SOOLLA 126:2 - Boy Lonana

² Hu li namma vunuygi oy u sanda, siniygi sawalla furira kolo may, suuna hin mbuɗ njaɗ ana, «Yawe lasi dlara ŋgolla kasi wa.»

SOOLLA 126:2 ပူးပေါင်းရင်းမြစ်များ

EZDRAS 3:11

Hu geleɗta u gi deɓpa maŋ Yawera asi hoŋ dira ana, «Kay ana nam jiviya, ɗegee mamba kay Israel ni a fafaɗta.» Suuna halaŋ yi ha kolo u furira, geleɗ Yawe kay u Ziŋ Yawe ta gaɗ kaŋgara.

NEHEMI 6:16

Hu li ma suu babali mamisina hum na ni, suu hu ɦoŋzi ma ŋguy kamina halaŋ mbuɗ ki ndaana, mbuɗ ki zolona ii tasi gaw. Asi wi ki kasi ana sun ndaɗta laɗ ni u minda vi Loominara.

JOB 8:21

Nam hin oyoŋ ŋgotloŋ ki u sanda, hoɓoŋ vunuŋ ki u furira may.

SOOLLA 14:7

An ka juɓ suɗta, col ay hu Siyon a suɗ suu Israelna. Yawe buɗ suu mamsina ay ki hu mbaɓura, ni njaf suu vi Yakobma hin furiya.

SOOLLA 51:14

Ҥan furira a kal hu suɗ maŋga, hin a ŋgussa jivira takan voɗta.

SOOLLA 53:6

Asi halaŋ mbuɗ ki ndaana, li ni dlara ndaa kaɗi lay. Suu duu asina Lona njayasi sokosi ki na dew dew, aŋ panasiya kay Lona zuɗusi ki wa.

SOOLLA 71:19

Jivi maŋga ka kolo day, aŋŋi sa ma li tlesuu ŋgolona, Lona, sa ma ko aŋ nana ni gege?

EZAYI 35:10

Suu Yawe buɗusi ay kina hin hoŋ aya. Asi hin cuk hu zi ma Siyonna ni u soolla furira. Golosi irisi ni u furira ka daɓ kiɗira. Ayra u furira ŋgafasi aya. Yoora u hahawra yow liŋŋa may.

EZAYI 51:11

Suu Yawe buɗusi ay kina hin hoŋ aya, asi hin mba cuk hu Siyon u soolla furira. Furira ka daɓ kiɗira hin li kasi na din din. Ayra u furira ɦuɗ tasi ay egesiya. Yoora u zamba yow liŋŋa may.

JEREMI 31:7

Na ɗaŋŋi Yawe ɓak anaba, lagi furira u Yakob, lagi tlesuu ti suu jivina maŋ mul ma vi suunana. Lagi furira, ayagiya, dagi ana, Yawe buɗ suu mamsina ki wa, suu Israel suu usi hinna.

JEREMI 33:11

della yi kolo u furira, luu ma jivina lay, gi soolla u furira ko ndal suu ɗum tasi wilina na lay, ko ndal suu mbay u ɓivunna u furira hu Ziŋ Yawera di ana, «Ŋgaagi Yawe ma Saɓakŋa Kom Belna kay ana nam jiviya, ɗegee mamba ni a fafaɗta.» Gasi an hin hoŋ mbas ndaɗta kolo balamaɗu. Ndaɗ hin hoŋŋi hu balamaɗ ma jewna. Yawe di na.

EZEKIYEL 36:36

Ni u njaf suu ɦawa suu hin iiri ŋguy kagi cana hin wi ki ana an Yawe, ni sa ma min tlesuu ay ki ɓalakina ki kolona, hoŋ pii tlesuu ay ki paɗi kolona kaŋga balamasi layna. An Yawe di dlara wa ni an laɗ ki mbee may.

NDUMBA 23:23

Dlara kumuna ka tew eg suu vi Yakobmaɗi, dlara joɓ fulina ka li suu Israelnaɗi. Suu Israelna hum dlara Lona min a laɗta ni hu liiɗu.

ROMMA 11:15

Hu li ma asi ay ki keŋŋa suu duk ndaŋgarana halaŋ duk hoŋosi taɓ u Lona, asi hin hoŋ ay wa ni hin lini nana ologe? Hin lini ana suu ay ki miɗina mbuɗ iiriya.