SOOLLA 16:11 - Boy Lonana

¹¹ Aŋ takan voɗta vi iirira, furira ŋgolla ha ni fokoŋu. Ha hu bik koŋ ma njufna, aŋ ɦan furira uɗ ka doɗira.

SOOLLA 16:11 ပူးပေါင်းရင်းမြစ်များ

SOOLLA 139:24

Gola, lini an ka tuɗ hu voɗta cora, tuɗun hu voɗ mayra ka din dinda.

SOOLLA 17:15

Anu, anni sa ma jivina, kay ndaɗta an hin waŋu. Hu li ma an dliɗ ki kolona, an furiya kay an waŋ iriŋu.

SOOLLA 4:8

Aŋ oyon u furira su suu feɗ waasina, u li sum veŋ masina ay vona.

SOOLLA 68:4

Na may suu ɗegeena ka furiya, asi ka ŋga Lona furi u hurusiya.

VUN ŊGOLNA 12:28

Hu voɗta ɗegeera iirira ka huwa. Dla cora tuɗuŋŋi hu miɗna may.

VUN ŊGOLNA 2:19

Sa ma tuɗ ha varaɗna ka hoŋ ay ki daganɗi, ka fi voɗta tuɗ hu iirira oloɗi lay.

VUN ŊGOLNA 4:18

May voɗta vi suu ɗegeena ni kiɗikka fo lina, kiɗik ndaɗta tuɗ ha fok gak gak ɓo lina kiyo.

VUN ŊGOLNA 5:6

Ndaɗ ka saa kay voɗta vi iiriraɗi lay, voɗ maɗta viɗ ki iriɗ ni ndaɗ ka wi li ma ndaɗ a tuɗ hunaɗi lay.

EZAYI 2:3

Suuna bolowo hin yow kolo di ana, «Mbaygi aya ɗiŋiygi kolo kay ɦinira vi Yawera, hu zi ma vi Lo ma vi Yakobma. Nam hin takaygi voɗ mamba, aygi hin tuɗ hu voɗ ndaɗta.» Na daŋ may gaɗ ndaɗta col ay ni hu Siyon, boy ma vi Yawena col ay ni hu Yerusalem.

MATIYE 25:33

Nam hin cuk timigiina kay bikim ma njufna, ɦugunina kay bikim na gulna may.

MATIYE 25:46

Suu asina hin tuɗ duk kura ka daɓ kiɗira. Suu ɗegeena hin fi iirira ka daɓ kiɗira may.»

MATIYE 5:8

Furira ka kay suu hurusi haɓma, asi hin wi Lona u irisiya.

MATIYE 7:14

Vun goŋga sana kal huruɗ a suɗ kira, ndaɗ gooro. Voɗta kal hura na keɗet daŋ. Suu tuɗ huna ka ŋgolɗi.»

MARK 16:19

Bu Suuna Yesu vunum ndi kaŋga may ni, tuɗ kolo vi Bum Lona gaw, kak kay bikim ma njufna.

SUNDA 2:28

Aŋ takan voɗta tuɗ hu iirira, aŋ oyon u furira fokoŋu.

SUNDA 7:56

Nam di ana, «Humugiya, an wi huulona ki maliya, Goŋ Sanna coli kay bik ko Lona ma njufna.»

ROMMA 8:11

Lini Musuk Lonara ta col Yesu ay ki kolo hu miɗna iirira ka hurugiya ni, nam sa ma col Kristu ay ki kolo hu miɗna iirina, hin ɦagi iirira maŋ mbalatagira miɗira u Musuk mamba ka hurugi ndaɗta.

1 KORINTNA 13:12

Cecem wanda aygi gol taygi ko ŋgussa hu kotoromma na, aygi hin waygi taygi u iriygiya. Cecem wanda an ka wi ki jiviɗi, ha fokka an hin wi ki jivi ko Lona wanda na.

2 KORINTNA 4:17

Wihawra feɗta ka tuɗ kami cecem lay li kami ni bibiŋilla ŋgolla ka daɓ kiɗi, ndaɗ ŋgol saɓak su wihawra ndaɗta.

EFESNA 3:19

Ni agi ndak a wi min mamba ndaɗ ka vaɗ a sa waɗ uɗ ki gasiɗi lay, ni agi ndak waɗu agi mba oy u ndakka vi Lona.

1 PIYER 1:21

Agi tinigi hurugi kay Lona ni umu, nam ma colom ay ki kolo iiri hu miɗna hin ɦam ŋgolla, viigira u juɓ magira halaŋ tok eg Lona.

1 PIYER 3:22

Nam i kolo kaki kay bik ko Lona ma njufna. Nam kak mulna kay suu sunda huulona u suu ŋgolona u suu saɓakŋa ha kolo huulona.

1 JAŊ 3:2

Banayanna aygi cecemmi goryoŋ Lonna, aygi li hin mbuɗ ŋgoo dagan ana me kala ni dla ndaɗta uɗ tak ka ki jivi tuɗi. Aygi a wi dla ndaɗta ki jivira wani falira Kristu hoŋ ayra, ni aygi hin mbuɗ ni ko ndal nam na, kay me aygi hin wam ki ni u tamba.

Magaara JUD Ɓiiriɗta 1:24

Nam sa ma ka gologi hu dlara fagira halaŋŋa, agi hin mba lak fokom bay cora hu ŋgol mamba u furira din din.

WIRA ŊGAYRA 22:5

Njeŋgera hin ka li oloɗi, sa ka li va u kiɗikka vi lamba oloɗi lay, ta vi fatɗaraɗi lay, kay Lona njayasi kiɗik mamba ki kasi halaŋ. Asi hin kak hu mulla a fafatɗa.