SOOLLA 21:5 - Boy Lonana

⁵ Nam joɓoŋ kak ma iirina, aŋ ɦamma. Aŋ ɦam buu ma fiyek ma um ka doɗina.

SOOLLA 21:5 ပူးပေါင်းရင်းမြစ်များ

2 SAMUEL 7:19

Doli ɗini dla ndaɗta ni ew iriŋ tuwa Bu Suuna Yawe, aŋ ɓak kay ziŋ saaŋ ma sundara ki ni jew day day. Boy namma hin li ni haɗta vi suu warna su Bu Suuna Yawe?

1 MULINA 3:14

Lini aŋ tuɗ u gaɗ manda, ko ndal buŋ David lira na may ni an hin ɦuɗuŋ buu maŋ ma kay ndaŋgarana ha foko.»

1 DLAŊ MULINARA 17:27

Cecem wanda ɗaŋŋi paɗ vunuŋ ki kay ziŋ saaŋ ma sundana, a nam li fokoŋ tew tew kay ana aŋ, Yawe, aŋ paɗ vunuŋ kiyo, va ma aŋ paɗ vunuŋ ki kamma vunna ki paɗi ni a fafaɗta.»

SOOLLA 110:1

Soolla vi David. Yawe di Bu Suuna manna ana, «Kak hu bik kon ma njufna, an cukuŋ suu babali maŋsina ki uŋ ga a gu ma aŋ tin seŋ kamma.»

SOOLLA 133:3

Ni ko mbaɗagira kay ɦinira Hermonda na, ɓaɗ ay ga kay ɦinira Siyonda. Yawe min a paɗ vunum ki kaɗ ni namu, ni iirira ka daɓ kiɗira.

SOOLLA 3:3

Suuna ŋgolo njaɗ kan ana, «Suɗta ka kam fok Lona oloɗi.»

SOOLLA 61:7

Ҥuɗ buu ma vi mulnana foko, ko basa mamba kay ndaŋgara tuɗ ta ta su kissa.

SOOLLA 62:7

Na daŋ may, nammi ɦini manna, ni suɗ manda, nammi ɦoŋziin ma saɓakŋa lay. Cemi va ma ŋgenen kaɗi.

SOOLLA 8:5

An joɓ tan ana, sa warna ni mege a humuŋ gaŋ kamba ni ge? Goŋ sana ni ge a aŋ tin saaraŋ kamba ge?

SOOLLA 96:6

Bibiŋilla u weleɗta ka hu vogom tew tew, saɓakŋa u ŋgolla ka hu Ziim ma Teteɗna.

EZAYI 63:1

Sa ma tuɗ ay col ay hu mbassa Edomba namma ni gege? Ay hu zi ma Bosrana u baraw ma tlawna tamu. Vun baraw mamma ki ŋgufi u kura funumu, tuɗ u saɓakam cocoo, sa namma ni gege? «Ni an, Bu Suuna, an ka u saɓak ma suɗta, an mba ni a tak ki ni kiɗikka ana an tiwara.»

MATIYE 28:18

Yesu ɦuɗ tam egesi, dasi ana, «Saɓakŋa huulona may, kay ndaŋgarana may, an fam ki kon halaŋ.

Boy Ma Ayra Ma JAŊ Ɓiirimma 17:1

Yesu daɓ njaɗta daɓmi, tli irim kolo huulona di ana, «Bunu, lin ndak wa. Ҥal ŋgolla ay maŋ Goroŋŋa a Goroŋŋa hin ɦaŋ ŋgolla may.

Boy Ma Ayra Ma JAŊ Ɓiirimma 17:22

An ɦasi bibiŋilla aŋ ɦandara wa a asi li taɓi dew ko ay taɓi dewra na may.

Boy Ma Ayra Ma JAŊ Ɓiirimma 17:5

Cecemmi Bunu, ɦan ŋgolla fokoŋu ta aŋ ɦanda ay jew bay duliyara min tura.

HEBRENA 8:1

Gola ni boy ma ŋgolna duk mami ma ami ka damma halaŋ, mul ŋgol maygi ma li ɓivunna kal ki kolo huulona, kaki hu bik kom ma njufna kay dlam mamba mulla, ma saɓakŋa kom halaŋŋa.

1 PIYER 3:22

Nam i kolo kaki kay bik ko Lona ma njufna. Nam kak mulna kay suu sunda huulona u suu ŋgolona u suu saɓakŋa ha kolo huulona.