SOOLLA 106:41 - Boy Lonana

⁴¹ Nam yow kom ki kasiya, hinisi ki maŋ suuna, suu babali masisina kak ki mulla kasiya.

SOOLLA 106:41 ပူးပေါင်းရင်းမြစ်များ

SUU KAƁAKŊA 2:14

Yawe hurum ɓeŋ ki egesiya. Nam hinisi ki ko suu ɦurum tlena vi suuna asi ɦurumusi kiyo. Nam gususi ha ki ko suu babali masisina suu ŋguy kasina. Saɓakasi ma col eŋ fok suu babali masisina ka oloɗi.

SUU KAƁAKŊA 3:12

Suu Israelna hoŋ li dlara ka ii Yawe jiviɗira olo. Yawe ɦal saɓakŋa ay maŋ Eglon, mul ma Moabma, kasiya. Kay ana asi li ni dlara ka ii Yawe jiviɗira.

SUU KAƁAKŊA 3:8

Yawe hurum ɓeŋ ki eg suu Israelna. Nam hinisi ki hu duk ko mulna Kukan-Rikataim, mul ma Mesopotamina. Nam ti mulla kasi ta ta basara kalavandi.

GA 8ATAMBARA 32:30

Sa ma dewna hin su kay suu buɓma ni nanage? Suu mba' daŋŋa hin su kay suu buɓ buɓ doogona ni ana mege? Ni tak ki ana Ҥini masina gususi ki ni namu, ɦasi ki ni Yawe u tamba naɗi su?

GA 8ATAMBARA 28:48

Agi hin sunni suu babali magi suu Yawe Loogina sunugisina ay u mayra, tara siilira u haw tlena halaŋ. Asi hin gagi jugna kelegi ta ta asi daɓagi kiyo.

GA 8ATAMBARA 28:33

Wa ma agi horokomma u vuɗ tlegeyegi suu agi zaarasina halaŋ hin tasi ki ni suu agi ka wasiɗina. Agi ka fi saɓak ma a yow va ay vi suu daŋŋa na ɗow ni kaɗi.

GA 8ATAMBARA 28:29

Faali ŋgolla lay ni agi daɓ hu voɗta ni ko suu dugina na, ka fi voɗtaɗi lay, sunda agi laɗta ni agi ka fi va huɗi lay. Suu babali magisina hin lasagi ni hu buuna halaŋ, asi vagi balna, sa ma njun kagi kaɗi lay.

GA 8ATAMBARA 28:25

Yawe hin mbuɗugi ni a suu paɗ liŋŋa fok suu babali masisina. Agi cuk ha ki a ŋgafasira ni hu voɗta dewra, hin njay kogi a liŋŋa ki ni hu voɗta zeɗ zeɗ kiɗisiya. Dlara lagi ndaɗta mbuɗ suu kay yam mbassa halaŋŋa ki ndaa cocoo.

SUU KAƁAKŊA 3:14

Suu Israelna li sunda u Eglon, mul ma Moabma ta ta basara doogo yam kalavandi.

SUU KAƁAKŊA 15:11

Suu Yudana yow u tasi na buɓ buɓ hindi tuɗ hu zul goyra Etamba, tuɗ di Samson ana, «Aŋ ka wi ana suu Filistinna ti mulla kaygi ni asiyaɗi su? Ami laŋŋi mege?» Nam hoŋosi dira ana, «Ko ndal asi lan dla cora egenda na, an min lasi ni na may.»

2 SAMUEL 24:14

David di Gad ana, «Anni hu hahawra ŋgolla. Cukuy tay ni hu duk ko Yawe na ɗow, kay ana oo mamba ŋgol cocoo, na may ka an ndi hu duk ko suunaɗi.»

EZEKIYEL 16:27

Gola an tin kon kak wa. An hin dagarak suu maksina kiyo. An hin hinigi ni duk ko suu babali maksina, gorɓii suu Filistinna tasi mbuɗ ki zolona ko dlaagira cora.