SOOLLA 19:13 - Boy Lonana

¹³ Sa ma ndak a wi coomba ki kaɗi. Vaɗ huruŋ ki egen kay coonda ŋgayra.

SOOLLA 19:13 ပူးပေါင်းရင်းမြစ်များ

URA TIN AYRA 20:6

Lona dam hu doyra ana, «An wi lay ana aŋ li ni u huu ma haɓma, ni kay ndaɗta an dooroŋ ki ana aŋ li dlara co egeɗɗi, ni an hiniŋ ka a ŋgeneɗɗi ni na.

JOB 34:32

Va ma ŋgay ma an ka wambina aŋ takanna u taŋga. Lini li coo ni an ka li dla ndaɗta na oloɗi.»

SOOLLA 11:7

Kay Yawe ni ɗegee, nam minni sunda ɗegeera may, sa ma ɗegeena hin gol ii Lona.

SOOLLA 119:133

Ҥan saɓakŋa hu tuɗ manda, hinin a dla cora su kanɗi.

SOOLLA 18:23

An li u gaɗ mamba halaŋ, min mamba halaŋ an maa taa ka kiɗi.

SOOLLA 7:10

Doo dla cora suuna landa egenda kiyo. Col suu ɗegeena eŋe. Aŋ ma wi huu suuna kurufuna, Lo ma ɗegeena.

SOOLLA 84:11

Buu ma lam hu ziiŋŋa dewna su buu ma lam ki kiɗik bupma, an ŋgaɓ a kakŋi fun zi ma vi Loonnana su mayra buu hu zi ma vi suu bay ɗegeena.

KALKIRA 21:14

May lini sana guruɗ eg ndaram zina hal a cam ki u mbeleŋŋa ni, aŋ dik sa namma ki hu givin ma togolla kay nam miɗ kiyo.

DLAŊ LEVIRA 4:13

«Lini suu Israelna u dlasira bella li cora, co ndaɗta ŋgay ga asi waɗ kaɗi ni, lini asi calaɗ gaɗta wa dew duk dlara Yawe di ana laɗɗira wa ni, asi cuk tasi ni hu cora halaŋ.

DLAŊ LEVIRA 4:2

«Aŋ di suu Israelna ana, Hu li ma sana li cora wa, ka u min mambaɗi, jak gaɗta vi Yawe taa ki wa dewe ni nam hin li ko ndaɗta na.

DLAŊ LEVIRA 4:22

«Hu li ma mul ma fok suunana li cora ŋgel gaɗta vi Yawe, Loomara, nam waɗ kaɗi ni, nam li coo.

DLAŊ LEVIRA 4:27

«Hu li ma sa ma zina ɦawana li cora ŋgel gaɗta vi Yawe ta nam waɗ kaɗira, ta nam di kaɗ ana laɗɗira wa ni, nam li ni coo.

SUNDA 24:16

Ni kay ndaɗta an so tan baba ana an hurun li jivi fok Lona jivi fok suuna lay.

2 PIYER 2:10

Suu li dlara njenjera u minda vi mbalatasina ŋgul ŋgolla vi Lonara ni nam hin cukusi daŋgayna. Suu haɗ haɗta cora an dagi kasina, ni suu ŋga tasina, suu li tlena zak, bay saara, asi ka ɦal ŋgara maŋ suu ŋgolo suu huulonaɗi, ŋgulusi ŋguliya.

1 SAMUEL 25:39

David hum ana Nabal miɗ ki wa ni, nam di ana, «Ko Yawe ma njun kan hu li ma Nabal min a duu u anna sem fi ŋgara, ma doo saam ma sunda ki kay dla corana. Kay dla cora vi Naballa, Yawe hoŋomba kay yamu.» David sun a joɓ Abigal a ɗumba.