SOOLLA 14:1 - Boy Lonana

¹ Soolla vi sa ma fok suu gi soollana, soolla vi David. Sa ma giniŋŋa saa hurum ana, «Lona kaɗi.» Suu asina ɓeŋ tasi ki wa, asi li ni sunda cora. Sa ma li dlara jivi ka na dewɗi.

SOOLLA 14:1 ပူးပေါင်းရင်းမြစ်များ

URA TIN AYRA 6:5

Yawe wi ana suuna tuɗ fok a li cora kay ndaŋgara li na ɗow ɗow, hu buuna tew tew ni saa masira tini ni kay dla cora.

JOB 15:16

Gol ko sa war ma ki ɓalakina hin li ni ana mege? Sa ma ci dla cora ko suuna a ci yona nana hin li ni nanage?

JOB 22:13

Aŋ hin di u vunuŋ ana, «Lona wi mege? Nam ndak a kaɓakŋa duk ndufunda su?

SOOLLA 10:4

Hu ŋga taamba nam di ana, Lona ka a kaam ɓak kambi, kay «Lona kaɗi». Nam ɓii tam na.

SOOLLA 107:17

Suu giniŋŋa u poy masira cora ci maɗna, dla coosira mbuɗusi ki coo,

SOOLLA 53:1

Soolla vi sa ma fok suu gi soollana, soolla haɗta vi David, gaɗ u diffa.

SOOLLA 73:3

Kay an wi suu li dla cora tuɗ jivira na ni hurun haɗ egesi cocoo.

SOOLLA 92:6

Yawe, sun maŋga ndaɗ ŋgolo, dlaaŋga aŋ a laɗta sa ma ndak a waɗ uɗ kaɗi.

VUN ŊGOLNA 1:22

«Agi suu giniŋŋa hin hinigi giniŋ magira ki ni saɓage? Suu pan suuna hin hin panda pananda ki ni saɓage? Suu laɓana hin hin noyra noy yalna ki ni saɓage?

VUN ŊGOLNA 1:7

Ndaa ma lam u Yawena ni sok wira ŋgolla gaw. Yalna u haɗta, suu laɓana san u dla ndaɗta ni asi hol.

VUN ŊGOLNA 13:19

A jivira ni dlara aŋ tin huruŋ kaɗ a laɗta daɓaɗ kiyo. Kay ndaɗta suu laɓana li ndaana a hin voɗ masira cora kira.

VUN ŊGOLNA 27:22

Lini aŋ du sa ma laɓana hu zuzura duk wana lay ni, laɓa mamba ka paɗ ki egembi lay.

DI BOLLA 7:20

Kay sa ma ki na ɗegee kay ndaŋgara tani kaɗi, ma ndak a li jivira bay li dla co hu ni kaɗi.

EZAYI 1:4

Hahawra ka kay njaf suu co asina, suu may suu dlara vasina. Njaf suu li dla cora, gor suu mbuɗ dlara jivira ki dla corana. Asi noy Yawe kiyo, asi noy ma Teteɗ ma vi suu Israelna kiyo, asi hoŋ ki dagani, mbuɗ ŋgorosi mamu.

JEREMI 5:12

Asi tin vunusi kay Yawe di ana, «Nam ka iiriɗi. Dla cora ka mba kaygiɗi. Ŋgewra hin ka caygiɗi lay. Mayra hin ka caygiɗi lay.

JEREMI 6:28

Asi halaŋŋi suu ci suuna suu dlasi cona, li dla cora ɦay lay. Walakka u kawina, asi halaŋŋi suu ci suuna.

MATIYE 12:34

Agi njaf magirana. Agi cora may ni, fi boy ma jivina ni arage? Vunna di ki ni va ma ay oy huu sanna.

MATIYE 15:19

Saara cora col ay hu sana, zuɗum um ha a ci maɗna, li zoŋga may, li dla cora, kulna, kaboyna, li ŋgeŋŋa kay suuna halaŋ lay.

Boy Ma Ayra Ma LUK Ɓiirimma 12:20

Lona dam ana, Aŋ sa ma giniŋ namma karam njeŋge wanni aŋ ka kak iiri oloɗi. Tlesuu aŋ tokosi asina hin hinisi ni maŋ gege?»

EFESNA 2:12

Fali ndaɗta ni agi ay ki day eg Kristu, agi li ay ni ka suu vi Lonanaɗi, kini njaf suu daŋŋa, agi li ay ka duk galamba vi Lonara nam vi vunum kaɗ u suu mamsinaraɗi, agi li poyogi hu duliyara ni bay juɓpa bay Lona lay.

TITTA 1:16

Asi di ana asi ni suu wi Lona, sun masira ka tak naɗi gaw may. Asi ni suu cona, duu u gasira, ndak ka a li sunda jiviɗi.

TITTA 3:3

Aygi lay ni li ay jew ni na, ka li zolo saɗi, ka hum vun saɗi, lagi ni hu cora. Aygi li ay ni mborɓiina vi saara cora u min maygira ɦawaa. Aygi li ay u huu ma cona kay ŋgiziɗ tlena vi suuna, lay cora egesiya, asi layra egey may.

WIRA ŊGAYRA 21:8

Kay suu may suu maŋina, u suu bay ɗegeena, suu li dlara njenjera, suu ci maɗna, su li zoŋga, suu kumuna, suu goɓ fulina, u suu ka boyna, liisi ma kakŋa hin lini duk mbo lum ma ŋgal kura u suufra, ni miɗ ma mbana.

1 SAMUEL 25:25

Ko malanna ne yam sa ma sunum kaɗi namma Nabalɗi, kay ana sem namma tinimma kammi eg liimu. Yam ana dla cora ni ndaɗ dla cora tuɗ um may. May an caaŋga sunda wi gor njufii suu vi malannana kaɗi, suu aŋ sunusina.