SOOLLA 116:5 - Boy Lonana

⁵ Yawe, nam jiviya, ɗegee lay, Looygina ni sa ma wi hahaw suuna.

SOOLLA 116:5 ပူးပေါင်းရင်းမြစ်များ

SOOLLA 145:17

Yawe ɗegee hu dlaamba halaŋ, ɗegee hu sun mamba halaŋ lay.

SOOLLA 103:8

Yawe ni sa ma wi hahaw suuna u minda, nam ka mbuɗ ya na zakgi, nammi sa ma ɗegeena.

EZDRAS 9:15

Yawe, Lona vi suu Israelna, aŋ ɗegee, hu buu ma karamma gaw, ami fi dla cora gasi ni ko ndal suu usi hinna na. Gola ami fokoŋ u suluk mamina wanna, ko ndaɗta na ni sa ka ndak a col fokoŋgi.»

SOOLLA 119:137

Yawe aŋŋi sa ma ɗegeena, boy ma aŋ damma nam ɗegee lay.

SOOLLA 86:15

May aŋ, Bu Suuna, Lo ma wi hahaw suuna, huruŋ ka ɓeŋ zakgi, huruŋ oy u ɗegeera u gasira,

NEHEMI 9:8

Aŋ fam iriŋ ɗegee hin vi galamba a ɦam mbassa vi suu Kanaanna, suu Hitna, suu Amorna, suu Perizna, suu Jebusna, suu Girgasna a ɦaɗ ki maŋ njafamba. Aŋ li ko aŋ ɓak ki u vunuŋu kay aŋ ɗegeere.

1 TIMOTE 1:14

Bu Suuna mayna kuluɓun oo mamba ka daɓ kiɗira kanu. Nam mbuɗun sa vina u minda aygi taɓi hu Yesu Kristu u ndaɗta.

DANYEL 9:14

Yawe vi dla co ndaɗta komu, hin mbaaraɗ ay kamiya, kay Yawe, Loomina, nam ɗegee hu dlaamba nam laɗta bel, may ami humum delem kaɗi.

DANYEL 9:7

Ɗegeera ni maŋ aŋ Bu Suunara, zolona ka kami hu buu namma, kay suu hu Yudana, suu hu Yerusalemma, kay suu Israelna halaŋ, suu tokŋa u suu ha ki dayna lay, kay yam mbassa halaŋ hu li ma aŋ dikisi ha ki kay cora asi laɗ egeŋga.

EZAYI 45:21

Dagi boy namma ha ki maŋ suuna, vasi u dla ndaɗta kiyo, lagi tokka ko tagi dew. Sa ma tak dlara li wanda ay ki fok jewna ni gege? Ni ka Anɗi su? Yaweɗi su? Lini anɗi ni lo ma daŋ kaɗi, anni Lo ma ɗegeena, Lo ma suɗ suuna. Lo ma daŋ kaɗi, ni an dew daŋ.

1 JAŊ 1:9

Lini aygi di cooygira ki fok Lona ni, aygi ndak a ɦam huruygi halaŋ kay me nammi sa ma ɗili ma ɗegeena, nam hin daɓaygi cooygira kiyo hin mbusuygi ki ko dla cooygira halaŋ.

EFESNA 2:4

Jivira vi Lona ta ŋgolla u min mamba nam miniygira.

DANYEL 9:9

Aŋ Bu Suuna, Loomina, oora u bulum cora ni maŋsina, kay ana ami li yara egeŋu,

JEREMI 12:1

Aŋ, Yawe, aŋ ɗegeere. Na may an min ɓak u aŋ nde. Gasi, an min ci wayra u aŋ kay dla taa ɦiw. Ni kay me suu dlara vasina dlaasira li eg liiɗ ni ge? Ni kay me suu ci suuna suu dlaasi cona kaki u heɓpa ni ge?

SOOLLA 115:1

Yawe ami kay tamira ndak kaɗi, ami ŋgaaŋŋi seŋ aŋ dew, ni kay jivi maŋga u ɗegee maŋga na hol.

SOOLLA 112:4

Duk ndufunda lay ni vun sa ma ɗegeena ka tak kiɗikka maŋ suu ɗegeena. Nammi ɗegee, wi hahaw suuna lay.

SOOLLA 86:5

Bu Suuna, aŋŋi sa ma jivina, ma bulum cora kina, aŋ sa ma ɗegeena ka hum suu ka yaŋŋa tew tew.

NEHEMI 9:33

Aŋ taŋga jivi su dlara li egemira halaŋ kay ana aŋ li dlara ni u gasira, may ami tamira li dlara ni u hurumi ma sulukŋa.

NEHEMI 9:31

U oo maŋga ŋgolla aŋ hin ka a casi kiɗi. Aŋ noyosi ka kiɗi lay kay aŋŋi Lo ma irim ka tini na ŋgem ma oo cocona.

NEHEMI 9:17

Asi min ka humbi. Humusi gasi ka kay dlara mbuɗ mbuɗ ta aŋ laɗ egesiraɗi. Asi tin saarasi ni a hoŋ hu liisi ma mbaɓura. May aŋ taŋga, aŋŋi Lo ma ɦal heɓpa, jekjeke lay, oo coco lay, ka ɓeŋ huruŋ zakgi lay, ɗegee coco lay, aŋ noyosi ka kiɗi.