SOOLLA 103:17 - Boy Lonana

¹⁷ Na may ɗegeera vi Yawera ka ni tew tew a fafaɗta, ndaɗ ka kay suu lam ndaaramma, ɗegee mamba ka ni kay njaf suuna u goryosiya,

SOOLLA 103:17 ပူးပေါင်းရင်းမြစ်များ

SOOLLA 100:5

Kay Yawe nam jiviya, ɗegee mamba ka ni tew tew, gasi mamba ka din din a fafaɗta.

SOOLLA 111:3

Sunda nam laɗta halaŋ ka tak ki kay ŋgol mamba, ɗegee mamba ka ni na din din.

SOOLLA 118:1

Geleɗegi Yawe kay nam jiviya, ɗegee mamba ka ni na din din.

SOOLLA 22:31

Njaf maa dew hin sun Yawe, asi hin njaɗ boy namma ka maŋ njafasi lay.

SOOLLA 25:6

Yawe humuŋ gaŋ kay oo maŋga, u ɗegee maŋga aŋ laɗ ay fok jew dayra.

SOOLLA 90:16

Ko sun maŋga aŋ laɗta li ki kiɗik ii suu sun maŋsina, tak bibiŋil maŋga ki maŋ goryosiya.

KALKIRA 20:6

May kay suu li u gaɗ mandana, an li jivira ha kay njafasi fokosi buɓ buɓ lay suu minin gaɗ manda li uɗ mayna.

EZAYI 41:8

Na may aŋ Israel saan ma sunda, Yakob aŋŋi sa ma an manaŋŋa, njaf Abraham, bananna.

EZAYI 46:13

Dlaanda an a laɗ kira hin ka day oloɗi, hinni na tok daŋ. Buɗta kira ka day oloɗi, an mba buɗ mbassa Siyonda ki ni u tanda. Na daŋ may suu Israelna an hin ɦasi bibiŋil manda.

EZAYI 51:6

Gologi huulona koloo, gologi ndaŋgara may. Na daŋ may huulona hin vaɗ ki ni ko ndal ndoosna na, ndaŋgara hin ɓeŋ ki ni ko ndal barawna na. Suu cuki kaɗna hin miɗ ki ni ko ndal vurutna ɦawa na. Na may suɗ manda ka ni a fafaɗta. Ɗegee manda ka ni na din din ka daɓ kiɗi.

JEREMI 31:3

Ay ki day ni Yawe tak tam irinu, dan ana an miniŋ ni a fafaɗta, olo ni u ɗegee maŋga an yaŋ ay egenu.

DANYEL 9:24

Asi ŋga cokira na dok kiɗisiya kay suu maŋsina u ɦoŋziiŋ ma teteɗna a heɓ cora kira, a daɓ sulukŋa kira, a gi ii dla cora, a mba ɗegeera fafaɗta ayra, a gi u dlara tak taɗ ii suunara u dlara suu vovoɗta ɓakaɗta kiyo, a vo mbulna kay sa ma teteɗ ma vi suu teteɗnana.

MISE 6:5

Suu mansina humugi gagi kay boy ma Balak, mul ma Moabma damma, va ma Balaam, goŋ Beorna, hoŋom dirana, li ma col ay Sittim ta ta tew Gilgalna, agi hin wi saɓakŋa vi Yawe hu li namma.

ROMMA 1:17

Kay ndaɗta Boy ma Ayra tak ana Lona min mbuɗ suuna ki ɗegee fokommi u vira dew daŋ, u tin ura gak gak daɓpa, ko ɓii ay hu magaara vi Lona ta jewra na, «Sa ma ii Lona ɗegee u virana hin kak iiriya.»

ROMMA 15:8

An dagiya Kristu mbuɗ ki sa sunda vi suu Juifna kay li u va ma Lona dam ki maŋ somoyosina, kay tak ana va ma Lona damma ka mbuɗ ki ma daŋgi.

GA 8ATAMBARA 10:15

Kay Yawe njun tammi eg somoyogi doy hol minisiya, ŋgoorosi daganni nam minisi goryosiya, ni ana agi ni suu nam managi ki duk njaf suuna halaŋŋa, ko agi wi cemi wanda na.

2 TIMOTE 1:9

Nammi sa suɗuygi kina yaygi ana aygi ni suu mamma, ni ka kay sun maygira aygi laɗtaɗi, ni kay dlaamba nam ŋgaɓaɗta u oo mamba, nam ɦaygi oo mamba hu Yesu Kristu jew lina bay min tuwa.

2 PIYER 1:1

Ni Simon Piyer sa ma sunda ma vovoɗta vi Yesu Kristu. Maŋ suu may suu fi vira dlaɗ ŋgol ko ami na mayra u ɗegeera vi Lona u Sa Suɗta Yesu Kristu.