SOOLLA 18:27 - Boy Lonana

²⁷ Eg suu teteɗna aŋ tak taŋ ki teteɗ may, eg suu li dla cora, aŋ takasi yaaŋga may.

SOOLLA 18:27 ပူးပေါင်းရင်းမြစ်များ

2 SAMUEL 22:28

Suu gi yasi kaŋgana aŋ mbuɗusi suu saɓakŋa. Aŋ cuk iriŋŋi kay suu ŋga tasina.

SOOLLA 10:4

Hu ŋga taamba nam di ana, Lona ka a kaam ɓak kambi, kay «Lona kaɗi». Nam ɓii tam na.

SOOLLA 101:5

Sa ma tum u suuna ŋgay gumuna an hin seŋem vunumu. Ii mayra cora u huu ma mbambana, an ka min suu asinaɗi.

SOOLLA 17:10

Asi dug hurusi ki eg suuna, vunusi njaɗni njaɗta ŋga tara.

SOOLLA 17:13

Col koloo, Yawe, ŋgafasiya, hoŋosi ha ki dagani. Suɗun ki ko suu co asina u ŋgew maŋŋa.

SOOLLA 34:19

Yawe ka tok eg suu hurusi ka haɗ kay coosirana, nam suɗ suu ka yoo tasi hurusi kurufuna.

SOOLLA 34:6

Suu mbuɗ irisi egemma halaŋ ka furiya, nam ka hinisi a mbuɗ zoloɗi.

SOOLLA 40:17

Suu ka halaŋŋa halaŋ, Yawe, aŋ oyosi u furira. Ko suu min suɗ maŋga vunusi a ndi kaŋga kay ŋgara ŋgaaŋ ana, «Bu Suuna dlam ŋgolora» ɗi.

SOOLLA 9:18

Suu cona halaŋ tuɗ irisi hu lina vi suu miɗina, u njaf suu maa Lona kina halaŋ.

VUN ŊGOLNA 30:12

Suu daŋŋa kaa ni gol tasi ni ana asi ki ni teteɗ, doli ɗini zozoɗta egesira ka ki mbusiɗi.

EZAYI 10:12

Bu Suuna di ana, «Lini an daɓ sun manda ay kolo kay ɦinira Siyonda u Yerusalemba ki wa ni, an hin kaɓakŋa kay mul ma Asirina, kay ŋga taamba u tlira nam tli yam kolora.»

EZAYI 3:9

Irisira golla ka takasi coosira kiyo, asi tak dla coosira ki ko suu Sodomma na, asi ka ŋgayaɗi. Hahawra kasiya, asi mba dla cora kasi ni kay tasiya.

EZAYI 57:15

An Lo ma ay kolo dayna ma ka din dinna di na. Ma ka miɗina, sem ana ma Teteɗna. An ka kaki ni hu li ma teteɗna. May an ka hu sa ma hurum ki teteɗna, sa ma irim ɗilina kay a ɦal iirira maŋ ŋgus mayra hoŋ yaɗ gara, maŋ suu hurusi ka haɗ ɦayna may.

EZAYI 66:2

Olo ni, tle asina halaŋ kon lasi ni namu, asi halaŋŋi varanu. Yawe di na ni namu. Asi halaŋ an ka golosiya, suu may suu hahawra suu ka lasna halaŋ. Suu ka dlak ndaana ko boy mannana.

Magaara Vi Sa Jok Vun Lona OZE 4:6

Suu mansina lay hin mbuɗ ka ɓakgi, ni cora kay asi ka wi dlaɗira, kay ana asi zuɗ wira wi dlara kiyo an hin zuɗuŋ ha kiyo. Aŋ hin ka li a mul man ma li ɓivunna oloɗi, aŋ maa gaɗta vi Looŋara kiyo, an may ni hin maaraŋ goryoŋ kiyo.

Boy Ma Ayra Ma LUK Ɓiirimma 18:14

An dagiya, sa namma hoŋ vo wanni mbuɗ ki ɗegee su ma Farisenna. Suu tli yasi kolona, hin hoŋ ki kaŋgaa. Suu ka tli yasi koloɗina, hin tuɗ ni foko.»

2 KORINTNA 8:9

Agi wagi oora vi Bu Suuna mayna Yesu Kristu. Nam ma ɦizina mbuɗ tam ki hawra kagiya, kay nam min ɦizigi ki u haw mamba.

Magaara JAK Ɓiiriɗta 2:5

Humugi gige, gorsenna, suu an minigina. Lona man suu haw suu hu duliyara kay mbuɗusi suu ɦizina hu vira. Asi hin fi mul mamba nam ŋgaaɗ maŋ suu minimma hu jona.