SOOLLA 143:10 - Boy Lonana

¹⁰ Haɗan a an li u min maŋga kay aŋŋi Loonna. Musuk maŋga ndaɗ jiviya, ndaɗ tinin irin hu voɗta jivira.

SOOLLA 143:10 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 14:26

Sa ma hin njun ugina ni Musuk Lonara, ta Lona hin sunuɗ ay u senda. Ndaɗ hin haɗagiya hin gagi humugi kay tlege suu an dagisinana halaŋ.

HEBRENA 13:21

Ko Lona ma heɓpa ɦagi saɓakŋa a li u tlesuu jivina halaŋ kay agi lam min mamba, ta nam laygira huruygi u Yesu Kristu ni dlara irim jivira. Ŋgolla maŋ Yesu Kristu a fafatɗa. Amin.

SOOLLA 23:3

Nam hoɓon iiri manda. Nam koɗon hu voɗta ɗegeera kay semu.

SOOLLA 119:12

Gaŋ deɓpa, Yawe. Haɗan gaɗ maŋga.

NEHEMI 9:20

Aŋ ɦasi saa maŋga jivira a asi ɓorow ii tlena kira. Aŋ doorosi fu man maŋŋa ka ki funusiɗi. Aŋ ɦasi yona a asi ci kay laa masira.

1 JAŊ 2:27

Lini agiya ni Yesu sunugi Musuk mamba ay kagiya, Musuk mamba hurugi may ni agi ka hal sa a takagi dla oloɗi, Musukka takagi dlara ki ni halaŋ, dlara ndaɗ haɗagirara ni gasi, kaboyna ka huɗi ni kay ndaɗta agi vagi vun haɗta vi Musuk Lonara taɓagi hurugi dew u Kristu.

2 TIMOTE 1:7

Kay Lona ɦay ni ka ŋgussa dawiraɗi, Musuk mamba oyoygi ni u saɓakŋa, u minda, u nera may.

ROMMA 15:13

Lona ma mba juɓpa hoɓogi u furira u heɓpa halaŋ, hu vira agi vi umba a Musuk Lonara u saɓak mamma hoɓogi u juɓpa heɓpa.

SOOLLA 140:6

Suu ŋga tasina gun daw masina ki fokon wa, asi njun zew bayna ki keŋ voɗta, asi ka juɓunni a vanda.

SOOLLA 31:14

An hum dla cora suuna daɗta cocoo, dlara laŋ ndaana, ŋguyun yan kina cutl. Asi dlaɓ vunusi halaŋŋi kanu, asi vi vunusi a baanni iiri manda.

ROMMA 8:26

Aygi suu maŋina Musuk Lonara lay ni mba njun uygiya, aygi ka wi cen Lona u gasiraɗi, na may Musukka kay taɗta ka cen Lona kaygi u zamba sa ndak di u funumbi.

ROMMA 8:2

Na may gaɗta vi Musuk Lonara ɦal iirira taɓaygi eg Yesu Kristu buɗun ay ki hu gaɗta vi cora hu miɗna lay.

ROMMA 5:5

Juɓpa ka ganyam saɗi, Lona ɦaygi min mamba u Musuk mamba nam ɦaygira huruygira.

SOOLLA 119:35

Tuɗun irin hu voɗ gaɗ maŋga, kay ndaɗ irin jiviya.

EFESNA 4:30

Lagi dlara Musuk Lonara teteɗta yoo uɗɗi, Musukka ni va ma Lona tinigina kagina, ndaɗ ni va ma Lona tinim a ŋga buu ma nam hin a mbuɗ suu mamsina ki pasiyakŋa.

EZAYI 63:14

Ko ndal yoorina cuk ay ga hu huɗugumba hu li ma ti haɗna na, Musukka vi Yawe ɦasi koɗ tara. Aŋ tuɗ suu maŋsina hu li ma jivina ni ko ndaɗta na may. Ni kay a seŋ tii ha ki hu lina halaŋ.

SOOLLA 25:12

Suu li ndaa Yawena halaŋ, nam takasi voɗta asi tuɗ hura.

EFESNA 5:9

Kiɗikka vuɗ ni njaf jivira, zeɗ zeɗ halaŋ, u ɗegeera u gasira.

MISE 4:2

Njaf suuna bolowo hin gijaŋ tuɗta hin di ana, «Mbaagi aya, ɗiŋiygi kolo kay ɦinira vi Yawera, hu zi ma vi Loŋ Yakobma. Nam hin takaygi voɗ mamba, aygi hin tuɗ hu voɗ mamba. Gasi haɗ ndaɗta col ay ni hu Siyon, boy ma vi Yawena ay hu Yerusalem may.»

SOOLLA 139:24

Gola, lini an ka tuɗ hu voɗta cora, tuɗun hu voɗ mayra ka din dinda.

SOOLLA 63:1

Soolla vi David hu li ma nam pii ki ŋgoo bagi hu fulla Yudara.

ROMMA 15:30

Gorsenna va ma an min joɓogi kamma u Bu Suuna Yesu Kristu u minda vi Musuk Lonara, taɓagi duuna u an dew cenegi Lona kanu.

SOOLLA 118:28

Aŋŋi Loonna, an geleɗeŋu, Loonna, an ka ŋgaaŋu.

SOOLLA 22:1

Soolla vi sa ma fok suu gi soollana, soolla gaɗ ŋgarapii a dukka col tira, ni soolla vi David.

MATIYE 28:20

Haɗasi a asi vi vun gaɗta an gaɗagirara halaŋ may. Wi kagi ana, an ka u agi gak gak ndaŋgara tuɗ daɓ ki u ndaɗta.»

EZAYI 29:10

Kay Yawe gagi ŋgus mayra senna kagiya, ndaɗ dugugi irigi ki wa, ni suu jok vun Lonna. Ndaɗ baaragi yagi ki wa, suu wi dlara hu fokka.

NDUMBA 9:22

Hu li ma ɗugulla ka kay Ziŋ Lonara tini tuna, buuna mba' ɗowba til kala basara ni asi ka jok usiɗi may. Lini ndaɗ ka ki wa gawi ni asi mbee gaw may.

SOOLLA 27:11

Takan voɗ maŋga, Yawe, tinin irin hu voɗta jivira, kay suu gonok mansina ka halanu.