SOOLLA 102:15 - Boy Lonana

¹⁵ Ami suu sun maŋsina minni ɦini ndaɗta, gugum ma ay kaɗna cuk kami wami hahawamiya.

SOOLLA 102:15 ပူးပေါင်းရင်းမြစ်များ

1 MULINA 8:43

aŋ hum ay kolo huulona day ziiŋ ma aŋ ka huna. Li dlara koy namma joɓoŋ kaɗta kay ana suu warna kay yam ndaŋgara halaŋ waŋ seŋ kiyo, a asi laŋ ndaraŋ ko suu maŋ suu Israelna na may. Asi wi ki ana seŋ ka yi hu zira an miniɗ ndaɗta.

NEHEMI 1:4

Hu li ma an hum boy namma na ni an kak kaŋga, tiira, li doona ii buuna bolowo. Olo an li laara cen Lo ma kolo huulonana.

NEHEMI 2:17

An dasi ɗaŋŋi ana, «Agi gologi dlara hahawra aygi ka dukuɗ wanda gige. Kay ana Yerusalem ki ɓeŋiya. Vun grek maɗna ki ŋgali lay. Tuɗuygi miniygi gulumun ma Yerusalemma, ka mbuɗuygi ki va ma zolonaɗi.»

NEHEMI 2:3

An di mulna ana, «Ko mulna kak iiri a fafaɗta. Irin hin mbuɗ ki hahawraɗi ni ɦoŋzi ma us somoyon ha huna asi toom ki may, ŋgal vun grekŋa ki may nige?»

SOOLLA 138:4

Yawe, ko muli suu duk ndaŋgarana halaŋ geleɗeŋu, kay asi hum ki kay vi vun ma col ay funuŋŋa.

SOOLLA 72:11

Mulina halaŋ hin goɓ ga fokomu, Njaf suuna halaŋ hin sunumu.

SOOLLA 86:9

Njaf suu aŋ lasina halaŋ hin mba goɓ ga fokoŋu, Bu Suuna, hin a seŋ fi bibiŋilla fok suuna.

EZAYI 55:5

Gola njaf suu aŋ ka wasiɗina lay aŋ hin yasiya. Njaf suu waŋ ka dewɗina lay hin liŋ ay mbay egeŋu. Kay ana Yawe ni Looŋŋa. Na daŋ may ni kay ma teteɗ ma vi suu Israelna mbuɗuŋ a sa ma bibiŋilnara.

WIRA ŊGAYRA 11:15

Sa sunda huulona ma kiɗisiyana bu difna, della di ay kolo huulona eŋga ana, «Saɓakŋa a kak mulna kay ndaŋgara cecemi ni maŋ Bu Suuna mayna, u Kristu mamma, nam hin kakŋi a fafatɗa.»

WIRA ŊGAYRA 21:24

Suuna hu ndaŋgara hin tuɗ ni u kiɗik mamba, muli suu hu ndaŋgarana hin mbaa bege masina huwa.