SOOLLA 110:1 - Boy Lonana

¹ Soolla vi David. Yawe di Bu Suuna manna ana, «Kak hu bik kon ma njufna, an cukuŋ suu babali maŋsina ki uŋ ga a gu ma aŋ tin seŋ kamma.»

SOOLLA 110:1 ပူးပေါင်းရင်းမြစ်များ

1 DLAŊ MULINARA 28:2

Mulna David col kolo dasi ana, «Humungi haa, gorsenna u suu mansina. An hurun ka tini a min zira Zandukka Galamba vi Yawera hin koɗ taɗ hura u li ma Looygina hin tin sem huna. An min tlena ka ki a miniɗta.

SOOLLA 109:20

Yawe warak suu gonokka u anna ni ko ndaɗta na. Ni suu ɓak dla cora u senna.

SOOLLA 8:1

Soolla vi sa ma fok suu gi soollana, soolla vi David, gaɗ u tlesuu luuna.

SOOLLA 8:6

Aŋ lammi su tlena halaŋ, su kammi ni aŋ hol. Aŋ hin oyom u bibiŋil maŋga.

ZAKARI 6:13

Sa ma min Ziŋ Yawera ni namu. Nammi sa mulla hin kak u namma, nam hin kak kay dlam mamba a ti mulla. Mul ma li ɓivunna hin kak kay dlam mamba may, asi u dlasi jak vunusi hin li ni dew kay dlara asi daɗta.

MATIYE 26:64

Yesu hoŋom dira ana, «Aŋ di ni aŋu. An dagi ha ana, Agi hin wi Goŋ Sanna kagi kay bik Lona ma njufna, ma saɓakŋa kom halaŋŋa. Agi hin wam nam hoŋ ay duk ɗugulla huulona.»

MARK 16:19

Bu Suuna Yesu vunum ndi kaŋga may ni, tuɗ kolo vi Bum Lona gaw, kak kay bikim ma njufna.

Boy Ma Ayra Ma LUK Ɓiirimma 22:41

Nam maɗ duk ɦoŋom ki u asi na nde ni, goɓ kaŋga a cen Lona.

1 KORINTNA 15:25

Kristu hin kak mulla ni gak gak hu li ma Lona su kay suu mam suu gonokka, cukumsina u sem kaŋgaa.

KOLOSNA 3:1

Lona paɗagi ay ki hu miɗna mbuɗugi kolo iiri u Kristu, halagi tlesuu kolo huulona hu li ma Kristu ka kaki hu bik ko ma njufna vi Lona.

HEBRENA 1:13

Duk suu sunda huulona ni nam di maa ka dew ana, «Aŋ kak kay bikin ma njufna, gak gak an cukuŋ suu babali maŋsina kaŋga u seŋu ko tlesuu tin semma kasina na,» ka naɗi.

HEBRENA 1:3

Nam weleɗ kiɗikka ŋgolla vi Lonara, nam tli tammi u Lona tamba gasi, tlena coli hu liisi ni u saɓakŋa vi boy mamma. Hu li ma nam mbus cora vi suuna ki pasiyak mbusni, nam i kolo huulona kaki hu bik ko Lona ma njufna ma saɓakŋa kom belna.

HEBRENA 12:2

Ŋgarasaygi iriygi ni kay Yesu, viiygira coli ni kay gi jaŋ ayra gak gak daɓpa. Nam vi kam a asi ɓalam ki hu gu garakŋa, nam li olo ka kay miɗ mammaɗi, kay nam wi furira ka juɓum fokka, cecemi nam ka kaki kay bik ko Lona ma njufna kay dlam mamba mulla.

HEBRENA 8:1

Gola ni boy ma ŋgolna duk mami ma ami ka damma halaŋ, mul ŋgol maygi ma li ɓivunna kal ki kolo huulona, kaki hu bik kom ma njufna kay dlam mamba mulla, ma saɓakŋa kom halaŋŋa.

1 PIYER 3:22

Nam i kolo kaki kay bik ko Lona ma njufna. Nam kak mulna kay suu sunda huulona u suu ŋgolona u suu saɓakŋa ha kolo huulona.