SOOLLA 131:1 - Boy Lonana

¹ Soolla suu tuɗ luu ma vi Lonna gaɗta, vi David. Yawe, hurun ka ŋga tam oloɗi, irin ka gol ha ki na day oloɗi. An ka hal ŋgolla oloɗi lay. Ka hal dlara su saɓakandaɗi lay.

SOOLLA 131:1 ပူးပေါင်းရင်းမြစ်များ

2 SAMUEL 6:22

An hin hoŋ tan ki kaŋga su olo an hin mbuɗ tan ki hahawra ii tanda may eg suu sunda tok suu ndak ɓak kasi wanna, egesi tok lay an hin fi ŋgara.»

JOB 42:3

«Aŋ di ana an ɓalakaŋ dlaaŋga aŋ min a laɗta kiyo.» An ɓak kay dlara an ka waɗ uɗɗira. Ni gasi daŋ may an li ni coo. An ka hum u dla ndaɗtaɗi lay, ka waɗ uɗɗi lay.

SOOLLA 101:5

Sa ma tum u suuna ŋgay gumuna an hin seŋem vunumu. Ii mayra cora u huu ma mbambana, an ka min suu asinaɗi.

SOOLLA 122:1

Soolla suu tuɗ luu ma vi Lonna gaɗta, vi David. An furi cocoo hu li ma suuna dan ana, «Mbaygi hu Ziŋ Lonarana.»

SOOLLA 124:1

Soolla suu tuɗ luu ma vi Lonna gaɗta, vi David. Lini Yawe ay u aygiɗi ni, suu Israelna a di ni na,

SOOLLA 133:1

Soolla suu tuɗ luu ma vi Lonna gaɗta, vi David. Ha! Ha! Jivi coco kay a gorseŋ tasina taɓ kel tasira.

SOOLLA 139:6

Wiiŋŋa mbuɗ mbuɗta su ki kanu, ndaɗ ha ki kolo kan day an ndak ka a faɗɗi.

VUN ŊGOLNA 21:4

Ii mayra gol golla ŋga tara u huu ma ŋga tara ɦayna, saɓak ma vi sa ma dlam cona, halaŋ ca ni sulukŋa.

JEREMI 17:16

An ka sa min ana dla cora mbay zakinaɗi, buu ma cona an yam ay ka ni anɗi, aŋ wi layɗi su? Dlara kal ay ki fununda an ɓakaɗ ni fokoŋɗi su?

JEREMI 45:5

Aŋu, aŋ hal a li ni tlesuu ŋga Lona. Saa kasi oloɗi. An mba dla cora kay suuna halaŋ may kaŋ aŋ wanni an ɦaŋ voɗta a li iiri hu li ma aŋ tuɗ hurumma bel.»

NDUMBA 12:3

Moiz ni sa ma lalam cocoo, sa ma ŋga u nam kay ndaŋgara ni kaɗi.

MATIYE 11:29

Yowogi tik ma zii nek manda kagiya, humugi u haɗ manda ɗow. An ni sa ma hurum lalamma. Agi hin fagi koɗ tara.

SUNDA 20:19

An sun Bu Suuna ay u ɗigilla, u simina irinu, an tuɗ fok u wihawra na gak gak ko suu Juifna tok vunusi kanda.

ROMMA 11:33

Ҥizza vi Lonara ŋgolla nera u wiimba zul ɦay. Sa hin ndak a gam u dlaam ndaɗta kina ni gege? Va ma ŋgaamma sa ndak a humum um kina ni gege?

ROMMA 12:16

Lakagi taɓi duk tagiya, ŋgaagi tagi kay tlenɗi lagi sunda ɗegeera, Gologi tagi ko suu neeyna naɗi.

GA 8ATAMBARA 17:20

Na may ka nam mbuɗ sa ma ŋga tam fok gorsemmaɗi, a mbuɗ hurum tuɗ bik njuf may, gulu may naɗi, nam li wa jiviya ni buu mul mamba u goryom hin ɦuɗ fok duk suu Israelna may.

1 TESALONIKŊA 2:10

Agi ni suu diki kamina, Lona lay ami poy dukugi ni poyra teteɗta u ɗegeera bay cora egegi agi suu vina.

1 SAMUEL 16:13

Samuel tli mek ma mbulna hurumma tani, hin fuurum duk gorsemma. Musuk Yawera hin mbay kay David hu buu namma. Samuel hin gi tam voɗ tuɗ Rama.

1 SAMUEL 16:18

Sa goo gom maa dew di ana, «An wi gasi daŋ may, goŋ Jese maa dew ma Betlehemma. Nam wi bura. Nam saɓak cocoo, sa duu ma jivina lay. Nam ɓak dlara u yalna coco lay. Nammi sa jivina lay. Yawe u namu.»

1 SAMUEL 16:22

Sol sun di Jese ana, «Ko David hin vo varan lan sunda kay an minim ɦay.»

1 SAMUEL 17:15

Na may David tuɗ vi Sol hin hoŋ ay taa yoori suu vi bumma hu Betlehem.

1 SAMUEL 18:23

Suu li sunda vi Solna hoŋ boy namma ɓakŋa hum David olo olo. David di ana, «Agi min ana sa ka wi u dlara kombina li a kunuŋ mulnana ni nanage? Doli ɗini anni sa haw cocona, ka vi u dlaɗi layna.»