Na ɗaŋŋi gorɓiina luu njoŋŋa, li furira, gor zoŋŋina lay, suu maarina lay. An mbuɗusi hahaw masira ki furira. An ɦasi saɓakŋa. An mbuɗ suu hurusi ki ɓeŋina li furira.
Doli ɗini hu li ma Zanduk Yawera kal ay ki hu Ҥoŋzi Davidna, Mikal ta goŋ Solla tin iriɗ ay ki ii zira. Ndaɗ wi mulna David weɗ koloo, luu njoŋŋa fok Yawe, huruɗ ɓeŋ ki egemmi na gaw.
Jefta a hoŋ ay vo varam hu Mispara wanni, gooromba kal ay ki ŋgafammi ndaɗu, luu ma ci dadarina may. Ndaɗ kom dew a gooromba ni ndaɗ gaw. Goo ma daŋ ka kombi.
Na ɗaŋŋi suu minda gi u Ziŋ Yawera kaŋga, hu li ma asi ka tin suu li ɓivunna u baraw masira egesiya, bu tokolomma lay, tin goryoŋ Azaf bu darina usi lay, a asi ŋga Yawe u gaɗta David mul ma Israelna ɦaɗta.
Nam cuk njaf suu vi Levina kalafi hu Ziŋ Yawera ni u tlesuu bura zeɗ zeɗ diŋŋa u gi dadarina ko ndal David dira na, u dira vi sa ma jok vun Lona, Natan u Gad, sa vi mulna ma wi dlara li ha fokkana. Kay gaɗ ndaɗta col ay ni ko Yawe fun suu mam suu jokom vunumma.
Asi halaŋŋi tuɗ u vun busi a gi soolla hu Ziŋ Yawera, bu diŋŋa may, bu tlesuu daŋŋa a li sunda hu Ziŋ Lonara u vun mulna, u vun Azaf, Yedutun u Heman may.
