SOOLLA 147:2 - Boy Lonana

² Yawe hoŋ min zi ma Yerusalemma, hin tok yam suu Israelna halaŋ.

SOOLLA 147:2 ပူးပေါင်းရင်းမြစ်များ

NEHEMI 6:15

Sun gulumunna daɓ ki hu buu ma dok-mba yam vadlna hu til ma yam ana Elulna hu buu ma dok-vadl yam mbana.

NEHEMI 6:16

Hu li ma suu babali mamisina hum na ni, suu hu ɦoŋzi ma ŋguy kamina halaŋ mbuɗ ki ndaana, mbuɗ ki zolona ii tasi gaw. Asi wi ki kasi ana sun ndaɗta laɗ ni u minda vi Loominara.

NEHEMI 7:4

Ҥoŋzina ŋgol cocoo, bubuum tuɗ ii keŋ lina mba' may, suuna ka hurum bolow cocoɗi, ziginina hoŋosi ka ki kolo mindaɗi.

SOOLLA 102:17

Hu li ma Yawe hoŋ min Siyon kolo wa, asi hin wam ki hu bibiŋil mamba.

SOOLLA 51:18

Aŋ ka min ana an laŋ ɓivunu naɗi, aŋ ka minni ɓivun ma ŋgal tlena ɦawaɗi.

EZAYI 14:32

Ay hin hoŋ dira maŋ suu may suu Filistinna sunusi ayna ni ana mege? Ay hin dasi ana, «Ko Yawe min Siyon koloo, a suu mam suu maŋina fi koɗ tara huwa.»

EZAYI 27:13

Hu buu namma ni tokolom ma ŋgolna hin buwa. Suu may suu ay ki viɗi hu mbassa Asirira hin mbay kiyo u suu may suu ɗikisi ay ki hu mbassa Egiptera lay. Asi hin mba goɓ ga fok Yawe, kay ɦini mayra teteɗta hu Yerusalem.

EZAYI 56:8

Bu Suuna Yawe ma taɓ yam suu Israelna kel tasina di ana, «Cemi an tok suuna ay ki kel tasi wa, suu hinna an hin taarasi ay ki hu olo.»

EZAYI 62:7

Ka hinim a koɗ tambi, ta ta Yerusalem min ki tuwa. Hin a zi ma Yerusalemma fi ŋgolla a suu kay ndaŋgarana halaŋ ŋgaammi nam dew.

JEREMI 31:10

Njaf suuna humugi boy ma vi Yawena haa. Jokogina ha ki maŋ suu ha ki fun lumma day dayna, dagi ana, sa njay suu Israelna ki keŋ lina fiɗina ka tokosi eg tasiya. Nam ka golosi ko ndal sa taa suuna gol suu mamsinara na.

JEREMI 31:4

An min a hoŋok minda ki daŋgatla. Ndak hin min kiyo, goo wayra Israel. Ndak hin hoŋ dadari makŋa kolo daŋgatla. Ndak hin ŋguy suuna hu li ma luuna.

JEREMI 32:37

«An hin tokosi ay eg tasi ay hu mbassa an njayasi ha ki hura halaŋ halaŋ u yaandana u hurun ma ɓeŋi cocona lay. An hoŋosi ay hu li namma an hin kakasi hu u heɓpa a fafaɗta.

EZEKIYEL 38:8

Ŋgoo dagan basara ŋgolo hu li ma lina ndak wa ni, an hin ɦaŋ voɗta aŋ tuɗ hu mbas mayra dayra, suu huna ka laki u heɓpa. Asi ka li ndaa duuɗi lay hu li ma asi toki kel tasi cocona. Aŋ hin dug ɦinira Israella ndaɗ hin mbuɗ ki ni ŋgoo bagira ɦawaa, may cemi ni suuna ka laki hu u heɓpa.

DANYEL 9:25

«Wi dla ndaɗta ki jivi saa kaɗ ɗaŋ, ay hu li ma boyna di ay ki kay a hoŋ Yerusalem mindara ta ta tew kay mul maɗnara ni, cokira hin li na kiɗisiya, cokira dok kiɗisiya, dok kiɗisiya. Hu cokira dok karkiya yam mbara lina u zulla ŋgolla hin tos ki ni hu yoo tara.

MISE 4:6

Hu buu namma ni Yawe di ana, an hin tok suu dalira kay tasiya, an hin tok suu ŋjay kina kay tasiya, suu an lasasina kay tasi may.

ZAKARI 8:7

Yawe, ma Saɓakŋa Kom Belna, ɓak ana, Gasi an hin buɗ suu mansina ay ki hu li ma faɗta day ay huna lay, hu li ma faɗta ɗik huna lay.

MATIYE 16:18

An daŋ ana aŋŋi Ҥinira, ɦini ndaɗta an min zinda kaɗu. Saɓak Maɗna lay ni ka ndak a laɗ va egeɗɗi.

GA 8ATAMBARA 30:3

Yawe Loogina hin mbuɗugi dlaagira ha fokka nam hin takagi ɗili mamba nam hin hoŋ tokogi yagi ay ki duk suuna halaŋ hu li ma Yawe njayagi ha ki huna.