SOOLLA 103:12 - Boy Lonana

¹² Ko u maɗiina ha ki day eg u fiɗigina, nam cukuygi cooygira ha ki egeygi day ni na may.

SOOLLA 103:12 ပူးပေါင်းရင်းမြစ်များ

EZAYI 43:25

Anu, an bulumugi coogira ki wa, an ka saa kay suluk magina oloɗi.

1 JAŊ 1:7

Lini aygi laygi dlaaygira hu kiɗikka ko Lona u tamba hu kiɗikka na may ni, aygi ki taɓi dew u suu hiŋŋa busu Yesu Goromma hin mbusuygi ki ko co maygira halaŋ.

MISE 7:18

Hin ŋgaaŋŋi u Lo manage, aŋ ma bulum cora vi suuna kina, aŋ ma ka caa yaŋ kay yaraɗi lay na. Kay minda vi tlesuu hinna, jooŋŋa ka a mbuɗ co u yaaŋgaɗi, kay ana aŋ min a lami ni jivira egemiya.

EZAYI 38:17

Yoo manda mbuɗ ki suɗta wa. Aŋ vi taŋ eg iiri manda kay ana an kal hu zullaɗi. Aŋ cukun coonda ha ki ŋgoroŋ dagan halaŋ halaŋ.

JEREMI 31:34

Asi hin ka haɗ tasi u banayasina oloɗi, duk tasira wayaraɗi lay, ka hoŋoɗ ndumba ana, «Halagi yal ma wi Yawena», kay ana asi hin wan ki halaŋ halaŋ, kem gorira u suu ŋgolona. Yawe di na. An bulumusi dla coosira kiyo, suluk masina, an hin ka ɓak kasi oloɗi.

HEBRENA 10:2

Lini suu tok fok Lona asina ay u vira jivira hurusiya ni, coosira mbus kiyo, asi hin ka wi tasi ana ɓakŋa vasi kay coosira oloɗi. Ni hin hin lira li ɓivunna gaw may.

2 SAMUEL 12:13

David di Natan ɗaŋŋi ana, «An li sulukŋa eg Yawe.» Natan di David ana, «Yawe u saa mamba bulumuŋ suluk maŋŋa ki wa. Aŋ hin ka miɗɗi.

JEREMI 50:20

Hu li namma na ni, Yawe ɓak hu li namma na gaw ana, Asi hin hal u dla cora Israel laɗta may, ndaɗ hin viɗ kiyo. Dla cora Yuda laɗta lay ndaɗ hin viɗ ki may, ka faɗ oloɗi. An hin heɓ hurun ki eg suu an hinisi iirina.

EZAYI 45:6

Ni kay a suuna wi ki ana col ay u maɗiina ta ta u fiɗigina ni sa ma daŋ kaɗi ni an dew daŋ. Anni Yawe, sa ma ko ndal an na kaɗi.

SOOLLA 113:3

Col ay u maɗina ta ta u fiɗigina geleɗ ni u sem Yawe.

SOOLLA 50:1

Soolla vi Azaf. Lo ma kay loogina halaŋŋa, Yawe, nam ɓakka, nam yi suuna halaŋ, suu u maɗiinana ta ta suu u fiɗiginana.

EZAYI 44:22

An bulumuŋ cooŋga ki ko ɗugulla valaw kira na. An bulumugi suluk magina ki ko kuɗna valaw kira na. Hoŋ ay egenu, an suɗuŋ ki wa.

EZEKIYEL 18:22

Sa ka saa kay dla cora nam laɗ ay jewra oloɗi, nam kak iiri ni kay dlara ɗegeera nam ka laɗ wandara.

MISE 7:19

Nam hin laygi jivi mamba egeygi hu olo, nam hin tayaygi co maygira ki kaŋga u semu. Aŋ hin cukusi coosira halaŋ ha ki duk mbo lum ma ŋgolna.