SOOLLA 19:9 - Boy Lonana

⁹ Gaɗta vi Yawera ndaɗ ɗegee, ndaɗ furi huu sa ma li uɗna. Boy Yawena ni gasi nam mal ira kiyo.

SOOLLA 19:9 ပူးပေါင်းရင်းမြစ်များ

1 SAMUEL 12:24

Va ŋgolna ni lagi ndaa Yawe na ɗow, sunum u gasira, hurugi ma dewna. Gologi gasi daŋ may nam tak ŋgol mamba ki egegiya.

SOOLLA 119:142

Ɓak maŋŋa ni na ɗegee a fafaɗta, gaɗ maŋga ni gasira.

SOOLLA 119:1

Furira ka kay suu poy masira jivina, u suu tuɗ u gaɗta vi Yawera.

WIRA ŊGAYRA 15:3

Asi gi soolla vi Moiz sa ma sun Lona u soolla vi Goo Timiina ana. «Bu Suuna, Lona ma Saɓakŋa Kom Belna, sun maŋga ni ta ŋgolla, ta dlaɗ su ki kay suunara mul ŋgolna vi njaf suuna dlaaŋga aŋ ŋgaaɗta ni ɗegee, gasi lay.

SOOLLA 115:13

Yawe paɗ vunum ki kay suu lam ndaaramma, kem gorira u suu ŋgolona lay.

SOOLLA 111:10

Mbeleŋ may ma ŋgolna ni ndaa ma lam u Bu Suunana. Suu ka lam ndaaramma halaŋ lak jiviya. Suuna geleɗem ha ni na gak gak.

1 MULINA 18:12

Hu li ma an tuɗ hiniŋ ka wa Musukka vi Yawera tlaŋ ki wa, an ka wi li ma aŋ tuɗ huna oloɗi lay, an hin tuɗ di Akab ha ki ana aŋ ka tani may, nam mba faŋ kaɗi ni, nam hin can ki ni anu. Doli ɗini saaŋ ma sunda li ndaa Yawe ay ni u zoŋ tam day.

GA 8ATAMBARA 4:8

Ni suu bolow suu taara gaɗ masira a li ki ɗegee kora an haɗagira wanda nana ni suu taarage?

URA TIN AYRA 42:18

Hu buu ma hindina Yosef dasi ana, «Anni sa ma li ndaa Lona may, lini agi min kak iriya ni lagi ko an dagira na.

WIRA ŊGAYRA 19:2

Ɓak ma nam kaamma tew tewni ka ni ɗegee, nam kaɓakŋa kay cara gawlaŋga ŋgolla ta ɓeŋ ndaŋgara ki halaŋ u boy zoŋga wa. Nam gaɗ daŋgayna ni kay ndaɗ ci suu sunda vi Lona kira.»

WIRA ŊGAYRA 16:7

Ŋgoo dagan an hum della col ay hu givin ma togolla di ana, «Ni na daŋ may Bu Suuna, Lona ma Saɓakŋa Kom Belna, ɓak maŋŋa ni jivi u voɗom ɗegee.»

ROMMA 2:2

Aygi wi ana Lona kaɓakŋa u gasira kay suu li cora ko ndaɗta na na.

EZAYI 26:8

Ҥii, Yawe, ami tin saa mamira ni kaŋ dew. Ami tuɗ ni hu voɗ maŋga na dew. Ami yaŋu, ceneŋu, hurumi minni dlaaŋga na dew.

SOOLLA 119:106

An suu tanu, an li u suu manda may, an min a li u boy maŋ ma ɗegeena.

SOOLLA 119:7

An geleɗeŋ u huu ma ɗegeena, an haɗ dla mayra aŋ daɗta may.

SOOLLA 36:6

Yawe, jivi maŋga tew ta ta huulona, ɗegee maŋga tew ta ta eg ɗugulla.

SOOLLA 36:1

Soolla vi sa ma fok suu gi soollana, soolla vi David sa ma sun Lonana.

SOOLLA 10:5

Dlara nam laɗta halaŋ ka fi huwa, nam ka wi ana ɓak ma vi Lonna kaaraɗi, nam ka pan suu duu u namma halaŋ.

NEHEMI 5:15

Ki fokon jew ni, muli suu ŋgolo suu jewna ci suuna kiyo, yowosi mappana u sum veŋŋa ki kosiya, yowosi nus kelew doonona ki kosi dok-fiɗi olo. Suu masi suu li sunda lay las suuna coco lay. An tanda may ni an li ka naɗi, kay an li ndaa Lona.

KALKIRA 21:1

Gola ni gaɗta aŋ tuɗ takasirara.

URA TIN AYRA 22:12

Sa sunda vi Yawe dam ana, «Hin goona, lam va egembi, kay cemmi an wi ana aŋ li ndaa Lona. Aŋ doo ka kay goroŋ ma dewna a ɦanna kiraɗi».

ROMMA 11:22

Gol jivira vi Lona u yaamba gige? Nam li yara kay asi suu puk kaŋgana, nam li jivira kaŋ aŋ may. Mariyaɗ ni aŋ kak hu jivi mamba gak gak. Li ka naɗi ni nam hin kaaŋ ki ko nam ka ma hiŋŋa kira na may.

SUNDA 10:22

Asi hoŋom dira ana, «Sa ma ŋgol asgaana Korniye sunummi ay ni namu. Nammi sa ma ɗegeena ma vi u Lonna, suu Juifna halaŋ lay ni minimu. Sa sunda huulona tak tam irim dam ana, nam yaŋ ay varamu, aŋ hin mba dam boy ma huruŋŋa.»

VUN ŊGOLNA 8:13

Li ndaa Yawe ni aŋ noy ki ni dla cora gaw. Vun ma ŋga tara u kaboyna an ka minimbi, sunda cora halaŋ an ka miniɗɗi.

SOOLLA 147:19

Nam di boy mamma maŋ goryoŋ Yakobma, gaɗ mamba u min mamba nam daɗ maŋ suu Israelna.

SOOLLA 119:75

Yawe, an wi ana boy ma aŋ damma ni ɗegee, aŋ hoŋon yan ga ni u voɗoɗu.

SOOLLA 119:62

Duk ŋgikka lay an col kolo geleɗeŋu ni kay boy maŋ ma gasina.

SOOLLA 119:39

Maaran humun ki kay ŋgulla kay boy maŋŋa nam jiviya.

SOOLLA 12:7

Boy ma vi Yawena ni boy ma gasina, nam ki teteɗ ko doonora, suuna yooroɗ ki u kura na. Ndaɗ ki teteɗ seɗ kiɗisiya.

SOOLLA 119:111

Gaɗ maŋga halaŋ mbuɗ ki ni a vaan ma kay tanna, ndaɗ hin ki ni a furi manda hurunda.

EZAYI 45:19

An njaɗ dlara halaŋŋi ka ki ŋgayɗi, njaɗaɗ ka ki hu li ma ndufunɗi lay. An di njaf suu vi Yakobma ka ana asi halan ha ki ni hu li ma ɦawana naɗi, Anni Yawe, an di ni dlara gasira. An di ki ni dlara ɗegeera.