SOOLLA 129:5 - Boy Lonana

⁵ Ko suu babali mansina mbuɗ zolona suu may suu kaboyna eg Siyonna halaŋ mbuɗ zolona.

SOOLLA 129:5 ပူးပေါင်းရင်းမြစ်များ

NEHEMI 6:16

Hu li ma suu babali mamisina hum na ni, suu hu ɦoŋzi ma ŋguy kamina halaŋ mbuɗ ki ndaana, mbuɗ ki zolona ii tasi gaw. Asi wi ki kasi ana sun ndaɗta laɗ ni u minda vi Loominara.

ESTER 6:13

Haman ɓak dlara li ay egemba ki maŋ caamba, Zerses, u banayamma halaŋ. Suu wi dlara asina u caamba dam ana, «Li ni Mardose ma aŋ gijaŋ hom ay kaŋga fokom wanna ni hu njaf ma Juifna ni, aŋ hin ka ndak a lam va egem oloɗi. Aŋ hin tuɗ fok u homba hom umba ni na gak.»

ESTER 9:5

Suu Juifna ci suu babali masisina ki u ŋgewna, casi kiyo, bulumusi kiyo. Asi li dlara eg suu ka minisiɗina ko hurusi minda na.

SOOLLA 122:6

Joɓogi heɓpa ay kay zi ma Yerusalemma, ko banayaŋŋa lak vo u heɓpa may.

SOOLLA 40:15

Suu halan iiri manda, aŋ mbuɗusi zolona, suu hal a can kina hoŋ dagan u zolona. U suu ka san un hu wihaw mandana lay, aŋ hoŋosi dagani.

SOOLLA 71:13

Ko suu hal a viɗin iiri mandana, tuɗ ba ha ki hu zolo masina, suu halan dlara hahawra ay kanna yasi bal kasi zolona.

EZAYI 10:12

Bu Suuna di ana, «Lini an daɓ sun manda ay kolo kay ɦinira Siyonda u Yerusalemba ki wa ni, an hin kaɓakŋa kay mul ma Asirina, kay ŋga taamba u tlira nam tli yam kolora.»

EZAYI 29:8

Hin li ni ko ndal sa ma mayra camma doyra dam ana nam fi tina warana. Doli nam dliɗ kolo ni mayra cam tu gak gak, ɗowba ko sa ma laara camma doyra dam ana nam ka ci yona, hin dliɗ kolo ni laara cam gak gak, ɦorom ki sooyra pat pat. Dla ndaɗta hin li u suu babali suu bolow coco wanna ni na may, suu ka duu tasi u ɦinira Siyondana.

EZAYI 37:22

gola ni boy ma Yawe damma ay kamma, ndaɗ ka panaŋu, ndaɗ ka san uŋu, gora Yerusalemba. Ndaɗ ka kisik yaɗ ha uŋ dagani.

EZAYI 37:35

An hin njun kay ɦoŋzi namma suɗum kiyo, ni u min manda ni kay saan ma sunda David.»

MISE 4:11

Cecem wanda mbassa bolowo vi vunusi kaku, mbas mayra di ana, «Ko ndak mbuɗ ki lalasi, ko irigi gol ɓeŋga vi Siyonda.»

ZAKARI 12:3

Gasi, hu buu namma wanni an hin tin Yerusalem ki fok suuna halaŋ ko ndal gogoyra sa ka ndak a tlaɗ ki koloɗira na. Gegelay ma min a tlaɗ kolona hin dak tamu. Na lay njaf suu kay ndaŋgarana halaŋ hin vi vunusi kaɗu.

ZAKARI 12:6

Hu buu namma wanni an hin mbuɗ muli suu Yudana ko ndal kura ŋgali u gunara na, ko ndal dolla muni duk usuna na. Asi hin ci suu keŋesina ki halaŋ halaŋ bik njuf may, bik gulu may. Na may Yerusalem hin li kakira ni hu liiɗ ma dewna.

1 KORINTNA 16:22

Lini sana ka min Bu Suunaɗini, nammi sa ki baayna. Maranata (ni ana Bu Suuna mamina mbaya).