SOOLLA 20:6 - Boy Lonana

⁶ Lona ɦaŋ saɓak ma su kay suuna wa, ni ay mba gam soolla furira. Ay mba ŋgaay sem Lo mayna, ko Yawe vaŋ cen maŋga halaŋ.

SOOLLA 20:6 ပူးပေါင်းရင်းမြစ်များ

SOOLLA 28:8

Yawe ni saɓak suu mamsina, ɦoŋzi ma saɓakŋa ma suɗ saam ma Lona Fuurumma.

SUNDA 5:31

Lona tlam kakam kay bikim ma njufna tinim a mulna, a Sa Suɗta a ɦal voɗta maŋ suu Israelna asi jok iiri masira ki zeɗ, a Lona hin bulumusi coosira kiyo.

SUNDA 4:10

Agi halaŋ wagiya suu Israelna halaŋ wagi kiyo, sa namma ka coli dukugi wanni u saɓakŋa vi sem Yesu Kristu ma Nazaretna, nam ma agi ɓalam ki kolo hu gu garakŋa, Lona colom ki kolo iirina.

MATIYE 6:9

Agi li a cen Lona ni, dagi ana, Bumi ma kolo huulonna, Seŋ tii ŋgol su tlena halaŋ.

EZAYI 63:15

Ay kolo huulona, hu liiŋ ma teteɗ ma aŋ kaki huna, gol iriŋ aya, gol dlara ka lamira, min maŋga aŋ suɗumi ki u ndaɗta ni arage? Ҥuɗ taŋ ha ki egemi dayɗi.

SOOLLA 18:50

Kay ndaɗta an gaŋ deɓ duk njaf suuna halaŋ. An gi soolla geleɗeŋga, Yawe.

SOOLLA 2:2

Muli suu kay ndaŋgarana min tasi a duuna, goryoŋ muli suu ŋgolona taɓ u tasi a duu Yawe u sa ma Lona Fuurumma.

SUNDA 2:36

«Lini nanagelay ni suu Israelna halaŋŋi wam ki gasi, ni Yesu ma agi ɓalam ki hu gu garakŋana Lona mbuɗum Bu Suuna lay Sa Lona Fuurumma lay.»

EZAYI 58:9

Hu li ma aŋ yina Yawe hin humuŋu, lini aŋ joɓom a nam njunuŋu ni nam di ana, «An wanni.» Lini aŋ hin pan ma pan suu maŋ suu vo varaŋŋa, u ɓak ma ɓakasi u deleŋga cora kiyo.

EZAYI 57:15

An Lo ma ay kolo dayna ma ka din dinna di na. Ma ka miɗina, sem ana ma Teteɗna. An ka kaki ni hu li ma teteɗna. May an ka hu sa ma hurum ki teteɗna, sa ma irim ɗilina kay a ɦal iirira maŋ ŋgus mayra hoŋ yaɗ gara, maŋ suu hurusi ka haɗ ɦayna may.

SOOLLA 41:11

Na may aŋ, Yawe, u oo maŋga colon koloo, kay a an sa sukulun ki egesi may.

SOOLLA 18:35

Nam takan yal ma duuna, kon ndak a ndii mbuurura kawina lay.

SOOLLA 17:7

Tak oo maŋga kiyo, aŋ sa ma suɗ suu ŋgay tasi egeŋŋa. Koŋ ma njufna suɗ suu laŋ ndaaraŋŋa, ki ko suu babali masisina.

1 MULINA 8:43

aŋ hum ay kolo huulona day ziiŋ ma aŋ ka huna. Li dlara koy namma joɓoŋ kaɗta kay ana suu warna kay yam ndaŋgara halaŋ waŋ seŋ kiyo, a asi laŋ ndaraŋ ko suu maŋ suu Israelna na may. Asi wi ki ana seŋ ka yi hu zira an miniɗ ndaɗta.

1 MULINA 8:30

Hum cenda saaŋ ma sunda u suu maŋ suu Israelna ceneŋga haa. Aŋ hum ay ni hu li ma aŋ ka kaki huna, ay kolo huulona, huma, hep huruŋu.

SUNDA 2:33

Lona tlam kolo hu bikim ma njufna, nam fi Musuk Lonara di ki kaɗ jewra ay ko Bumu. Nam hin njayaɗ ay ki kamiya, halaŋŋi va ma agi ka wam cecemi humum u humugiya.

SOOLLA 9:15

Kay a an col ki fun ɦoŋzi ma Siyonna, dasi ki kay furi manda. An gaŋ deɓpa wanda, an gi soolla u furira kay aŋ suɗun ki wa.

MISE 4:5

Lini suuna halaŋ gegelay tuɗ ni u sem loom ma ɦawana ni, aygi may ni tuɗuygi u sem Yawe Lo maygina a fafaɗta.