SOOLLA 15:5 - Boy Lonana

⁵ Nam ka ndi gursu mamba ki u mboɗi. Nam ka vi gursu ko sa a mbuɗ ɓak ma vi sa ma ɗegeena ki coɗi. Sa ma li nana ka ndi ki ga hu dlaɗi.

SOOLLA 15:5 ပူးပေါင်းရင်းမြစ်များ

SOOLLA 106:3

Furira ka kay suu li jivira u suu ka li u ɗegeera hu buuna halaŋŋa.

SOOLLA 112:6

Tew tew ni nam ka kaki eŋe, sa ma ɗegeena hum suuna ka kam tew tew.

SOOLLA 16:8

Yawe ka fokon tew tew, hu li ma nam ka coli kay bikin ma njufna, an ka li ndaaɗi, kay va ma ŋgenen kaɗi.

SOOLLA 55:22

Vunum njaɗ dlara mbulna cocoo, hurum kurufu ni duuna may. Boy mamma jivi su mbulna lay, doli ni ko ŋgew ma digiina na.

KALKIRA 22:24

Lini aŋ ɦal gursu kay sa ma wihaw ma ka duk suu mansinana ni, aŋ lam ko sa ma aŋ a fi mbo gursu maŋga egemma naɗi. Aŋ ka joɓom gursura kom u mbooɗi.

KALKIRA 22:25

Lini aŋ cen barawna ay ko ndaraŋ ma vok zina ni, hoŋomma ki ni bay faɗta ɗika.

VUN ŊGOLNA 10:30

Sa ma ɗegeena coli eŋga ni na gak gak, ka geŋeɗɗi. May suu li dla cora ka hin a cuk kay yam ndaŋgaraɗi.

VUN ŊGOLNA 12:3

Sana ka ndak a col eŋ u hurum ma co ma nam lammaɗi. May sari sa ma ɗegeena ma kali ki kaŋgana ka geŋeɗɗi.

VUN ŊGOLNA 15:27

Sa ma godlom gursura cocona mbaa ni dla cora kay suu mamsina. Sa ma ka hin tam a sa gusum ki u bege ɦawaɗina hin furi may.

EZAYI 33:15

Ni sa ma tuɗ u ɗegeera sa ma njaɗ dlara gasira. Sa ma ka vi va vi sa ki u ɦarambina, sa ma ka vi vaŋ sa kombina. Sa ma ŋgel humum ki ka hum boy ma co ma ci matnaɗina, sa ma dug irim ki ka min a gol dla coraɗina.

EZEKIYEL 18:17

Nam ka tin kom eg dlara guniɗi. Nam ka ndi va ki kay sa a mboɗi lay. Nam poy ni u gaɗ manda hum u neenda. Sa namma ka ndak a miɗ ki ko dla cora bum laɗtaɗi. Gasira ni nam hin kak iiriya.

EZEKIYEL 18:27

Lini sa ma cona hin dla coomba ki mbuɗ irim a li dlara ɗegeera ni, nam hin fi iirira may.

EZEKIYEL 18:8

Nam ka ndi vaam kay sa a mboɗi, nam ka ndi tlena u mbo cocoɗi lay. Nam ka tin kom eg dlara guniɗi. Nam ka ii ɓak ma ndi duk hoŋ suu mbana ni u gasira.

EZEKIYEL 22:12

Huruŋ olo ni suu daŋŋa vi warakŋa a tuɗ ci maɗna. Suu daŋŋa ka joɓ balna ko ndaryasina u mbona. Asi yow tlena ko ndarayasi suu vok zina u saɓkŋa. Asi ka ɦeɓesi kay a fi mbo ma bay umma. Humuŋ maa ki kan gaw may. Di ni Bu Suuna Yawe.

MISE 7:3

Kosi tinira ni a li dla cora. A li jivira eg saa ni mulna joɓ va nde may, sa ma kaɓakŋa joɓ ana ɦam va ɦawa nde may. Sa ma ɓii magaara ɓakŋi kay a hoɓ hayamba ɦawaa.

MATIYE 26:15

Dasi ana, «An ɦagi Yesu ki wa ni, agi hin ɦan ni mege?» Asi ndum bege gursura dok hindi, ɦamba gaw.

Boy Ma Ayra Ma JAŊ Ɓiirimma 13:17

Cecemmi agi wi kiyo, agi li dla ndaɗta na ni, hurugi hin furiya.

GA 8ATAMBARA 16:19

Aŋ baa yam gasira ki gaɗi, aŋ ka ɓorow ii suunaɗi, aŋ ka vi ŋgomba suuna ŋgomoŋgaɗi, kay ŋgomba duk ii sa ma wi gasira kiyo, ɓalak boy ma vi sa ma mamma ɗegeena ki lay.

GA 8ATAMBARA 23:21

Lini aŋ ɦal va namma ni maŋ ŋgayna ni aŋ joɓ mbona huwa, may wayaŋŋa ni aŋ joɓ mbo huɗi, ni kay a Yawe Looŋŋa paɗ vunum ki kay dlaaŋga aŋ laɗta halaŋ, hu mbassa aŋ tuɗ kak hura.

1 SAMUEL 12:3

An wanni tokogi ɓak magi ma egenna fok Yawe, fok sa Lona fuurumma. Sa an vam mbutl mammana ni gege? Sa an vam korro mambana ni gege? Sa an lam irim u bege mambana ni gege? Sa an doorom ki kay tlegyenmma ni gege? Sa an tlam gursura kom balna ta ni hin duk irin ki kamma ni gege? An hin hoŋogira kiyo.»