SOOLLA 118:27 - Boy Lonana

²⁷ Yawe ni Lona, nam ɦaygi kiɗikka, hu buu ma li luuna doogi kura kogiya, tuɗ ta ta tew hu givin ma togolla eg mekŋa.

SOOLLA 118:27 ပူးပေါင်းရင်းမြစ်များ

1 MULINA 18:21

Eli ɦuɗ tam ay eg suu halaŋŋa dasi ana, «Agi hin hinigi dlara yowoɗ kogi na mba' mbara ki ni saɓa tuge? Lini Yawe a Lona ni namu ni vagi um may. Lini Baal a Lona ni namu ni vagi um gaw may.» May suu Israelna sa ma hoŋom di na dew kaɗi.

1 MULINA 18:39

Suuna halaŋ wi na ni, goɓ ki kaŋga u vun givisi halaŋ halaŋ di ana, «Yawe ni Lona, Yawe ni Lona.»

1 DLAŊ MULINARA 29:21

Vin ŋgoo buu namma asi li ɓivunna maŋ Yawe, lam ɓi vun ma ŋgalam ki ŋgalina, bolo mbutlina buɓ, gamlagina buɓ, gor timigiina buɓ u ɓivun ma ɦawana may, ɓivunna bolow coco kay suu Israelna halaŋ.

ESTER 8:16

Kay suu Juifna ni kiɗikka u furira gi boboora u furira.

SOOLLA 18:28

Aŋ njun u suu hoŋ yasi gana, suu ŋga tasina aŋ hoŋosi ki kaŋgaa.

SOOLLA 37:6

Nam hin takaŋ ɗegee maŋga ki ko kiɗikkana, dlaaŋga jivira hin tak ki ko kiɗik faɗta na.

KALKIRA 27:2

Keŋem ma kolona fiɗi halaŋŋi aŋ min mekŋa huwa, hoo ta mekŋa ki u kawi ma tlawna.

KALKIRA 38:2

Keŋem fiɗi halaŋ nam li mekka ki huwa. Nam hoo givin ma togolla tam ki u kawi ma tlawna.

EZAYI 60:1

Col koloo, weleɗa, kay kiɗik maŋga kal ay ki wa. Bibiŋilla vi Yawera ka kolo kaŋu.

EZAYI 9:2

Aŋ wulusi furi masira kolo wa, aŋ zulusi u ay masira wa. Asi ka furi fokoŋu ko suuna furi hu buu ma feɗ tlena vona na, ko suuna furi a ɓorow joo ma asi fam ay fun duunana na.

MISE 7:9

Yara vi Yawera, an ndak vaɗ kanu, kay ana an li sulukŋa egem ta ta hu li ma nam kaan ɓak manna mbuɗun ki jivina. Nam hin kalan ay ki ii kiɗikka an hin golom sun mamba ɗegeera.

Boy Ma Ayra Ma JAŊ Ɓiirimma 8:12

Yesu di boyna maŋ suuna olo ana, «An ni kiɗikka fok suuna. Sa ma tuɗ kay cerenna ka tuɗ duk ndufundaɗi, nam ka u kiɗikka iirira.»

HEBRENA 13:15

Geleɗeygi Lona tew tew ni ko ɓivunna u Yesu Kristu na, ni di ana geleɗem u vunuy tew tew.

1 PIYER 2:9

Agi ni njaf ma manam kina, suu li ɓivunna vi mul ŋgolna, deera teteɗta, suu vi Lonna. Managi ay kini a di ki kay sunda jivira vi Lona, taɗagi ay ki hu ndufunda a mbaaragi ki hu kiɗik mamba jivira.