SOOLLA 119:53 - Boy Lonana

⁵³ Hu li ma an wi suu bay ɗegeena hiniŋ gaɗ maŋga ki na ni, hurun haɗ cocoo.

SOOLLA 119:53 ပူးပေါင်းရင်းမြစ်များ

EZDRAS 9:3

Hu li ma an hum dla ndaɗta na ni an haa baraw manna kiyo, koɓoɗ manda ki lay. An nja tlimiɗ yan ki may, nja njeera fununda ki may, an kak kaŋga ki loɓiya.

SOOLLA 119:158

An wi suu ka miniŋ boy maŋŋaɗina na ni ka irin jiviɗi, kay asi ka hum u min maŋgaɗi.

FILIPINA 3:18

An dagi jew tew tew, cecemi olo hoŋ dagi u simina irinu, suu poy masira ka li babalira u miɗna vi Kristu hu gu garakŋa ka ŋgolo.

JEREMI 13:17

Lini agi ka humbi ni, an hin mbuɗ tan ki hahawra hu liinna, kay ana dla ndaɗta ndakan wa, irin hin tii simina, tiira, mbus ki u simina, yoori suu vi Yawena tuɗ ki ni hu daŋgayna.

EZDRAS 10:6

Ezdras col ki kolo hu li ma nam ay huna, irim ha fun Ziŋ Lonara na. Nam tuɗ ha hu goŋga vi Yohanan ma goŋ Eliyasibma na. Nam tew ha ki hu may ni ka min a ti mappaɗi lay, ci yoɗi lay, kay ana nam li ni doo dla cora vi suu yowosi ay ki mbaɓurana.

2 KORINTNA 12:21

An hin tuɗ ha a gologi wani an li ndaana kay Lona hinin an a hoŋ yan kaŋga fokogiɗi, an tii ni tiiriya kay suu li cora ŋgolo bay hoŋ homba kay coosira tuwa, boy zoŋga u cora asi haɗi laɗ tew tewra.

HABAKUK 3:16

An hum na ni hurun ɓeŋ ki ni na gaw. Vunun dlak ko vun namma, tan mbuɗ ki maŋira gaw, an kak hu li ma dewna hurun ki ɓeŋiya. Kay an ndak juɓ buu ma ɓeŋga ka ŋgen tan a tuɗ li yara u suu duu u aminaɗi.

DANYEL 4:19

ni aŋ, mulna. Kay ana aŋ mbuɗ ki ŋgolla, saɓak lay, ŋgol maŋga wul ta ta tew kolo huulona, mul maŋga ta ta tew keŋ ndaŋgara ma daɓ ayna.

SOOLLA 119:136

Irin ka ɓaɗ simina ko mbona na kay suuna ka li u gaɗ maŋgaɗi.

NEHEMI 13:25

An yalasi hin gasi vunna. An poŋ njufii suu dukusi ɦiw hin paɗasi tlimiɗ yasi kiyo, olo an hin suurusi ki u sem Lona ana, «Hagi gorɓii magisina maŋ goryosiɗi, yowosi maŋ goryogiɗi lay, maŋ tagiraɗi lay.

SOOLLA 89:30

An hin golom njafam ha na gak gak, dlam mamba mulla ka tli kiɗi a fafaɗta.

EZDRAS 9:14

Na ni ami hin ndak a ɓeŋeŋ gaɗ maŋga ki olo, hoŋ a ɗum suu dlasi co asina olo su? Na ni aŋ hin ka mbuɗ yara egemi ta ta cami ka hinimi umiɗi su?

NEHEMI 5:6

Hurun mbuɗ ki yara ŋgol coco hu li ma an hum yoo ta masira u boy ma ko namma nana.