na, asi tuɗ fok na ɗow ɗow ka mbuɗ maŋiɗi. Asi huɗ tasi foko ka loɓ kiɗi lay.

EZAYI 49:23

Mulina hin mbuɗ ni a suu haɗagina, gorɓii suu vi mulinana hin mbuɗ ni suu wulugi goryogina. Asi hin goɓ vogosi ga halaŋ goɓ fokoŋu. Asi hin tanaɗ gugum ma ŋgoo seŋŋa ki u sinisiya. Ni aŋ hin wi ki ana anni Yawe. Suu tin hurusi kanna ka mbuɗ zoloɗi.

MISE 7:7

An may ni ka saa ni kay Yawe, ka saa ni kay Lona saan ma suɗta, nam hin humunu Loonna.

SOOLLA 62:5

Asi saa ni kay a gam ki kaŋgara hol, asi halni dlara kaboyna sak sak. Asi gam deɓpa u vunusiya, hurusi kurufu ni yam tlena kam may.

SOOLLA 27:14

Juɓ Yawe, kak saɓagi, li ndaaɗi. Juɓ Yawe.

ROMMA 8:25

Lini aygi ka juɓ va ma aygi bay wam tuna ni, lakaygi u ɗigilla.

SOOLLA 37:34

Juɓ Yawe, col hu voɗ mamba, nam hin ɦaŋ saɓakŋa a kak mulna kay mbassa, aŋ hin wi suu cona ki dikiya.

SOOLLA 33:20

Aygi may ni juɓuygi ni Yawe, nammi sa ma njunuygina, ni mbari maygina may.

SOOLLA 123:2

Na daŋ may, ko ndal mborɓiina irisi kolo u ko malayasinara na, ko ii goo mbaɓura kolo u ko malaɗta na, na may irimi halaŋ ka yowi kolo u Yawe, Loomina. Ami ka juɓummi oo mamba.

EZAYI 25:9

Hu buu namma suuna hin di ana, Nammi Loomina, ami tin hurumi kamu, nam buɗumi ki wa. Yawe ni sa ma ami tin hurumi kamma. Ŋgaaygina, furiyuygiya kay nam suɗuygi ki wa.

SOOLLA 69:6

Lona aŋ wan dawi manda, coonda ka iriŋ ŋgayɗi.

JEREMI 20:11

Na may Yawe ka u an ko ndal sa duu ma saɓak cocona na. Suu lasanna hin puk kaŋgaa, hin ka ndak ki fun dlaasiraɗi. Zolona hin casiya. Asi hin ka ndak a li vaɗi. Asi hin mbuɗ ki zolona a fafaɗta, hum sa hin ka maa dla ndaɗta kiɗi.

SOOLLA 35:26

Hinisi asi halaŋ mbuɗ zolona, suu furi kay las mandana halaŋ. Suu asina hinisi zolona tok kasiya, u suu hal a su kanna halaŋ.

SOOLLA 132:18

Suu babali mamsina halaŋ hin mbuɗ zolona, jum mamba mulla hin weleɗ na gak gak.»

SOOLLA 71:13

Ko suu hal a viɗin iiri mandana, tuɗ ba ha ki hu zolo masina, suu halan dlara hahawra ay kanna yasi bal kasi zolona.

SOOLLA 31:17

Hin kiɗik maŋga li kay saaŋ ma sunda, suɗun ki ni u jivi maŋga.

SOOLLA 62:1

Soolla vi sa ma fok suu gi soollana, soolla vi David, gaɗ ni Yedutun.

SOOLLA 6:10

Yawe humun cen manda wa, Yawe van cen manda wa.

Boy Ma Ayra Ma JAŊ Ɓiirimma 15:25

Dla ndaɗta li na ni a faɗ ki ni vun boy ma di hu magaa masirana ana, Asi lan gonokka bay u dlara.

SOOLLA 119:78

Tok zolona kay suu ŋga tasina suu ndakan ki u kaboy masinana, an may ni saa ni kay gaɗ maŋga hol.

SOOLLA 109:3

Asi ŋguyun yan u boy masi ma gonokka, asi duu u anni bay u boyna.

SOOLLA 69:4

An sawalla saɓakan daɓ wa, ɦoo delen mbuɗ ko kura ŋgalla na, irin ka wi oloɗi, an ka juɓ ni Loonna.

URA TIN AYRA 49:13

«Zabulon hin cukŋi fun lumma ŋgolna. Nam hin kakŋi hu li ma lum kawina col huna. Vun ndaŋga mamba tuɗ tew ay ki eg ɦoŋzi ma Sidonna.

1 DLAŊ MULINARA 10:13

Sol miɗ ki ni kay dla cora nam laɗ eg Yawera, ni kay ana nam vi ka u boy ma vi Yawenaɗi. Ni kay ana nam joɓ ŋgus sa miɗina ana nam gam u dlara kiyo.

SOOLLA 22:6

Asi yi ay kolo egeŋu, aŋ hin buɗusi ay ki may, asi tin hurusi ni kaŋu, asi hin mbuɗ ka zoloɗi.

SOOLLA 31:18

Yawe hu li ma an ka yaŋŋa, hinin a mbuɗ zoloɗi. May suu ka waŋ aŋ Lonɗina mbuɗ zolona, seŋesi vunusi, ha ki hu lina vi suu miɗina.