SOOLLA 11:7 - Boy Lonana

⁷ Kay Yawe ni ɗegee, nam minni sunda ɗegeera may, sa ma ɗegeena hin gol ii Lona.

SOOLLA 11:7 ပူးပေါင်းရင်းမြစ်များ

JOB 36:7

Nam ka tli irim ki kay suu ɗegeenaɗi. Asi ka laki kay dlamba mulla u mulina dew, asi lak hu na gak gak. Asi may ni ŋga tasiya.

SOOLLA 146:8

Yawe mal ii suu dugina kiyo, Yawe col suu daɓ sesina ki koloo, Yawe min suu ɗegeena.

SOOLLA 17:15

Anu, anni sa ma jivina, kay ndaɗta an hin waŋu. Hu li ma an dliɗ ki kolona, an furiya kay an waŋ iriŋu.

SOOLLA 21:6

Saɓak mamma u bibiŋil mamba ɦuɗ fokŋi kaŋ aŋu, aŋ ɦam ŋgolla u bibiŋilla.

SOOLLA 33:18

May Yawe ka juɓ u suu lam ndaaramma, u suu tin hurusi kay ɗegee mambana.

SOOLLA 33:5

Nam minni gasira u ɓak ma ɗegeena, yam ndaŋgara halaŋ ki oy u ɗegee Yawera.

SOOLLA 34:15

Hin dla cora kiyo, li ni dlara jivira, hal a li ni heɓpa duk suuna.

SOOLLA 37:28

Kay Yawe minni suu boyosi ɗegeena, nam ka hin suu mam suu ɗegeena kiɗi. Nam ka golosi tew tew, may suu li dla cora njafasi bulum kiyo.

SOOLLA 42:5

Jew ni an tuɗ hu Ziŋ Lonara ko tan u suuna, dukusi ni an ka furi cocoo. An li luuna u furira, gi soolla ŋga Lona, humun gan kay boy namma wa ni hurun haɗ cocoo.

SOOLLA 45:7

Mulla Lona haŋgara kak na din din, aŋ ti mulla kay suuna ni u ɗegeera.

SOOLLA 45:8

Aŋ minni dlara jivira, ka min dla coraɗi, kay ndaɗta Lona, Lo maŋŋa fuuruŋ u mbul ma furira, nam miniŋ su ndarayaŋŋa halaŋ.

SOOLLA 5:12

Na may suu ŋgay tasi egeŋŋa halaŋ hin furiya, asi ka furi hu buuna tew tew, kay aŋ ŋgayasiya. Suu miniŋŋa halaŋ ka furi ni kaŋu.

SOOLLA 7:11

Mbari manna ka ni eg Lona, ma suɗ suu hurusi ɗegeena.

SOOLLA 7:9

Yawe kaɓakŋa kay suuna. Takan jivi manda kiyo, Yawe, u ɗegee manda kay an li va kaɗi.

SOOLLA 99:4

Saɓak ma vi mulnana ni kay min gasira. Aŋ tin gaɗta ni aŋu. Gasira u ɗegeera ni hu Yakob, aŋ lasi ni aŋu.

VUN ŊGOLNA 15:9

Poyra vi suu dlasi cona ka ii Yawe jiviɗi. Nam minni suu may suu hal a li dlara ɗegeera.

EZAYI 61:8

Kay an, Yawe, an minni ɗegeera. An ka min ɦulaɗi, ka min li iiraɗi lay. An hin ɦal warakŋa maŋ suu mansina. Galamba an vaɗ u agi ni a fafaɗta.

1 PIYER 3:12

Ii Bu Suuna ka tini kay suu ɗegeena, humusi cen masira lay, nam ɦal ŋgorom maŋ suu li dla cora.»

1 JAŊ 3:2

Banayanna aygi cecemmi goryoŋ Lonna, aygi li hin mbuɗ ŋgoo dagan ana me kala ni dla ndaɗta uɗ tak ka ki jivi tuɗi. Aygi a wi dla ndaɗta ki jivira wani falira Kristu hoŋ ayra, ni aygi hin mbuɗ ni ko ndal nam na, kay me aygi hin wam ki ni u tamba.

WIRA ŊGAYRA 22:4

Asi hin wam irimu sem hin li ɓiiri vokosiya.