SOOLLA 14:3 - Boy Lonana

³ Suuna halaŋ cala voɗta ki wa, sa ma li dlara jivi ka na dewɗi, na dew lay kaɗi.

SOOLLA 14:3 ပူးပေါင်းရင်းမြစ်များ

EZAYI 53:6

Aygi halaŋŋi ko timigiina na, ay ki viɗiya, gegelay ni tli voɗta nam tuɗ hura. Yawe tokoygi dla cooygira ki kam halaŋ.

EZAYI 64:6

Sa ma yaŋ seŋ kaɗi, sa ma dliɗ tam kolo a vaŋ kom kaɗi lay, kay aŋ ŋgay taŋ ki irimi wa, aŋ hinimi ko dla coomira ka lasami ni ndaɗu. Ami mbuɗ ni suu ka hu yoorana.

ROMMA 3:23

Suuna halaŋ li cora wa, ka ndaki kay a fi ŋgolla fok Lonaraɗi.

SOOLLA 14:1

Soolla vi sa ma fok suu gi soollana, soolla vi David. Sa ma giniŋŋa saa hurum ana, «Lona kaɗi.» Suu asina ɓeŋ tasi ki wa, asi li ni sunda cora. Sa ma li dlara jivi ka na dewɗi.

JOB 14:4

Sa ma ndak a paɗ va ma teteɗna ay ki duk va ma njenjena ni gege? Sa maa na dew hu duliyara tani lay ni kaɗi.

SOOLLA 58:3

Ҥawaa, a gasira agi ci ni maɗna. Agi mbaa ni dlara humma duk suuna kay ndaŋgara.

EFESNA 2:3

Aygi halaŋ li ay ni ko asi na may, ay poyoygi ni u minda vi sa warna. Aygi ay lini u minda vi mbalataygiya, u ŋgus maygira, aygi ay ni hu njafna ki ŋgaɓi kay yara vi Lona ko suu hiŋŋa na may.

SOOLLA 143:2

Kaɓakŋa kay saaŋ ma sundaɗi, kay suu iirina halaŋŋi ma iriŋ ɗegee kaɗi.

EZEKIYEL 36:25

An hin yorokogi yo ma teteɗna kagiya. Agi hin mbuɗ ki teteɗ. An hin mbusugi ki ko dlaagira njenjera halaŋ, ko ɓivun ma agi goɓ fulinana lay.

JEREMI 2:13

Gasi, suu mansina li dla cora yasi ni mba'. Asi noyon an mbo ma iirina kiyo, asi min zul mbona, zul mbo ma ki cooyna, ka vi mbo kolo huruɗɗi.

2 KORINTNA 7:1

Banayanna vi vun ma namma halaŋŋi maygi aygiya, laygi taygi ki teteɗ u tlesuu ɓeŋ ta sana u iiri mamba, sooygi taygi ki kay a kak teteɗ u ndaana vi Lona.

SOOLLA 119:176

An poy ni ko goo timii ma viɗ ki ŋgoo bagina na, hal saaŋ ma sunda kay an maa ka ki kay gaɗ maŋgaɗi.

DI BOLLA 7:29

Gola ni dlara an faɗta. Lona li sa warna ni ɗegee ka ŋga tambi, may sana hin hal dlara loɓma kay tammi namu.

SOOLLA 38:5

Kay coonda su ki saɓaki kanu, ndaɗ kan nekka ko an tli va ma nek kan tlii na.

GA 8ATAMBARA 1:35

«Duk suu co agina halaŋŋi sa ma hin a wi mbassa an vi vunun a ɦaɗ maŋ somoyogi ndaɗta kaɗi.

1 KORINTNA 6:5

An dagiya dla ndaɗta ni zolo kagiya, na ni sa ma neey ka dukugi na dew a ndak a min ii dlara duk tagiraɗi su?

JOB 15:16

Gol ko sa war ma ki ɓalakina hin li ni ana mege? Sa ma ci dla cora ko suuna a ci yona nana hin li ni nanage?

KALKIRA 12:30

Faraw col kolo duk njeŋgera u suu mam suu kaɓakŋa lay halaŋ. Suu Egiptena bel bel lay. Tii ma ŋgolna tum hu mbassa Egiptera halaŋ halaŋ. Kay hu zina halaŋ aŋ ka fi zi ma bay maɗ hurumbi.

URA TIN AYRA 6:12

Lona gol dlara hu ndaŋgarara na halaŋi, ndaɗ mbuɗ ki coo, tlesuu kay ndaŋgarana halaŋ poy masira mbuɗ ki coo.

DI BOLLA 7:20

Kay sa ma ki na ɗegee kay ndaŋgara tani kaɗi, ma ndak a li jivira bay li dla co hu ni kaɗi.