SOOLLA 137:1 - Boy Lonana

¹ Ay ki tana doŋ mbo lum ma Babilonna ami laki tew tew ni u tiina ami saa ay ni kay Siyon.

SOOLLA 137:1 ပူးပေါင်းရင်းမြစ်များ

EZDRAS 8:21

An ɓak suuna fun lum ma Ahawana ana lami laara a mbuɗumi tami hahawra fok Looygina a hal heɓpa tuɗ bay loɓmara, aygi u goryoygiya u tlegeyeygi lay.

EZDRAS 8:31

Ami col ha ki fun lum ma Ahawana ni hu buu ma doogo yam mbana hu til ma jewna a tuɗ Yerusalemba. Looygina kom ma jivina ay kaygi hu voɗta. Nam ɓaɗami ay ki ko babali maygina ko suu ɦurum tlesuu dleɓ tasi kaŋgana.

NEHEMI 2:3

An di mulna ana, «Ko mulna kak iiri a fafaɗta. Irin hin mbuɗ ki hahawraɗi ni ɦoŋzi ma us somoyon ha huna asi toom ki may, ŋgal vun grekŋa ki may nige?»

SOOLLA 42:4

Faali lay, njeŋge lay, simina mbuɗ ko vaan ma tira na, hu li ma asi ka dan tew tew ana, «Looŋŋa ka ni arage» na.

EZAYI 66:10

Furiyugi u Yerusalem, ayagiya, agi suu maɗsina halaŋ, agi suu li tii kay Yerusalemma furiyugi u ndaɗ cocoo.

JEREMI 13:4

«U gandi ma aŋ gusum njunum u furuŋŋa, aŋ tuɗ ɗiŋ mbo lum ma Farana kiyo, aŋ hin ŋgay ɗik namma ki hu zul gogoyra.»

JEREMI 15:17

An ka tuɗ a hal ni jivi mandaɗi hu li ma an tuɗ eg suu luu u dlara na. U ndaa ma lam koŋŋa an kak ki keŋe kay ana aŋ oyon ndaana ki hurun cocoo.

JEREMI 51:13

Ndak mayra kaki eg mbo lum ma ŋgol geveena, ndak mayra begera kok cocora, buuruk ma daɓpa mba wa, ndak fi tlesuu ndak a fasina ki halaŋ wa.

JEREMI 8:19

Asi hum yira ndaana suu mansina yaɗ ay hu ndaŋgara dayra. Yawe ay ka hu Siyonɗi su? Mul mamma ay ka huɗi su? «Ni kay me asi lan dla cora egen u fuli masisina nige, u dla mayra bay uɗta col ay hu lii daŋŋarage?»

YOORA 1:16

An tii ni kay boy namma. Irin simina u dlaɗ jak kay ana sa heɓen hurunna ha ki egen day. Sa hin ɦan saɓakŋana. Gola goryon ki ciya kay sa babalira ni ma saɓak cocona.

YOORA 2:18

Hurusi ka tii eg Bu Suuna. Gulumun ma vi Siyon ta jivirana, hin simi ma irikŋa cuɗ ki ko mbo lum ma ɓaɗna na, faali lay, njeŋge lay. Koɗ tak dukgi, ko tlimiɗ irik so ki u siminaɗi.

YOORA 3:48

An tii u simina ni kay suu man suu jivina asi casi ki wa.

YOORA 3:51

Irin mbuɗ lan coco ko golla an gol dlara li eg gorɓii suu hu ɦoŋzi manna halaŋ halaŋga.

EZEKIYEL 1:1

Hu basara dok-hindira, hu til ma fiɗina, hu buurum ma vadlna ni an ay duk suu yowosi ha ki balna laki na tok eg mbo lum ma Kebarna, huulona mal kiyo, an wi tlesuu ha kolo huulonna.

EZEKIYEL 1:3

Yawe di boy mamma maŋ Ezekiyel ma goŋ Buzi mul ma li ɓivunna, hu mbassa vi suu Kaldenara tok eg mbo lum ma Kebarna. Ay hu li namma Yawe tin kom kay Ezekiyel.

EZEKIYEL 3:15

An mba ki duk suu yowosi ay ki balnana hu mbassa Tel-Abibpa, ni vi suu cuki fun mbo lum ma Kebarna kay asi cuki ni huwa. An li buuna dukusi kiɗisiya ni ka njaɗɗi lay, ki viɗira na viɗ.

DANYEL 9:3

An pereɗ irin ay eg Bu Suuna Lona, tii tan fokomu, cenemu, li laara, cuk buɗna kanu, cuk baraw bolla egenu.

Boy Ma Ayra Ma LUK Ɓiirimma 19:41

Yesu mba wi yam zi Yerusalemma may ni, tii kam gaw,

WIRA ŊGAYRA 11:3

An hin cuk suu man suu dikina mba' asi hin cuk baraw ma mbumbu bolna tasiya, asi hin mba di Boy Lonana ki buuna bup duk kis kis mba' duk dok karkiya.