SOOLLA 146:9 - Boy Lonana

⁹ Yawe ka gol suu poy kolona, nam njun suu kuyuna u boyogi suu donora, may suu hurusi cona nam viɗisi kiyo.

SOOLLA 146:9 ပူးပေါင်းရင်းမြစ်များ

2 SAMUEL 15:31

Asi mbay di David ana, «Ahitofel ka duk suu vi vunusi ki u Absalomma.» David di ana, «An ceneŋu, Yawe bulum gaɗta vi Ahitofella kiyo.»

2 SAMUEL 17:23

Hu li ma Ahitofel wi ana sa ka li u gaɗ mambaɗi ni, nam ɗag tlena kay kor mamba, gi tam tuɗ vo varam hu ɦoŋzi mamma. Nam ɦal gaɗta maŋ suu varamma may ni, hin cuk delem ki zewna. Ŋgoo miɗ mamma asi tosom hu zulla vi bumba.

ESTER 5:14

Na ɗaŋŋi Zerses, caamba, u banayamma halaŋ, dam ana, «Halaygi gu ma fiyekem metre dok mba' yam vadlna, vin maɗii wanni di mulna ana ɓalaygi Mardose ki hurumu, u furira ɗaŋŋi aŋ tuɗ ko taŋ u mulna hu li ma luuna olo.» Haman hurum vi boy namma hin hal guna.

ESTER 7:10

Asi hin ɓal Haman ki kolo hu gu ma nam halam ay kay Mardosena. Ni yara vi mulnara hin heɓ kiyo.

ESTER 9:25

May hu li ma dla ndaɗta mbay ki fok mulnana nam ɓak dla ndaɗta ki hin ɓii dla cora Haman laɗ vi vunum kay suu Juifnara ki ana dla ndaɗta hin ndi ni kay yamu, asi hin ɓalam ki kolo eg guna, nam u goryomu.

SOOLLA 10:14

Halaŋ ca ni aŋ ka wiya, aŋ ka wi lassa vi suunara, aŋ min taŋ a njun usira. Sa ma hahawra hin tammi hu duk koŋu, kay aŋŋi sa ma njun u suu kuyuna.

SOOLLA 145:20

Yawe ka ŋgom banayamma halaŋ, may nam bulum suu bay ɗegeena kiyo.

SOOLLA 147:6

Yawe njun u suu hoŋ yasi gana, nam hoŋ yam suu ŋga tasina ki ga ta ta duk buɗna.

SOOLLA 18:26

U suu ɗegeena ni aŋ ɗegee may, u suu li jivina ni aŋ jivi may.

SOOLLA 68:5

Gagi soolla maŋ Lona, gagi soolla u semu, minigi voɗta Lona tuɗ hura kiyo. Sem ana Yawe, furiyugi fokomu.

VUN ŊGOLNA 15:25

Yawe to zi ma vi suu ŋga tasina kiyo. May nam col zi ma vi cara donara eŋe.

VUN ŊGOLNA 4:19

Voɗta vi suu conara ni ndufunda, asi ka wi tlesuu daɓasi sesinaɗi lay.

JEREMI 49:11

«Ndak haɗ huruk kay goryok suu kuyunaɗi, an hin wulusi ni anu. Boyogi mak suu hin ki donorana saa ni kan anu.»

Magaara Vi Sa Jok Vun Lona OZE 14:3

Vagi boyna kogi hin hoŋogi ay eg Yawe dam ana, «Aŋŋi sa bulum cora ki halaŋŋa, min dlara jivira, balam bolo mbutlina ami hin ɦaŋ a ɓivunna ni boy ma funumina.

MALASI 3:5

An hin ɦuɗ tan ha egegi a kaɓakŋa. An hin kaɓakŋa kay suu vi kumuna, kay suu li zoŋga, kay suu suu tasina, kay suu hoŋ til suu li sunda ki kaŋgana, kay sa kuyuna u cara donora, kay suu las suu ka hu njaf masinaɗina, suu ka lan ndaaranɗi layna, Yawe, ma Saɓakŋa Kom Belna, di na.

1 KORINTNA 3:19

Nera hu duliyara tanira ni giniŋga ii Lona, kay magara di ana, «Lona vi suu neeyna hu ganyam masira.»

GA 8ATAMBARA 16:11

Ni hu li ma Yawe Loogina manam tin sem huna, agi hin laɗ u furira fok Yawe Loogina u goryogi suu njufiina u gorɓiina u suu sun magi suu njufiina u boyogina u njaf suu vi Levi suu cuki dukugina, koyogina gor suu kuyuna u boyogi suu dono suu dukugina halaŋ.

Magaara JAK Ɓiiriɗta 1:27

Vira gasi u voɗoɗta, ta Lona Buna goloɗ ko bay cora egeɗta na, ni gol gor suu kuyuna u boyogi suu donona hu wihaw masira jiviya, gol tam jivi ko dlara hu duliyara ka mbuɗ tam njenjeɗi may.