SOOLLA 112:5 - Boy Lonana

⁵ Sa ma li jivina ni sa ma kabalna kay suuna, nam bas tlegeyemmi u ɗegeera.

SOOLLA 112:5 ပူးပေါင်းရင်းမြစ်များ

NEHEMI 4:13

An di suu ɓii magaara, suu kaɓakŋa, u suu hiŋŋa ana, «Sun ndaɗta jiviya, ŋgol coco lay. Ami ki njayra kay gulumunna duk ɦoŋomi ki eg tami na day day.

SOOLLA 37:21

Sa ma cona tli balna, may ka warakam kiɗi, may sa ɗegeena wi hahaw suuna, ɦasi balna ha kasi may.

VUN ŊGOLNA 12:2

Sa ma li jivira yi ay ni oora vi Yawera kamu. Sa ma hal mbeleŋ ma cona, Yawe kaam ɓakŋa kamu.

VUN ŊGOLNA 17:18

Sa ma kal tam a vovoɗta kay bal ma vi ndarammana ni sa ma laɓana.

VUN ŊGOLNA 18:9

Sa ma li zolomba kay sun mambana ni wayaŋ sa ma ka ɓalak tlena kina.

VUN ŊGOLNA 2:20

Poy maŋga mba li ni poyra vi suu gaaraŋŋa, aŋ gol ni poyra vi suu ɗegeena.

VUN ŊGOLNA 24:27

Li sun maŋga ki bunsu ii suuna halaŋ, laɗ ki kiɗik hu sene maŋŋa, ŋgoo dagan aŋ hin ndak a min ziiŋŋa kiyo.

Boy Ma Ayra Ma LUK Ɓiirimma 23:50

Sa maa dew yam ana Yosef hu zi ma Juif ma Arimatena, nammi sa ma jivina, ni sa ma ɗegeena lay. Nam tin hurum kay Mul Lonara ta mbayra. Nammi duk suu ŋgolo suu gi ii dlara. Nam kal vunum ka duk boy ma ndarayam suu gi ii dlara lammaɗi.

Boy Ma Ayra Ma LUK Ɓiirimma 6:35

Minigi suu babali magisina, lasi jiviya, ɦasi tlena, tin hurugi ana asi hin hoŋogisina ay ni saɓagera naɗi lay. Agi hin fi warakka ŋgolla, hin mbuɗugi ki goryoŋ Lo ma kolona. Nam li jivira maŋ suu hurusi cona u suu hurusi jivina lay.

Boy Ma Ayra Ma JAŊ Ɓiirimma 6:12

Suuna hoɓi hoɓ mi, Yesu di suu haɗi mamsina ana, «Yowogi u mappa ma hinna ay koloo, hin a maa viɗ kiɗi.»

SUNDA 11:24

Barnabas ni sa ma jivina, tin hurum kay Boy Lonana, hurum oy u Musuk Lonara. Suuna ŋgolo vi u Bu Suuna.

ROMMA 12:11

Lagi tagi fete, li zolombi, sunugi Bu Suuna u furira.

ROMMA 5:7

Loɓ ŋgol a sana vi kam a miɗ kay sa ma ɗegeena, kala sa ndak vi hurum a miɗ kay sa ma jivina.

EFESNA 5:15

Gol tagi jivi hu poyra agi poyra, poyogi ko suu laɓana naɗi, ko suu neeyna na.

FILIPINA 1:9

Gologi cenda an ka cen Lona kagira an joɓom ana min magira wul fok wuli na ɗow ɗow, a ndaɗ mba mbuɗ saɓak u wira u humba jivira lay.

KOLOSNA 4:5

Poyogi u nera duk suu bay vina, lagi jivira hu li ma agi kana.