SOOLLA 106:38 - Boy Lonana

³⁸ Asi vo busu ma li co kaɗina ki gaa, busu gor njufii masisina u gorɓii masisina, asi li ɓivunna maŋ fuli suu Kanaanna, asi ɓalak mbassa ki u busuna wa.

SOOLLA 106:38 ပူးပေါင်းရင်းမြစ်များ

NDUMBA 35:33

Ka agi ɓalak mbas magiraɗi, mbassa mbuɗ ki njenjera ni u busu ma sana vooɗna ki kaɗna. A hin mbus mbassa ki teteɗta ni u busu sa ma vooɗ busuna ki kaɗna may.

EZAYI 26:21

Kay Yawe kal ay ki vo hu ziim a sa sugul ci maɗ masina, ni kay suu hu duliyarna halaŋ. Ndaŋgara hin tak busu ma vo ki kaɗna kiyo. Ndaɗ ka baa yam suu casi kina oloɗi lay.

2 MULINA 21:16

Manase ci suu ɓalak va kaɗina ki cocoo, suluk namma oy ki hu Yerusalem na halaŋ. Suluk ma nam lam eg Yuda halaŋŋa ka ndumbi. Nam li dlara ka ii Yawe jiviɗira cocoo.

GA 8ATAMBARA 21:9

Agi mayna mbus busu sa ma li dla co kaɗina ki dukugi ni u lira agi li dlara jivira ɗegeera ii Yawera.

EZEKIYEL 22:3

Aŋ dasi ana, Bu Suuna, Yawe, di ana, ni ɦoŋzi ma vo busuna ki cocona. Buu masina hin mbaa, asi suu min fulina ɦayna, ziisina ki mbuɗi njenjee.

EZEKIYEL 7:23

Dli galina, kay mbassa ki oy u busuna cocoo, ɦoŋzina ki oy u dla cora ɦay lay.

JEREMI 2:34

Busu suu hahawra, suu li va kaɗina ka tini eg vun barawi maksina. Ni gasi eg tle asina an famu, ka ni eg gulumun ma irim ki cooynaɗi.

EZAYI 24:5

Ndaŋgara mbuɗ ki njenjera ni ko sem suu ka tuɗ kaɗna kay asi ŋgel gaɗta, asi mbuɗ gaɗta ɦasirara ki zeɗ, asi bus galam mayra din din u Lonara kiyo.

EZAYI 1:15

Hu li ma agi yow kogi kolo a cenda ni an baa irin kiyo, agi zul cenda coco lay ni an ka humbi. Kogi oyra ni u busuna.

2 MULINA 24:4

Olo ni kay busu suu li va kaɗi ma asi voom ki kaŋga ɦawa bay uɗna. Dla co ndaɗta oy ki hu Yerusalem. Yawe ka min zi ma Yerusalem namma oloɗi, ka min a heɓ hurum eg zi nammaɗi.

DLAŊ LEVIRA 18:21

«Aŋ ka ɦal goryoŋ a ŋgalasi ki maŋ ful ma yam ana Molekŋaɗi, aŋ ka ɓalak sem Looŋŋa kiɗi. Ni an, Yawe.

DLAŊ LEVIRA 18:25

Mbassa halaŋ mbuɗ ki njenjera, an gaɗasi ni kay dla ndaɗta asi laɗ cora. Mbassa noy suu cuki huruɗna ki wa.

2 MULINA 17:17

Asi gi goryosi suu njufiina u suu tamagina ki duk kura, asi joɓ fulina, asi li ni u dlara suu joɓ loogi suu ɦawana dasirara lay. Asi ɦal tasi ki a li dlara ka ii Yawe jiviɗira, ɓalakam hurum ki egesiya.

JEREMI 19:4

Hu li ma asi noyon ki may, asi ɓeŋ li namma ki u ɓivun ma ŋgalam maŋ loogi suu daŋ suu loɓ tasi ay ka kasiɗi lay, ka kay somoyosiɗi lay, ka kay muli suu Yudanaɗi layna. Asi oy li namma ki u busu kem gorira li va kaɗira.

EZEKIYEL 16:20

Ndak yow gor njufii maksina u gorɓii suu ndak vuɗunsina manna lasi ki ɓivunna maŋ loogi suu ɦawa asina. Dlara co ndaɗta na ni bay ndakak tu su?