SOOLLA 102:17 - Boy Lonana

¹⁷ Hu li ma Yawe hoŋ min Siyon kolo wa, asi hin wam ki hu bibiŋil mamba.

SOOLLA 102:17 ပူးပေါင်းရင်းမြစ်များ

NEHEMI 1:11

Ha, Bu Suuna ko humuŋ li tini a hum cenda vi suu maŋ suu sunda suu ka u furira laŋ ndaaraŋŋa. Ҥal voɗta maŋ saaŋ ma sunda a fi u dlaamba karami, hinim nam fi heɓpa fok sa namma.» Na ɗaŋŋi anni sa ɦal tlesuu tira maŋ mulnana.

NEHEMI 1:6

Ko humuŋ li tini ta, iriŋ li ki mali may a hum cenda vi saaŋ ma sundara. Hu li namma na ni an ka cen fokoŋ kay goryoŋ Israelna suu maŋsuu sunda ana, an hom ki ni kay suluk ma vi goryoŋ Israel ma ami lam egeŋŋa. An u suu vo vi bunna ami li suluku.

NEHEMI 2:20

An hoŋosi dira, hin dasi ana, «Ni Lo ma kolo huulonana u tamba hin ɦami saɓakŋa mami ami suu mam suu sunda. Ami hin yowomi kolo hin minimina. Na may ɓorow ka kagiɗi lay, voɗ ka kagiɗi lay, va hin ɦagina hu Yerusalem kaɗi.»

SOOLLA 147:2

Yawe hoŋ min zi ma Yerusalemma, hin tok yam suu Israelna halaŋ.

SOOLLA 22:24

Agi suu li ndaa Yawena, geleɗegina, agi njaf suu vi Yakobma halaŋ, ŋgaagina, asi njaf suu Israelna halaŋ, lam ndaaramu.

SOOLLA 69:23

Ko tiisina mbuɗ kosi a va ma vasina, bege masira mbuɗ a cukusi gaara.

SOOLLA 72:12

Na daŋ may nam buɗ suu wihaw suu ka yamma kiyo, njun suu hoŋ yasi gaa, sa ka kasiɗina may.

SOOLLA 9:18

Suu cona halaŋ tuɗ irisi hu lina vi suu miɗina, u njaf suu maa Lona kina halaŋ.

EZAYI 40:5

Bibiŋilla vi Yawera hin tak kiyo, suuna hin waɗ ki u irisiya. Tlesuu iirina halaŋ hin waɗu, ta vun Yawe ɓak kaɗta.

EZAYI 44:26

An li u boy ma vi saan ma sunda, suu a dan vun sun mandana an njunusi a ndaɗ di ki u voɗoɗu. An di zi ma Yerusalemma ana, nam coli kolo balamamu. Zi ma Yudana an dam ana, ko nam hoŋ ki kolo minda suuna cuk huwa. Tlesuu ay ki hawaɗina an hoŋosi minda hu balamasiya.

JEREMI 31:38

Buuna ka mbaa, Yawe di na, ma ɦoŋzina hin hoŋom ki minda maŋ Yawe, col ay kay gulumun ma Hananeelna ta ta tew ki eg vun zira keŋga.

GA 8ATAMBARA 32:36

Yawe hin kaɓakŋa kay suu mamsina, humum hin gam kay suu mam suu sunda, hu li ma nam wasi asi mbuɗ ki maŋi cocona, sa ma njun kasi ka oloɗi layna.

GA 8ATAMBARA 4:29

Ha hu li namma ni agi hin hal Yawe, Looŋŋa, agi hin famu lini agi halam u hurugi halaŋ u musukugi halaŋ.