SOOLLA 103:8 - Boy Lonana

⁸ Yawe ni sa ma wi hahaw suuna u minda, nam ka mbuɗ ya na zakgi, nammi sa ma ɗegeena.

SOOLLA 103:8 ပူးပေါင်းရင်းမြစ်များ

NEHEMI 9:17

Asi min ka humbi. Humusi gasi ka kay dlara mbuɗ mbuɗ ta aŋ laɗ egesiraɗi. Asi tin saarasi ni a hoŋ hu liisi ma mbaɓura. May aŋ taŋga, aŋŋi Lo ma ɦal heɓpa, jekjeke lay, oo coco lay, ka ɓeŋ huruŋ zakgi lay, ɗegee coco lay, aŋ noyosi ka kiɗi.

SOOLLA 130:7

Agi suu Israelna tin saa magira kay Yawe, kay Yawe ni sa ma li oora kay suuna, nam ndaki a suɗ suuna ki halaŋ.

SOOLLA 145:8

Yawe ni sa ma jivi ma wi hahaw suuna, nam ka mbuɗ ya na zakgi, ɗegeera kom ŋgol cocoo.

SOOLLA 31:20

Jivira aŋ ŋgomoɗ ha kay suu laŋ ndaaraŋŋa ndaɗ ŋgol cocoo. Aŋ laɗ maŋ suu ŋgay tasi egeŋŋa ki fok suuna halaŋ.

SOOLLA 86:15

May aŋ, Bu Suuna, Lo ma wi hahaw suuna, huruŋ ka ɓeŋ zakgi, huruŋ oy u ɗegeera u gasira,

SOOLLA 86:5

Bu Suuna, aŋŋi sa ma jivina, ma bulum cora kina, aŋ sa ma ɗegeena ka hum suu ka yaŋŋa tew tew.

EZAYI 55:7

Ko suu li dla cora hin dla coosira kiyo, sa ma las ndarayamma hin saa mam ndaɗta kiyo. Ko nam hoŋ ay ni eg Yawe ma ka takam ɗili mambana eg Looygina, ma bulum cora vi suuna ki halaŋŋa.

JEREMI 32:18

Aŋ sa li oora kay njaf suuna bubma, may aŋ hin warak suluk ma vi somoyoŋ gorrana ki kay goryosiya, Lo ma ŋgolna, ma saɓakŋa ma duuna. Yawe, ma Saɓakŋa Kom Belna, ni semu.

JOEL 2:13

Yoorogi hurugi na ɗow, haragi barawi magisinaɗi, hoŋogi ay eg Yawe Loogina. Nam ka tew tew u heɓpa hurum ka ɓeŋ zak zakgi, ɗegee cocoo. Nam yoo tam kay dla cora ɦay.

JONAS 4:2

Nam cen Yawe di ana, «Ҥii, Yawe ni boy ma an dam hu li ma an ay hu mbas mandanaɗi su? Kay ndaɗta an mbuɗ a pii ki a tuɗ hu Tarsis ni naɗi su? An wi ki jivi ana, aŋŋi Lo ma jivina ma wi hahaw suuna, huruŋ ka mbuɗ ya zakgi, huruŋ oy u dlara jivira, aŋ ndak hoŋ ay kay dlaaŋga aŋ daɗ a li cora eg sanara.

NAHUM 1:3

Gasi, Yawe, hurum ka mbuɗ ya zakgi, u saɓakam ma ŋgolna nam ka hin va jak ki kambi. Hu li ma nam tuɗ huna, babaa ma ŋgolna li umu. Ɗugulla ni gugum ma tum kolo u semma.

NDUMBA 14:18

Anni Yawe, hurun ka ɓeŋ zakgi, hurun oyra u ɗegeera, an siɓ dla cora suuna laɗta, ta ka jak ki kan bay an waɗɗi, an tin cora vi somora ki kay goryosiya kay goŋ ŋgologina lay ha kay njafasi fokosi na gak gak hindi lay, fiɗi lay.

GA 8ATAMBARA 5:10

May kay suu li u gaɗ manda an li jivira ha kay njafasi fokosi buɓ buɓ lay suu minin gaɗ manda li uɗ mayna.

Magaara JAK Ɓiiriɗta 5:11

Ami di kasi ana furira ka kasi ŋgolo kay asi col ay saɓaki. Agi humugi kay lalamba vi Job ana mege, agi wi dlara Bu Suuna hin ɦamba ŋgoo daganda ni nanage? Bu Suuna ni sa ma hurum jivina wi hahaw suu mamsina lay.