SOOLLA 19:11 - Boy Lonana

¹¹ Dlaamba jivi a su lorra, jivi su lor mayra ki yoori jivira lay. Dlaamba jeɓet a su mbul yumma, jivi su mbul yum ma se wilina lay.

SOOLLA 19:11 ပူးပေါင်းရင်းမြစ်များ

2 DLAŊ MULINARA 19:10

Hu li ma gorsegi suu ka cuki hu ɦoŋzina zeɗ zeɗna mbaaragi dlaasira ay fokogi wa ni, lini dlara ci maɗ ɗowba dlara kay ɓeŋ gaɗta vi Lonara u nera vi Lonara ɗowba dlara u gaɗ magira vo hu zinara kala ni, agi haɗasiya ka hinisi a ɓakŋa vasi fok Yaweɗi, a ɓak namma hoŋ kagi u gorsegina tokgi lay. Agi li wa li na ni ɓakŋa hin ka vagiɗi may.

SOOLLA 119:103

Ko gaɗ maŋga li funun jiviya, jivi funun su mbul yumma.

SOOLLA 119:11

An ŋgayaŋ gaɗ maŋga hurun kurufuwa kay an ka li dla co egeŋgi.

SOOLLA 119:72

Gaɗta kal ay ki funuŋga kan jivi cocoo su tlesuu lorra u gursura bolow lay.

VUN ŊGOLNA 11:18

Sa ma dlam cona fi ni warak ma um kaɗina, sa ma di dlara ɗegeera wi ki kam gasi ana warak mamma kaa.

VUN ŊGOLNA 24:14

Yalna mba li funuŋŋi na may. Lini aŋ fam wa ni, aŋ hin kak jiviya, saa maŋga ha fokka ka mbuɗ maŋiɗi.

VUN ŊGOLNA 29:18

Lini sa ma gi hum suuna kay dlara hin li ha fokka kaɗi ni suuna halaŋ ɓeŋ kiyo, may sa ma li u gaɗtana hin furiya.

EZEKIYEL 3:3

Nam dan ana, «Goŋ sanna, hoɓ hayaŋ ki u magaara ɗuɗi ndaɗta an ɦaŋga wandara.» An hin taɗ may. Ndaɗ fununni jeɓeɗta ko ndal mbul yumma na.

MATIYE 3:7

Jaŋ wi suu Farisenna u suu Sadusenna mbay egem coco ana nam mbususi batemma na ni, nam dasi ana, «Agi njaf guy magira, sa haɗagi a agi puruɗ tagi ki ko yara vi Lonara ni gege?

MATIYE 6:18

Ka a suuna wi ana aŋ ka li laara naɗi. Buŋ Lona wi ni nam doy hol. Aŋ hin fi va komu.»

MATIYE 6:4

Va namma ni duk tagi doy hol. Aŋ li li na ni, Buŋ Lona wi ni nam doy hol, aŋ hin fi va komu.»

MATIYE 6:6

Aŋu, aŋ li min a cen Lona ni, kal hu ziiŋga, dug vun goŋga kaŋu, joɓ Buŋ Lona hu li aŋ ŋgay huna. Aŋ li na ni, Buŋ Lona wi ni nam doy hol, aŋ hin fi va komu.

SUNDA 20:31

Humugi gagi kay basara hindi an laɗ u agira, faali lay, njeŋge lay an dagi ki kagi dew dew halaŋ u simina irinu.

1 KORINTNA 4:14

An ɓii boy namma ha ni ana a mbuɗugi zoloo naɗi, neegi kini u boyna ko goryon suu an minisina na.

1 TESALONIKŊA 5:14

Gorsenna ami gaɗagiya, neegi suu poy poyra cora, ɗiligi ii suu ka yoo tasina, njunugi u suu maŋina, lakagi ɗili u suuna halaŋ.

HEBRENA 11:26

Nam furi kay ŋgulla vi Kristu irim saɓak su begera Egiptera, nam saa mamba tini kay warak ma fokŋa.

Magaara JAK Ɓiiriɗta 1:25

Sa ma saa kay gaɗta ɗegee ta buɗuygi kira vi boy namma hurum gasi, ka humum u furira kay a hin maaram ki ɦawaɗi. Li umu, sa namma Lona hin paɗ vunum ki kay sun mamba.

2 JAŊ 1:8

Gologi tagi jiviya a ba warakŋa vi sunda ami laɗ kagira kiɗi, ni na ɗow ana agi fi warak magina.

WIRA ŊGAYRA 14:13

Ŋgoo dagan an hum della dan ay kolo huulona ana, ɓii boyna wanni, «Furira ka kay suu miɗ fun sunda vi Bu Suuna. Ni na daŋ may, Musukka di ana, Asi ndak fi koɗ tara kay sunda asi loɓ huruɗ cocora, kay jivi masira asi laɗ ayra ka cuɗusi usi haa.»