SOOLLA 17:15 - Boy Lonana

¹⁵ Anu, anni sa ma jivina, kay ndaɗta an hin waŋu. Hu li ma an dliɗ ki kolona, an furiya kay an waŋ iriŋu.

SOOLLA 17:15 ပူးပေါင်းရင်းမြစ်များ

JOB 14:12

Sana buu ki ga wa ni ka ndak a col kolo oloɗi. Huulona hin ɓeŋ ki ni bay nam col kolo tuwa. Nam ka ndak a dliɗ ki hu sen mammaɗi.

SOOLLA 11:7

Kay Yawe ni ɗegee, nam minni sunda ɗegeera may, sa ma ɗegeena hin gol ii Lona.

SOOLLA 119:111

Gaɗ maŋga halaŋ mbuɗ ki ni a vaan ma kay tanna, ndaɗ hin ki ni a furi manda hurunda.

SOOLLA 16:11

Aŋ takan voɗta vi iirira, furira ŋgolla ha ni fokoŋu. Ha hu bik koŋ ma njufna, aŋ ɦan furira uɗ ka doɗira.

SOOLLA 49:14

Gola ni daɓpa vi suu laɓana, suu tin saa masira kay tasi holna, u suu may suu min njaɗta fiyekka.

SOOLLA 5:7

Aŋ ba suu kaboyna kiyo. Yawe mbuɗ yara eg sa ma ci maɗna, u sa ma hurum mbambana.

SOOLLA 65:4

Hu li ma coomira su kamiya, aŋ bulumumi coomira ki wa.

EZAYI 26:19

Suu maŋ suu miɗina hin hoŋ ki iiriya, tliwisi ma miɗina hin paɗ ki kolo iiriya. Asi sawalla furira ana dliɗigi kiyo, agi suu ay ga duk ndaŋgarana, kay mbaɗagi magira ni mbaɗagi kiɗikka. Suu may suu ay hu ndufundana hin wi kiɗikka.

JEREMI 31:26

Kay boy namma an ka jejege humma, sen ma an buurumma egen jivi ɦay.

NDUMBA 12:8

An ɓakam ay ni u delen tanda olo ni an tak tan ki irimu, an ɓakam ka u boy ma ŋgayɗi. Nam wi ta Yawe ki u irimu. Ni nanaba agi ndak a tum u saan ma sunda Moiz nege?»

MATIYE 5:6

Furira ka kay suu hal a li u minda vi Lona u hurusi halaŋŋa, nam hin hoɓosi u boy mamma.

2 KORINTNA 3:18

Aygi halaŋ vana ki mali kay iriygiya, aygi waygi taygi ni u bibiŋilla vi Bu Suuna, ni aygi mbuɗ ki wa zeɗ kay aygi tli taygi u Bu Suuna ni aygi jak hu bibiŋilla ŋgolla su ndaraɗtara. Sunda Musukka vi Bu Suuna laɗta ni na.

FILIPINA 3:21

Nam hin mbuɗuygi mbalataygira maŋira hu ndaŋgara ki zeɗ, mbuɗuygi ko mbalatamba bibiŋilla na a li u saɓak ma ɦamma ana tlena halaŋ hum umuna.

JOSUWE 24:15

Lini ka irigi jivi a sun Yaweɗi ni managi sa ma agi a sunumma kiyo, lini loogi suu vi somoyogi suu asi goɓosi ay ŋgoo lumma ii hiniŋŋa na kala, lini loogi suu vi suu Amorna hu mbassa agi cuki huruɗ cemi wanda kala ni. An u ziin halaŋ ami sunni Yawe.»

WIRA ŊGAYRA 21:23

Ҥoŋzi ma ŋgolna ni fatɗa u tilna ka hu oloɗi, weleɗ hu ni ŋgolla vi Lonara gaw. Goo Timiina ni pindilla gaw may.