17 Saa ay kay saaŋ ma sunda a nam kak iiriya, an hin vaŋ boy maŋŋa kan tew tew.
Iiri manda koɗ tak ɗaŋ kay Yawe lak jivira wa.
U min maŋga aŋ li a sa ma njununna, ni an hin kak iiriya, hinin a juɓ manda li ki ɦawaɗi.
Li u saaŋ ma sunda ko aŋ minda na, haɗan gaɗ maŋga.
Mbuɗ iriŋ ay egenu, lan oora kanu, ko aŋ saa a laɗ kay suu miniŋ seŋara na.
Diki maŋga ha ni na din din, ɦan yal ma ɓorow ii dlara kina, ni an hin kak iiriya.
Ko an kak iiri ni kay a geleɗeŋga, boy ma aŋ dam ma gasina mbay njun unu.
Furira kay suu hoŋ tasi ga u gaɗ mambana, asi ka halam u hurusi halaŋ.
Aŋ li jivira kay saaŋ ma sunda, ni u boy maŋŋa, Yawe.
Ko lalam maŋga kal hurunu an kak iiriya, kay gaɗ maŋga kan jivi cocoo.
An may ni tin saa manda ni kay jivi maŋga dew, hurun furi cocoo kay aŋ suɗun ki wa, an gi soolla ŋga Yawe kay nam lan jiviya.
Aygi halaŋ fi tlesuu col ay komma ni u ɦiz mamba oora ha ŋgoo dagan na gak gak olo.
Lona laygi ni namu nam miniygiya, hu taɓ maygira u Yesu Kristu nam min ana aygi mbuɗ ki jivi saɓakŋa u sunda jivira, sun mamba nam laɗ ki fok jewra, ana aygi mba li na may.
Lo manna mba ɦagi tlesuu agi minisina halaŋ u jivira vi ɦiz mamba hu Yesu Kristu.
Agi wi kagi ana Kristu ni sa ɗegeena, agi wi kagi ana sa ma li dlara ɗegeera ni goŋ Lonna.