SOOLLA 102:14 - Boy Lonana

¹⁴ U min maŋga aŋ col kolo kay Siyon, kay buuna ndak wa a aŋ waɗ hahawaɗta, na daŋ may lina ndak wa.

SOOLLA 102:14 ပူးပေါင်းရင်းမြစ်များ

NEHEMI 4:2

Asi yow tasi ay a duu u Yerusalem a ɓeŋeɗ tlegeyeɗ kira.

SOOLLA 79:1

Soolla vi Azaf. Ҥi, Lona, suu bay vina cuk ki hu mbassa vi suu maŋsina wa, asi mbuɗuŋ Ziiŋ ma Teteɗna ki njenjera, to zi ma Yerusalemma ki ga lay.

NEHEMI 4:10

Na may col ay hu buu namma day ni nus suu man suu li sunda ka laɗu, nus suu hiŋŋa u saɓina kosi may, mbarina may, gu mbuurura may, koroŋŋa may. Mulina njaa ki ŋgoo zi ma vi Yudana.

NEHEMI 4:6

Suu Juif suu cuki egesina hu li ma asi ka mbayna ni, asi dami ko va ma yasi doogo na, «Asi ki kaki ni hu li ma agi hoŋ ay huna halaŋ.»

NEHEMI 2:17

An dasi ɗaŋŋi ana, «Agi gologi dlara hahawra aygi ka dukuɗ wanda gige. Kay ana Yerusalem ki ɓeŋiya. Vun grek maɗna ki ŋgali lay. Tuɗuygi miniygi gulumun ma Yerusalemma, ka mbuɗuygi ki va ma zolonaɗi.»

NEHEMI 2:3

An di mulna ana, «Ko mulna kak iiri a fafaɗta. Irin hin mbuɗ ki hahawraɗi ni ɦoŋzi ma us somoyon ha huna asi toom ki may, ŋgal vun grekŋa ki may nige?»

NEHEMI 1:3

Asi dan ana, «Suu hin ay u suu yowosi ay ki mbaɓura hu ɦoŋzi ma baginana ni hu hahawra ŋgolla u zolona lay. Gulumun ma Yerusalemma gaɓalam hinni nam ɦawaa, vun grekŋa ki ŋgali halaŋ may.»

EZDRAS 7:27

Gi deɓpa maŋ Yawe, Lona vi somoyoygiya, ma ɦal dlara jivira huu mulna a ŋga Ziŋ Yawera hu Yerusalemba.

EZDRAS 1:5

Na ɗaŋŋi suu ŋgolo suu fok suu vi Yuda u Benjaminna, suu li ɓivunna u suu Levina ni kay suu Lona malasi saarasi ki kay tuɗ a min Ziŋ Yawera hu Yerusalemma.

DANYEL 9:16

Bu Suuna, u sun maŋga ɗegeera, ko yaaŋga u huruŋ ma zalina li kay Yerusalem ziiŋŋa, ɦini maŋga teteɗtaɗi ni kay suluk mamina u cora vi somoyomira, Yerusalem u suu maŋsina mbuɗ ni va ma ŋgulla maŋ suu ŋguy kamina halaŋ.

RUT Magaara Njaɗ Dlara vi Rut 1:6

Ndaɗ col u boyogi suu vi goryoɗna a hoŋ ay hu mbas maɗta, kay ndaɗ hum ana tina ka huwa. Yawe ka njun suu mamsina.

SOOLLA 119:126

Ҥi, Yawe, lin ndak wa a aŋ kaɓak maŋara, asi ɓalakaŋ gaɗ maŋga cocoo.

EZAYI 14:1

Yawe hin wi hahaw Yakob. Nam hin man suu Israelna olo. Nam hin hoŋosi ay hu mbas masira. Suu koyogina hin taɓ ay u asiya, asi hin cuk tasi duk suu vi Yakobma.

EZAYI 40:2

Di suu Yerusalemma, dasi ana buu masi ma wihawra hin daɓa, dla coosira warak ki wa, an hin ɦasi warak masina u tanda, asi fi warakŋa sesi mba' mba' ko Yawe kay dla coosira.

EZAYI 51:3

Na daŋ may, Yawe ɗil ii zi ma Siyonna wa, zi mamma ɓalak kina, nam soosi hurusi wa. Nam mbuɗ li ma ki duk gurana ki zina. Li ma haw yona nam mbuɗum ki a sene ma vi Yawena. Zi namma cemi oy u furira, hum hu ni soolla gi deɓpa u tlesuu luuna zeɗ zeɗ.

JEREMI 29:10

Na ɗaŋŋi Yawe ɓak anaba, hu li ma basara dok kiɗisiyara jak ki kay Babilon wa ni an hin gologiya, hin tak dla mayra an vi vunun kaɗ a laɗ kay hoŋogi ay hu li nammara.

JEREMI 30:18

Na ɗaŋŋi Yawe ɓak anaba, an hin hoŋ mbutluɓma vi Yakobma kolo balamamu. An hin wi hahaw suu hu ɦoŋzi nammana. Ҥoŋzi managelay ni minim ki kolo kay ɦini mamba. Zira jivi taragelay hin fi liiɗ ma jewna.