SOOLLA 106:9 - Boy Lonana

⁹ Nam so mbo lumma Cerewna kiyo, hinisi asi tuɗ kay ndaŋgara ko ndal hu li ma mbassa ɦawa na.

SOOLLA 106:9 ပူးပေါင်းရင်းမြစ်များ

NEHEMI 9:11

Aŋ ɓorow ii mbo lum ma ŋgolna ki fokosi duk mba' asi ɗiŋ ki bay sesi laɓ duk mbo lum ma ŋgolna. Suu dikisi usina aŋ selesi ki hu gaalina ko ndal gogoyra lagaɗ kaŋga duk mbo ɓaɗ ɦaynara na.

SOOLLA 18:15

Nam mun mbuurura, njay suu mam suu duuna kiyo. Nam li welera kolo cocoo, mbuɗusi ki ndaana.

SOOLLA 66:6

Nam mbuɗ mbo lumma ki lii sooyna, asi taɓa lumma ki bay sesi laɓa, ni ay ndak a lay luuna mamu.

SOOLLA 78:13

Nam ɓorow mbo lumma ŋgolna ki duku, hinisi voɗta asi jak kiyo, col mbona ki kolo ko daamma na.

EZAYI 50:2

An mbay tani fi sa kaɗi ni nanage? An yi lay sa ka humunɗi ni nanage? An ka ndaki a buɗugi kiraɗi su? Saɓakan ka ndaki a suɗugiɗi su? Gola u saɓak manna an so mbo lumma kiyo, li ma mbona huna an mbuɗum ki mbassa. Kay mbo kaɗira kuluf ma goloŋŋa halaŋ miɗ kiyo.

EZAYI 51:10

Aŋ so mbo lum ma ŋgolna kiyo, hu li ma gaalina aŋ gi voɗta ki huwa, hu li namma suu aŋ suɗusi ay kina jakŋi ɦawaa.

NAHUM 1:4

Nam mbuɗ yara eg lum ma ŋgolna wa ni nam so kiyo, nam haɗak mbo lum ma gorina kiyo. Usu ma hu Basanna u ma keŋ ɦinira Karmella so kiyo, ɓo guguni suu hu Libanna logoɗ kiyo.

MATIYE 8:26

Yesu dasi ana, «Agi li ndaana ni kaymege. Agi suu viigira ka ŋgolɗina.» Nam col kolo col ni, bay babaana u mbona. Babaana ba ki kaŋga na yar ɦay, yona seŋ tam na yerek yerek.