SOOLLA 106:5 - Boy Lonana

⁵ Hinin an wi jivira vi suu aŋ manasina u irin may, taɓ furi manda u suu maŋsina may, ɓorow jivira u asi hu mbas maŋga may.

SOOLLA 106:5 ပူးပေါင်းရင်းမြစ်များ

2 SAMUEL 20:19

Anni dla mayra jivi su kira u dlara ki eg liiɗ su hu Israella. Aŋ may ni hal a ɓeŋ ɦoŋzina kiyo. Ni ɦoŋzi ma ŋgol ma hu Israelna. Aŋ min a to jo ma vi Yawena ki kaŋga ni kay mege?»

SOOLLA 1:3

Sa namma ni ko gu ma pii doŋ lummana na, nam vuɗ vuɗummi hu liim tew tew. Humum ka yak kiɗi lay, dlara nam a laɗta halaŋŋi nam faɗu.

SOOLLA 105:43

Nam cuk suu mamsina ay ki u furira, suu nam manasina tuɗ u soolla ayra irisiya.

SOOLLA 105:6

agi njaf Abraham saam ma sunda, agi goryoŋ Yakob suu nam managina.

SOOLLA 118:15

Hu zi ma vi suu ɗegeena ay ka hum geleɗta furira, «Ɗegeera vi Yawera ndak ki hu lina halaŋ.

SOOLLA 14:7

An ka juɓ suɗta, col ay hu Siyon a suɗ suu Israelna. Yawe buɗ suu mamsina ay ki hu mbaɓura, ni njaf suu vi Yakobma hin furiya.

SOOLLA 48:11

Ko ndal seŋ na may, Lona, ŋgara ŋgaaŋga ndak ha ki kay yam mbassa halaŋ. Bikiŋ ma njufna oy u dlara ɗegeera.

EZAYI 12:6

Gagi soolla furira agi suu cuki hu Siyonna, kay ma teteɗ ma vi suu Israelna nam ŋgol cocoo, nam ka dukugiya.

EZAYI 35:10

Suu Yawe buɗusi ay kina hin hoŋ aya. Asi hin cuk hu zi ma Siyonna ni u soolla furira. Golosi irisi ni u furira ka daɓ kiɗira. Ayra u furira ŋgafasi aya. Yoora u hahawra yow liŋŋa may.

EZAYI 45:25

U oora vi Yawe njaf suu Israelna halaŋ hin fi ɗegeera umu, asi hin ŋga tasiya.

EZAYI 66:10

Furiyugi u Yerusalem, ayagiya, agi suu maɗsina halaŋ, agi suu li tii kay Yerusalemma furiyugi u ndaɗ cocoo.

JOEL 2:23

Agi suu hu Siyonna lagi furira u Yawe Loogina. Nam ɦagi mbo lo ma ndolna a suɗugi kira. Nam si yo ma ndolna hu lina kagi ko ay fok jew dayra na.

SOFONI 3:14

Furiya goŋ Siyonda, li furi makka Israel, li furi makka, ko huruk mbuɗ san lay, goŋ Yerusalemba.

ZAKARI 9:9

Li furira, goora vi Siyon. Yi ha kolo u delek eŋga, goora vi Yerusalem. Gola mul makŋa ka tuɗ vo varaku. Nam ɗegee, saɓak lay, lamlam, fuli kay korra, kay goo korra.

Boy Ma Ayra Ma JAŊ Ɓiirimma 15:16

Agi ŋgaɓan ka agiɗi, an ŋgaɓagi ni an ɗow. An cukugi ha ni ana agi tuɗ vuɗ vuɗta jivira ta ka daɓ kiɗira. Na ni, Bun hin ɦagi va ma agi hin joɓom u senna halaŋ.

Boy Ma Ayra Ma JAŊ Ɓiirimma 16:22

Cecemmi agi hu yoora ni na may. Agi wan wa ni, hurugi hin furiya, furi magi ndaɗta sa ndak ka a ɓaɗagira ki kogiɗi.

SUNDA 9:15

Bu Suuna dam ana, «Tuɗa, an man sa namma ni ko vaan ma sunda na a takan sen ki maŋ njaf suu daŋŋa, maŋ muli masisina u suu Israelna.

EFESNA 1:18

An min ana agi fagi kiɗikka hurugiya, kay a agi mba li a suu Lona yagi ay agi ka juɓumma, agi mba wi va ma ŋgol ma hu jona ma nam hinim maŋ suu mammana.

EFESNA 1:4

Kay Lona jew bay li duliyara tu ni nam manaygi ki ana aygi ni suu mamsina hu Kristu kay aygi mba li fokommi suu jivi suu bay cora egesina hu min mamba.

GA 8ATAMBARA 32:9

Yawe man suu Israelna ki ni a suu mamsina nam ka golosiya, Yakob ki ni a joomma.

GA 8ATAMBARA 7:6

Kay agi suu hin tagi ki maŋ Yawe Looginana. Yawe, Loogina managi ki ni namu, a mbuɗugi ki suu mam suu kay tamma duk njaf suu kay ndaŋgarna halaŋ.

FILIPINA 3:3

Aygi ni suu tak gasira vi caw ɗiwra, ni ka asiɗi, aygi ni suu sun Lona u Musuk mamba, aygi col gasi maygira ni hu Yesu Kristu, aygi tin huruygi ni ka kay dlara vi sa warnaɗi.

2 TESALONIKŊA 2:13

Gorsenna, ami gideɓ Lona kagi tew tew agi suu Bu Suuna minigina. Lona managiya kay agi mba suɗ ki fok jew u saɓakŋa vi Musuk Lonara ta mbuɗugi maŋ Lona kay tin hurugi kay gasira.

Magaara JAK Ɓiiriɗta 2:5

Humugi gige, gorsenna, suu an minigina. Lona man suu haw suu hu duliyara kay mbuɗusi suu ɦizina hu vira. Asi hin fi mul mamba nam ŋgaaɗ maŋ suu minimma hu jona.

1 PIYER 2:9

Agi ni njaf ma manam kina, suu li ɓivunna vi mul ŋgolna, deera teteɗta, suu vi Lonna. Managi ay kini a di ki kay sunda jivira vi Lona, taɗagi ay ki hu ndufunda a mbaaragi ki hu kiɗik mamba jivira.

WIRA ŊGAYRA 17:14

Asi hin duu Goo Timiina nam hin su kasiya, kay nammi Bu Suuna vi Bu Suuna, mulna vi mulina, nam hin su kasi u suu mamsina, ni suu mam suu ɗegee suu yasi ay manasi kina.»