SOOLLA 110:3 - Boy Lonana

³ Hu li ma aŋ tuɗ duuna suu maŋsina tuɗ uŋ u furira. Suu maŋsina mbay egeŋ kay ɦinira teteɗta, ko ndal mbaɗagira gi maɗira na.

SOOLLA 110:3 ပူးပေါင်းရင်းမြစ်များ

1 DLAŊ MULINARA 16:29

Ҥagi bibiŋilla u sem Yawe. Mbaagi ɓivun magina aya, mbaagi ay fokomu. Goɓogi kaŋga fok Yawe hu li ma teteɗ mamba tak taɗ ki kiɗikŋa.

NEHEMI 11:2

Suuna paɗ vunusi ki kay suu ɦal tasi ki u min masira a kak hu Yerusalemma halaŋ halaŋ.

SOOLLA 29:2

Geleɗegi sem Yawe, goɓogi ga fok Yawe. Goɓogi gaa fok Yawe hu li ma teteɗ mamba tak taɗ kina.

SOOLLA 96:9

lini teteɗta vi Yawe weleɗ fokogi wa ni agi goɓ ga fokomu, agi suu kay ndaŋgarana halaŋ, dlakagi ndaana komu.

EZEKIYEL 43:12

Gola ni gaɗta kay Ziŋ Lonara, kolo kay ɦinira, ndaŋgara ŋguyuɗta halaŋ ki ni teteɗ. Gaɗta kay Ziŋ Lonara ni na.»

MISE 5:6

Suu vi Yakob suu usi hinna hin li duk ɦoŋ suu bolow cocona, ko ndal mbaɗagira col ay eg Yawera na, ko ndal lo ma si hum usuna na, ta ka juɓ va ko saɗira na, ka saa kay va ko suu warna naɗi layra na.

SUNDA 1:8

Musuk Lonara mba kagi wa ni, agi hin fi saɓakŋa, agi hin li ni a suu man suu vovoɗta diki kanda hu Yerusalem, hu mbassa Yudera, u Samarira halaŋ, gak gak tew ha ki hu li may ma vun ndaŋgara daɓ ay huna.»

SUNDA 19:20

Ni boyna vi Bu Suuna njay ki u saɓakŋa cocora ni na.

SUNDA 2:33

Lona tlam kolo hu bikim ma njufna, nam fi Musuk Lonara di ki kaɗ jewra ay ko Bumu. Nam hin njayaɗ ay ki kamiya, halaŋŋi va ma agi ka wam cecemi humum u humugiya.

SUNDA 2:41

Suuna ŋgolo vi u boy ma vi Piyerna, asi mbususi ki batemma lay, fali ndaɗta ni suu vina ii va ma bup bup hindi taɓ u suu jewna.

SUNDA 21:20

Asi humum boy mamma hummi geleɗ Lona. Ŋgoo dagan asi di boy ma ana, «Aŋ gola wayamisina duk suu Juif suu vina ni bup bup gage? Asi halaŋŋi vi u gaɗta cocoo.

SUNDA 4:4

Fali ndaɗta ni suu hum boy nammana ŋgolo tin hurusi kay Yesu. Suu vina zul ŋgolo ii va ma bup bup vadl.

2 KORINTNA 13:4

Nam ay ki ɓali kolo hu gu ma garakŋa ni kay maŋi mamba, nam ka iiri u saɓakŋa vi Lona. Hu taɓpa u namba ami ni maŋi may, u lira ami ka li u agira ni ami kak iiri u nam hu saɓakŋa vi Lona.

2 KORINTNA 8:12

Lini sana tin hurum ma jivina wa a ɦala ni, Lona ŋgani ɦal mayra ka ko sanara, va ma kaɗina nam ka ŋgaambi.

2 KORINTNA 8:16

Gaygi deɓpa maŋ Lona kay nam ɦal hu ma jivina hu Tit kay boy magina.

EFESNA 1:4

Kay Lona jew bay li duliyara tu ni nam manaygi ki ana aygi ni suu mamsina hu Kristu kay aygi mba li fokommi suu jivi suu bay cora egesina hu min mamba.

FILIPINA 2:13

Lona li u agi na gak gak kay a mbuɗugi ki saɓakŋa u min mamba kay a mba li ko va ma nam ŋgaamma na.

1 TESALONIKŊA 4:7

Lona yaygi ka kay dlara njenjeraɗi, aygi kakŋi hu teteɗta.

TITTA 2:14

Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.

HEBRENA 13:21

Ko Lona ma heɓpa ɦagi saɓakŋa a li u tlesuu jivina halaŋ kay agi lam min mamba, ta nam laygira huruygi u Yesu Kristu ni dlara irim jivira. Ŋgolla maŋ Yesu Kristu a fafatɗa. Amin.

WIRA ŊGAYRA 7:9

Ŋgoo dagan an gol irin na ni wi suuna bolow coco sa ma ndak a ndum suu asina kaɗi. Asi ay ni u dee suuna halaŋ, u njafasi halaŋ, hu ndaŋgara dew dew halaŋ, u vunusi halaŋ lay. Asi col fok dlamba mulla fok Goo Timiina, u baraw ŋgolla haɓpa tasi halaŋ halaŋ u hum manawra kosi may.

SUU KAƁAKŊA 5:2

«Hu li ma suu ŋgolna cuk tasi fok suu Israelna. Hu li ma suu Israelna ɦal tasi u hurusi wa ni. Gagi deɓpa maŋ Yawe.

SUU KAƁAKŊA 5:9

Hurunni u gaɗta vi suu Israelnara u suu ɦal hurusi u min masirana. Gagi deɓpa maŋ Yawe.