Sa ma njun a li dla ndaɗta nana ni gege ni ka anɗi su? Sa ma yi njaf suuna ay ki zeɗ zeɗ hu ura tin ayra day. An tanda Yawe ni ma ay fok jew dayna, an hin a daɓ daganda dodora ni an lay.
Yawe min a las saam ma sunda nam hin iiri mamba ki kayra vi suu daŋŋara. Nam hin wi njaf suuna ha fokosiya, fokosiya. Buu mam ma hu duliyara hin ɦuɗ foko, minda vi Yawera hin li kiyo.
Asi ka min zi ma daŋ a sa kal huɗi, ka pi ŋgusu a sa ma daŋ tambi lay. Kay buu ŋgusuna ŋgaay ni na ga, ni buu suu mansina ŋgaay ni na may. Suu an manasina ndak ti tlesuu asi lasi u bik kosina ki halaŋ halaŋ.
Na daŋ may ko huulona ma wilina u ndaŋgara wilira na an min a colosi fokon eŋ didin di na ni Yawe u tamba. Njafagi hin lak ka eŋga ni na gak gak, segi hin yi ka na didin.
Na daŋ may gologiya ni anu, sa ma daŋ ay ka egenɗi, lo ma daŋ ka egenɗi. Anni sa ma ci sana kina, ni sa ma hin sana iirina lay. Lini an dag sana wa ni hin cilim mbilimmi an lay. Sa ma suɗ ki hu duk kon kaɗi.
